Home ព័ត៌មានជាតិ សន្តិសុខ បុរស​ម្នាក់​ត...

បុរស​ម្នាក់​ត្រូវ​ឃាតករ​វាយ​សម្លាប់​យ៉ាង​ព្រៃផ្សៃ ខណៈ​កំពុង​ព​កូន​ក្នុង​ដៃ​

ដោយ​: សម្បត្តិ / ភ្នំពេញ​: បុរស​ជា​កម្មករ​ហាង​នំ​ម្នាក់ ត្រូវ​កម្មករ​ហាង​នំ​ដូចគ្នា យក​ញញួរ​មក​វាយ​ក្បាល បណ្តាល​ឲ្យ​រងរបួស​ធ្ងន់ រហូតដល់​ស្លាប់ចោល​កូនប្រុស​ដែល​កំពុង​ព​នៅក្នុង​ដៃ​។ អំពើ​ឃាត​កម្មនេះ បាន​កើតឡើង​នៅវេលា​ម៉ោង​៨​យប់ ថ្ងៃទី​៧ ខែតុលា ឆ្នាំ​២០២០ ថ្មីៗ​នេះ នៅ​ចំណុច​ហាង​លក់​នំ​យីហោ «​ផ្ទះ​នំ​ខេ​ក​» ទីតាំង​ផ្ទះ​លេខ​៧៥២ ផ្លូវជាតិ​លេខ​៥ ភូមិ​ក្រោលគោ សង្កាត់​គីឡូម៉ែត្រ​លេខ​៦ ខណ្ឌឫស្សីកែវ​។

​សមត្ថកិច្ច បង្ហើប​ប្រាប់ថា ជនសង្ស័យ​ឈ្មោះ ផល បញ្ញា ភេទ​ប្រុស អាយុ​៣១​ឆ្នាំ មុខរបរ​កម្មករ​ហាង​នំ មាន​ទីលំនៅ​ភូមិ​កោះ​រះ ឃុំ​កោះ​រះ​លើ ស្រុក​ល្វាឯម ខេត្តកណ្តាល ស្នាក់នៅកន្លែងកើតហេតុ​ខាងលើ កំពុង​រត់គេចខ្លួន​។

​សាកសព ឈ្មោះ ហន ចាន់​រស្មី ភេទ​ប្រុស អាយុ​៣០​ឆ្នាំ មុខរបរ​កម្មករ​ហាង​នំ មាន​លំនៅ​ភូមិ​អណ្តូងទឹក ឃុំ​អណ្តូងទឹក ស្រុក​បទុម​សាគរ ខេត្តកោះកុង ស្នាក់នៅ​កន្លែងកើតហេតុ​ខាងលើ​។ ស្លាកស្នាមនៅលើ​ខ្លួន​សព រួមមាន ស្នាម​ជាំ​ហើម​ពោរ​ដាច់រយះ ទក់​សាច់​នៅក្បាល​ខាងក្រោយ​ចំនួន​២​កន្លែង​។​

​យោងតាម​ការបំភ្លឺ​ពី​បុរស​ម្នាក់​សុំ​មិន​បញ្ចេញ​ឈ្មោះ​ជា​កម្មករ​ធ្វើ​នំ បាន​ឲ្យ​ដឹងថា នៅ​ម៉ោង​៧យប់ ថ្ងៃទី​៧ ខែតុលា ឆ្នាំ​២០២០ រូបគេ​បាន​ចូលក្នុង​បន្ទប់​កាត់​នំ​តែម្នាក់ឯង​។ លុះ​ដល់ពេល​កើតហេតុ រូបគេ​បានឮ​សំឡេង កូនប្រុស​ជនរងគ្រោះ​ស្រែកយំ ក៏​អើតមើល​តាម​បង្អួច ឃើញ​ជនសង្ស័យ​កំពុង​យក​ញញួរ វាយ​ក្បាល​ជនរងគ្រោះ រួច​ដើរ​ចេញទៅ​ក្រៅ​ជិះ​ម៉ូតូ​ចេញទៅ​បាត់ ហើយជនរងគ្រោះ ត្រូវបាន​ដឹក​ទៅ​សង្គ្រោះ​នៅ​មន្ទីរពេទ្យ ក្រោយមកទើប​ដឹងថា​ស្លាប់​។​

​យោងតាម​កាមេរ៉ា​សុវត្ថិភាព​បង្ហាញ នៅវេលា​ម៉ោង​៧៖៥៨​នាទី ថ្ងៃទី​៧ ខែតុលា ឆ្នាំ​២០២០ ជនរងគ្រោះ​បាន​ពកូនប្រុសដើរ​ចុះ​តាម​ជណ្តើរ​មកដល់​ខាងក្រោម ស្រាប់តែ​ជនសង្ស័យបាន​ស្ទុះ​ទាញ​ញញួរ​មក​វាយ​ក្បាលជនរងគ្រោះ​ពីក្រោយ រួច​ដើរ​ចេញទៅ​ក្រៅ ជិះម៉ូតូ​គេចខ្លួន​។​

​សមត្ថកិច្ច​សន្និដ្ឋានថា ជនរងគ្រោះ​ស្លាប់ ដោយសារ​ការប៉ះទង្គិច​ក្បាល​ធ្ងន់ធ្ងរ ដោយពេល​នេះ សព​ប្រគល់​ឲ្យ​ក្រុមគ្រួសារ យកទៅ​ធ្វើបុណ្យ​តាម​ប្រពៃណី​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...

នាយកដ្ឋាន​ព័ត៌មានវិទ្យា រ...

​ដោយៈ មុនី​រ័ត្ន / ភ្នំពេ...