Home ព័ត៌មានអន្តរជាតិ ថៃ​ចរចា​ទិញ​វ...

ថៃ​ចរចា​ទិញ​វ៉ាក់សាំង​ពី​ក្រុមហ៊ុន​រុស្ស៊ី​និង​ចិន​

​ប្រទេស​ថៃ​កំពុង​ចរចា​ជាមួយ​ក្រុមហ៊ុន​ផលិត​ថ្នាំ​វ៉ាក់សាំង ចិន រុស្ស៊ី និង អង់គ្លេស​ដើម្បី​ធានាបាន​នូវ​ការទទួល​បាន​ថ្នាំ​វ៉ាក់សាំង​ប្រឆាំង​វីរុស​កូរ៉ូណា​(​កូវី​ដ​១៩) នៅពេល​ណា​ក្រុមហ៊ុន​ទាំងនេះ​ផលិត​វា​ចេញ​​ដែល​ជា​ការ​ខំ​ប្រឹងប្រែង​របស់​ប្រទេស​នេះ​ដើម្បី​បើក​សេដ្ឋកិច្ច​ដែល​ពឹងផ្អែក​លើ​វិស័យ​ទេសចរណ៍​ឡើងវិញ​។​

​លោក​ណា​ខន ព្រេម​ស្រ៊ី ប្រធាន​វិទ្យាស្ថាន​ថ្នាំ​វ៉ាក់សាំង​ជាតិ​ថៃ បាន​និយាយថា ប្រទេស​ថៃ​ដែល​ជា​ប្រទេស​ដំបូង​គេ​នៅ​ក្រៅ​ប្រទេស​ចិន​ក្នុង​ការរកឃើញ​វីរុស​នេះ​ក៏​រំពឹងថា​នឹង​ឈាន​ដល់​កិច្ចព្រមព្រៀង​​ជាមួយ​សាកលវិទ្យាល័យ Oxford និង​សម្ពន្ធភាព​វ៉ាក់សាំង​កូវី​ដ​១៩​ដែល​គេ​ស្គាល់​ថា​COVAX​នៅ​ចុង​ខែ​តុលា​។

​លោក​បាន​និយាយថា​រដ្ឋាភិបាល​ចង់​ទទួល​បាន​ថ្នាំ​វ៉ាក់សាំង​ច្រើន​ដូសដំបូង​គេ​ក្នុងរយៈពេល​៣ ទៅ​៦ ខែ នៅពេល​ថ្នាំ​វ៉ាក់សាំង​អាច​ទិញ​បាន​នោះ​។​

​ប្រទេស​ថៃ​បាន​រួចផុត​ពី​ការឆ្លង​វីរុស​ក្នុង​សហគមន៍ ដោយ​មាន​តែ​២​ករណី​ប៉ុណ្ណោះ​ចាប់តាំងពី​ចុង​ខែ​ឧសភា​។ រហូត​មកដល់ពេលនេះ ប្រទេស​ថៃ​បាន​កត់ត្រា​ឃើញ​ករណី​ឆ្លង​វីរុស​កូរ៉ូណា​ជិត​៣.៦០០​នាក់​​ចាប់តាំងពី​ប្រទេស​នេះ​បាន​រកឃើញ​វីរុស​នេះ​ដំបូង​នៅ​ក្នុង​ខែ​មករា​។​

​ថៃ​ក៏​មាន​កម្មវិធីសិក្សា​ស្រាវជ្រាវ​វ៉ាក់សាំង​ផ្ទាល់​របស់​ខ្លួន ហើយ​ការសាកល្បង​ដំណាក់កាល​ដំបូង​លើ​មនុស្ស​គ្រោង​ធ្វើ​នៅ​ខែ​ធ្នូ​៕​ប្រែ​សម្រួល​៖​សុខា​/sn

រដ្ឋាភិបាល​ថៃ​ចង់​ទទួលបាន​ថ្នាំ​វ៉ាក់សាំង​ច្រើន​ដូសដំបូង​គេ​ក្នុងរយៈពេល​៣​ទៅ​៦​ខែ​នៅ​ពេល​ថ្នាំ​វ៉ាក់សាំង​អាច​ទិញ​បាន​នោះ

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...