Home កម្សាន្ត អតីតារាចម្រៀង...

អតីតារាចម្រៀង ម៉ូលីកា ពិតជា ប្លែកភ្នែកពេលគ្រងឈុតបុរាណ

ដោយ:បញ្ញាសាស្រ្ត/ភ្នំពេញៈជាមួយនឹងឈុតបុរាណ អតីតតារាចម្រៀង នៃផលិត កម្មរ៉ក់ អ្នកនាង ម៉ូលីកា បានបង្ហាញរាងយ៉ាងស្រស់ស្អាតទោះជានាង ទើបតែសម្រាល កូនបានជាងបីខែក៏ដោយ។ ឈុតបុរាណជាច្រើន រួមមាន ឈុតពណ្ណរាយមរកតអប្សរ ដែលគ្រងលើខ្លួននាងបង្ហាញនូវរស្មីរុងរឿង រួមទាំងអលង្ការដាំដោយត្បូងកែវ ពណ៌ បៃតង កាន់តែមានភាពទាក់ទាញថែមទៀត។

នៅមានឈុតជាច្រើនទៀតដែលម៉ូលីកា ស្លៀកពាក់ស័ក្តិសមជាមួយដងខ្លួនរបស់នាង ធ្វើឲ្យអ្នកគាំទ្រ ចាប់អារម្មណ៍និងយល់ថានារីខ្មែរពិតជាមានសម្រស់ស្រស់ ស្អាតមែន នៅពេលដែលគ្រងឈុតបុរាណទាំងនោះ។

​ម៉ូលីកា បានឲ្យដឹងថាកាលពីថ្ងៃអាពាហ៍ពិពាហ៍របស់នាងបានប្រើប្រាស់ឈុតប្រពៃណី បុរាណខ្មែរជាច្រើនឈុត ហើយអារម្មណ៍របស់នាងពិតជាដក់ជាប់ចិត្តនូវឈុតសម្លៀក បំពាក់ទាំងនោះ ទើបនាងជ្រើសយកឈុតដែលខ្លួនឯងស្រលាញ់ថតទុកជាឯកសារ នៅពេលនេះ។នាងថាសម្លៀកបំពាក់បុរាណរបស់ខ្មែរមិនត្រឹមតែបង្កប់នូវ អត្ថន័យ មិនអាចកាត់ថ្លៃបាននោះទេ ប៉ុន្ដែនៅពេលដែលយើងគ្រងទៅមានអារម្មណ៍ថា ជានារីដ៏ស្រស់ស្អាតម្នាក់ ហើយមានមោទនភាពចំពោះការបានស្លៀកពាក់ ឈុតដ៏ អស្ចារ្យទាំងនោះ។

នាងថាក្នុងនាមជាកូនខ្មែរនាងបានឈ្វេងយល់ច្រើនពីឈុតសម្លៀកបំពាក់ប្រពៃណីបុរាណ ដែលបានបន្សល់ទុកជាមរតកឲ្យកូនខ្មែរជាពិសេសឈុតខ្លះមានមកុដ​ ដែល មានក្បាច់រចនាពីប្រាសាទរបស់ខ្មែរយើងទៀតផង។ទាក់ទងរឿងមុខជំនួញ នៅរដូវ កូវីដ១៩ នេះដែរម៉ូលីកា បានឲ្យដឹងថាហាងអិនខេ ម៉ូលីកា ប៊ីយូធី ត្រេឌីង ឯ.ក របស់នាងនៅតំណើរការធម្មតាទេហើយនៅពេលខាងមុខនេះនាងគ្រោងទិញផ្ទះថែម មួយទៀតធ្វើជាស្នាក់ការកណ្ដាលផ្ទុកផលិតផលធំនៅទីនោះតែម្ដង។ នាងថា ជីវិតរបស់នាងពេលមានកូនមួយនេះ ខុសកាលពីនៅលីវព្រោះត្រូវប្រឹងរកលុយថែម ទៀតដើម្បីចិញ្ចឹមកូន និងសម្រាប់ផ្គត់ផ្គង់ការរៀនសូត្ររបស់គេ។ ប៉ុន្ដែគម្រោង យកកូនទី២វិញ នាងថាមិនទាន់គិតគូរទេ។

​អតីតតារាចម្រៀងRock អ្នកនាងម៉ូលីកា បានរៀបការ កាលពីថ្ងៃទី១៨ខែមករា ឆ្នាំ២០២០ ជាមួយតារាសម្ដែងលោកហុង មានុន ហៅឆានុន ក្រោយអ្នកទាំងពីរ បានឆ្លងកាត់ការតស៊ូនិងកម្សត់កម្រជាមួយគ្នាជាងបីឆ្នាំ ទើបមានជីវភាព ធូរធារ ដូចពេលនេះ។ ម៉ូលីកា បានសម្រាលកូនស្រីដ៏ស្រស់ស្អាតម្នាក់កាលពីថ្ងៃទី៥ ខែកក្កដា ឆ្នាំ២០២០ ដោយនាងដាក់ឈ្មោះថា ”នុន ច័ន្ទម៉ូនីតា” ពេលនេះមាន អាយុជាង ៣ខែហើយ៕/Ha

ទីតាំងផ្សាយពាណិជ្ជកម្ម

- Advertisment -

Most Popular

បញ្ចូលសមាជិកបក្សជាង១០០នាក...

ដោយ:ទេពកង្រី/កំពង់ឆ្នាំង:...

ករណីពុល​ស្រាស​៖ ​អ្នកស្លា...

​ដោយ​: ទេ​ពក​ង្រី / ខេត្ត...

លោកទេសាភិបាលធនាគារជាតិធ្វ...

ដោយ:បញ្ញាសាស្រ្ត/ភ្នំពេ...

អភិបាលខេត្ត​បាត់ដំបង​ទស្ស...

​ដោយ​: គ្រញូង / សៀមរាប​: ...