Home កីឡា ខ្សែប្រយុទ្ធ ...

ខ្សែប្រយុទ្ធ ម៉េ​ម​ហ្វី​ស ឌី​ផេ បង្ហាញ​អារម្មណ៍​ក្រោយពី​បាត់បង់​ឱកាស​ផ្ទេរ​ទៅ​ក្លិប បា​សេ​ឡូ​ណា

ខ្សែប្រយុទ្ធ ម៉េ​ម​ហ្វី​ស ឌី​ផេ (Memphis Depay) របស់​ក្លិប​លី​យ៉ុ​ន (Lyon) បាន​សារភាពថា ខ្លួន​ហៀបនឹង​សម្រេច​កិច្ចព្រមព្រៀង​ផ្ទេរ​ទៅកាន់​ក្លិប​បា​សេ​ឡូ​ណា (Barcelona) ទៅហើយ​កាល ពី​សប្តាហ៍​មុនៗ​ពេល​ក្តី​សុបិន​ប្រែជា​បរាជ័យ​។​
​ ​
​កីឡាករ​សញ្ជាតិ​ហូ​ឡង់​រូបនេះ ត្រូវបាន​គេ​ភ្ជាប់​ទៅនឹង​កិច្ចព្រមព្រៀង​ផ្ទេរ​ទៅកាន់​ក្លឹប​យក្ស អេ​ស្ប៉ា​ញ​ស្ទើរតែ​ពេញ​មួយ​រដូវក្តៅ​ហើយ​ហៀបនឹង​សម្រេច​កិច្ចព្រមព្រៀង​ផ្ទេរ​នៅ​ថ្ងៃ​ចុងក្រោយ នៃ​រដូវ​កាល​ទិញដូរ ស្របពេល​ក្លិប Lyon បាន​បញ្ចុះតម្លៃ​មក​ត្រឹម​២៣​លាន​ផោន ដើម្បី​អាច សម្រេច​កិច្ចព្រមព្រៀង​ផ្ទេរ​។​
​ ​
​ប៉ុន្តែ​ក្លិប Barcelona ដែល​កំពុងមាន​បញ្ហា​ថវិកា​នៅតែ​មិនអាច​សម្រេច​កិច្ចព្រមព្រៀង​ផ្ទេរ​នេះ បាន បន្ទាប់ពី​មិនអាច​លក់​កីឡាករ អូ​ស្មា​ណេ ដេ​ម​បេ​ឡេ (Ousmane Dembele) ចេញ ខណៈពេល​កីឡាករ​សញ្ជាតិ​បារាំង​រូបនេះ​បដិសេធ​មិន​លេង​ខ្ចី​ជើង​ជាមួយ​ក្លិប Manchester United ។​
​ ​
​ហេតុការណ៍​បន្តបន្ទាប់​នេះ​បានធ្វើ ឌី​ផេ ខកចិត្ត ប៉ុន្តែ​អះអាងថា ខ្លួន​នៅតែ​ប្តូរផ្តាច់​ជាមួយ​ក្លឹប Lyon ប៉ុន្តែ​កីឡាករ​រូបនេះ​នៅ​បើកទ្វារ​ទទួលយក​លទ្ធ​ភាព​ផ្ទេរ​មកកាន់​ពហុ​កីឡដ្ឋាន Nou Camp នាពេល​អនាគត​។​
​ ​
​ឌី​ផេ បាន​និយាយថា “​វា​នឹង​កើតឡើង​ដូចដែល​វា​នឹង​កើតឡើង នោះ​ហើយ​គឺជា​ជីវិត​។ ខ្ញុំ​បាន ផ្តោត​ការយកចិត្តទុកដាក់​លើ​ក្លឹប Lyon ជាថ្មីទៀត ហើយ​ការងារ​សំខាន់​យើង​នឹង​ចាំ​មើលថា វា​នឹង​ទៅជា​យ៉ាងណា​”​។​
​ ​
​ឌី​ផេ ហៀបនឹង​សម្រេច​កិច្ចព្រមព្រៀង​ផ្ទេរ​ទៅ​ជួបជុំ​ជាមួយនឹង​អតីត​គ្រូបង្វឹក រ៉ូ​ណា​ល់ ខូ​មែន (Ronald Koeman) នៅ​ក្លិប Barcelona ហើយ​គេ​និយាយថា ជិត​នឹងចូលរួម​ជាមួយនឹង​ក្រុម ជម្រើស​ដំបូង មុនពេល​ក្លិប​យក្ស​អេ​ស្ប៉ា​ញ​នេះ​បាន​ដកខ្លួន​ចេញ​៕ ប្រែ​សម្រួល​: ពិសិដ្ឋ

ខ្សែប្រយុទ្ធ ម៉េ​ម​ហ្វី​ស ឌី​ផេ (Memphis Depay)

ទីតាំងផ្សាយពាណិជ្ជកម្ម

- Advertisment -

Most Popular