Home ព័ត៌មានជាតិ នយោបាយ ​រាជរដ្ឋាភិបា...

​រាជរដ្ឋាភិបាល​ត្រូវការ​ថវិកា​ចំនួន ៤.៣៩៩ លាន​ដុល្លារ​ដើម្បី​អនុវត្ត​គម្រោងចំនួន ៤២៦ នៃ ផ​.​យ​.​អ​.​ជ​

ដោយ​៖​តារា​រិ​ទ្ធ​/​ភ្នំពេញ​៖​កិច្ចប្រជុំពេញអង្គ​គណៈរដ្ឋមន្ត្រី​ក្រោម​អធិបតីភាព​ដ៏​ខ្ពង់ខ្ពស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រកម្ពុជា​បានចាប់ផ្តើម​ពិភាក្សា​លើ “​សេចក្តីព្រាង​កម្មវិធី​វិនិយោគសាធារណៈ​៣​ឆ្នាំ​រំកិល ២០២១- ២០២៣”ហើយ​នៅវេលា​ម៉ោង​៨៖៣០ នាទី​ព្រឹក​ថ្ងៃទី ៩ ខែតុលា​នេះ​។​នេះបើយោងតាមហ្វេសបុករបស់លោក ផៃ ស៊ីផាន អ្នកនាំពាក្យរាជរដ្ឋាភិបាល ។

​សេចក្តីព្រាង​កម្មវិធី​វិនិយោគសាធារណៈ​៣​ឆ្នាំ​រំកិល ២០២១-២០២៣ មាន​ចំនួន​សរុប​៦២៩ គម្រោង​ក្នុងនោះ​មាន​ចំនួន​២០៣​ គម្រោង​ជា​គម្រោង​កំពុងដំណើរការ​ដែល ត្រូវការ​ទុន​ចំនួន​៨.៣៩៧ លាន​ដុល្លារ​អាម៉េរិក​និង​ចំនួន​៤២៦​គម្រោង​ជា​គម្រោង​សម្រាប់​អនុវត្ត ផ​.​យ​.​អ​.​ជ ដែល​ត្រូវការ​ទុន​ចំនួន ៤.៣៩៩ លាន​ដុល្លារ​អាម៉េរិក​។​

​ការ​វិភា​ជ​ទុន​ដល់​គម្រោង​នានារ​របស់​កម្មវិធី​វិនិយោគសាធារណៈ​៣​ឆ្នាំ​រំកិល ២០២១- ២០២៣ ទៅតាម​វិស័យ​ដូច​បានកំណត់​នៅក្នុង​ផែនការ​យុទ្ធសាស្ត្រ​អភិវឌ្ឍ​ជាតិ ២០១៩- ២០២៣ រួមមាន​៖ ៨,៩%​​នៃ​តម្រូវ​ការចំណាយ​វិនិយោគសាធារណៈ​សរុប​សម្រាប់​អនុវត្ត​គម្រោង​ក្នុង​វិស័យ​សង្គមកិច្ច ។៣៤,២% នៃ​តម្រូវ​ការចំណាយ​វិ​និ យោគ​សាធារណៈ​សរុប​សម្រាប់​អនុវត្ត​គម្រោង​ក្នុង​វិស័យសេដ្ឋកិច្ច​។​៥០,១% នៃ​តម្រូវ​ការចំណាយ​វិនិយោគសាធារណៈ​សរុប​សម្រាប់​អនុវត្ត​ក្នុង​វិស័យ​ហេដ្ឋារចនាសម្ព័ន្ធ​។​៦,៨% នៃ​តម្រូវ​ការចំណាយ ​វិនិយោគសាធារណៈ​សរុប​សម្រាប់​អនុវត្ត​គម្រោង​ក្នុង​វិស័យ​សេវា​និង​កម្មវិធី​អន្តរ​វិស័យ ។​

​ក្នុង​បរិការណ៍​នេះ​ដើម្បី​សម្រេចបាន​នូវ​ចំណុច​ដៅ​នៃ​កំណើន​ម៉ាក្រូសេដ្ឋកិច្ច​ជារួម​និង​តាម​វិស័យ​នៅក្នុង​ដំណាក់កាល​ផែនការ​យុទ្ធសាស្ត្រ​អភិវឌ្ឍន៍​ជាតិ ​២០១៩-២០២៣ការធ្វើឱ្យ​កម្មវិធី​វិនិយោគសាធារណៈ​៣​ឆ្នាំ​រំកិល​ក្លាយជា​ឧបករណ៍​ផ្នែក​គោលនយោបាយ​សម្រ ប់​អនុវត្ត​ផែនការ​យុទ្ធសាស្ត្រ​អភិវឌ្ឍន៍​ជាតិ​២០១៩-២០២៣​តាមរយៈ​ការស្នើឡើង​នូវ​គម្រោង​វិនិយោគសាធារណៈ​ដែល​អាចឆ្លើយតប​ទៅនឹង​ផែនការ​យុទ្ធសាស្ត្រ​អភិវឌ្ឍន៍​ជាតិ​និង​ការ​តម្រឹម​តម្រង់​ធនធាន​អភិវឌ្ឍន៍​ដ៏​មាន​កម្រិត​របស់​យើង​មកជាមួយនឹង​អាទិភាព​របស់​ផែនការ​យុទ្ធសាស្ត្រ​អភិវឌ្ឍន៍​ជាតិ​ទាមទារ​ឱ្យមាន​ការបន្ត​យកចិត្តទុកដាក់​ខ្ពស់​ពី​គ្រប់​ក្រសួង​ស្ថាប័ន​ពាក់ព័ន្ធ​ក្នុងការ​ធានា​នូវ​គុណភាព​នៃ​ព័​ត៌មាន​ស្តីពី​គម្រោង​វិនិយោគសាធារណៈ​ដែល​ក្រសួង​ស្ថាប័ន​ត្រូវ​ផ្តល់​មក​ក្រសួងផែនការ​សម្រាប់​ការរៀបចំ​កម្មវិធី​វិនិយោគសាធារណៈ​៣​ឆ្នាំ​រំកិល​៕ BR/Ha

ទីតាំងផ្សាយពាណិជ្ជកម្ម

- Advertisment -

Most Popular