សិក្ខាកាម ១៤​នាក់ ទទួល​និទ្ទេស​ល្អ សម្រាប់​វគ្គ​បណ្តុះបណ្តាល គ្រូបង្វឹក​កីឡា​ទ្រី​យ៉ា​ត្លុង កម្រិត​មូលដ្ឋាន នៅ​ខេត្ត​កែប​

ដោយៈ រ៉ូ​ហ្សា / កែបៈ សិក្ខាកាម ១៤​នាក់ ក្នុងចំណោម​សិក្ខាកាម ចូលរួម​ចំនួន ២០ នាក់ បានទទួល​និទ្ទេស​ល្អ សម្រាប់​វគ្គ​បណ្តុះបណ្តាល គ្រូបង្វឹក​កីឡា​ទ្រី​យ៉ា​ត្លុង កម្រិត​មូលដ្ឋាន នៅ​ខេត្ត​កែប នៅក្នុង​ពិធី​បិទ​ជា​ផ្លូវការ នៅ​ថ្ងៃទី​៨ ខែតុលា កន្លងទៅ​ថ្មីៗ​នេះ ក្រោម​វត្តមាន​លោក ងួន ច័ន្ទ​សុជាតា ប្រធាន​មន្ទីរអប់រំ យុវជន និង​កីឡា ខេត្ត​កែប​។​

​វគ្គ​បណ្តុះបណ្តាល គ្រូបង្វឹក​កីឡា​ទ្រី​យ៉ា​ត្លុង កម្រិត​មូលដ្ឋាន សម្រាប់​គ្រូ​កីឡា នៅតាម​គ្រឹះស្ថានសិក្សា ជុំវិញ​ខេត្ត មាន​សិក្ខាកាម​ចូលរួម ចំនួន ២០ នាក់ ដែល​វគ្គ​នេះ បានរៀបចំ​ដោយ សហព័ន្ធ​កីឡា​ទ្រី​យ៉ា​ត្លុង​កម្ពុជា សហការ​ជាមួយ មន្ទីរអប់រំ យុវជន និង​កីឡា​។​

​លោក ងឹ​ន សុ​បញ្ញា អគ្គលេខាធិការ នៃ​សហព័ន្ធ​កីឡា​ទ្រី​យ៉ា​ត្លុង​កម្ពុជា បាន​ប្រាប់​ពី​ខេត្ត​កែប​ថាៈ ផ្អែក​តាម​ផែនការ​សកម្មភាព​ការងារ ឆ្នាំ​២០២០ ក្រោម​គម្រោង​ថវិកា របស់​ក្រសួង​អប់រំ យុវជន និង​កីឡា សហព័ន្ធ​កីឡា​ទ្រី​យ៉ា​ត្លុង​កម្ពុជា សហការ​ជាមួយ​មន្ទីរអប់រំ យុវជន និង​កីឡា ខេត្ត​កែប បាន​បើក​វគ្គ​ស្តីពី “​គ្រូបង្វឹក​កីឡា​ទ្រី​យ៉ា​ត្លុង កម្រិត​មូលដ្ឋាន ២០២០ នៅ​ខេត្ត​កែប ។​

​វគ្គ​បណ្តុះបណ្តាល គ្រូបង្វឹក​កីឡា​ទ្រី​យ៉ា​ត្លុង កម្រិត​មូលដ្ឋាន សម្រាប់​គ្រូ​កីឡា

​វគ្គ​សិក្សា​នេះ ត្រូវបាន​អញ្ជើញ​មក​បង្រៀន ដោយ​លោកស្រី សូ រ៉ាត់​ដេ​ត និង​លោក ចេង ចាន់​ដា​រ៉ា គ្រូ​ជម្រើសជាតិ​កីឡា​ទ្រី​យ៉ា​ត្លុង​កម្ពុជា និង​លោក ដេ​រីគ មួ​រ៉ា​យ ( Derrick Murray ) ជាទី​ប្រឹក្សា ( Advisor ) របស់​សហព័ន្ធ និង​មាន​សិក្ខាកាម ចំនួន ២០ នាក់ ( ស្រី​០២​នាក់ ) ដោយ​ផ្ដោតលើ ការសិក្សា ពី​ចំណេះដឹង​ទូទៅ នៃ​កីឡា​ទ្រី​យ៉ា​ត្បូង (១.​ហែល​ទឹក​+​ជិះ​កង់​+​រត់ប្រណាំង ២.​ផ្នែក​អនុវត្ត​ជាក់ស្តែង ផ្តោត​សំខាន់​លើ បច្ចេកទេស​ហែល​ទឹក និង​លំ​ហាត់ប្រាណ ៣.​លទ្ធផល នៃ​ការសិក្សា )​។​

​លោក​បាន​បន្តថាៈ ឆ្លងកាត់​ការសិក្សា និង​ការអនុវត្ត​ជាក់ស្តែង សិក្ខាកាម ចំនួន ២០ នាក់ បានទទួល​លទ្ធផល ដូចជា​សិក្ខាកាម ១៤ នាក់ ទទួល​និទ្ទេស​ល្អ ស្មើ ៧០ ភាគរយ សិក្ខាកាម ៣ នាក់ និទ្ទេស​ល្អ​បង្គួរ ស្មើ ១៥ ភាគរយ សិក្ខាកាម ៣ នាក់ និទ្ទេស​មធ្យម ស្មើ ១៥ ភាគរយ​។​

វគ្គ​សិក្សា​នេះ មាន​សារសំខាន់ ចំពោះ​លោកគ្រូ អ្នកគ្រូ ជា​សិក្ខាកាម ដើម្បី​យកទៅ​បង្ហាត់បង្រៀន និង​ចែករម្លែក​ចំណេះដឹង ទៅដល់​សិស្សានុសិស្ស តាម​សាលា​នានា​របស់​ខេត្ត​កែប ដើម្បី​ឲ្យ​ពួកគាត់ ចេះ​លេង​កីឡា​ទ្រី​យ៉ា​ត្បូង ដែលជា​កីឡា​តំបន់ឆ្នេរ សាក​សម​ទៅនឹង​ទឹកដី​ខេត្ត​កែប​៕​/V

​វគ្គ​បណ្តុះបណ្តាល គ្រូបង្វឹក​កីឡា​ទ្រី​យ៉ា​ត្លុង កម្រិត​មូលដ្ឋាន សម្រាប់​គ្រូ​កីឡា
​វគ្គ​បណ្តុះបណ្តាល គ្រូបង្វឹក​កីឡា​ទ្រី​យ៉ា​ត្លុង កម្រិត​មូលដ្ឋាន សម្រាប់​គ្រូ​កីឡា
ផ្ដល់វិញ្ញាបនបត្រ ដល់សិក្ខាកាម នៃ​វគ្គ​បណ្តុះបណ្តាល គ្រូបង្វឹក​កីឡា​ទ្រី​យ៉ា​ត្លុង កម្រិត​មូលដ្ឋាន
ផ្ដល់វិញ្ញាបនបត្រ ដល់សិក្ខាកាម នៃ​វគ្គ​បណ្តុះបណ្តាល គ្រូបង្វឹក​កីឡា​ទ្រី​យ៉ា​ត្លុង កម្រិត​មូលដ្ឋាន
ផ្ដល់វិញ្ញាបនបត្រ ដល់សិក្ខាកាម នៃ​វគ្គ​បណ្តុះបណ្តាល គ្រូបង្វឹក​កីឡា​ទ្រី​យ៉ា​ត្លុង កម្រិត​មូលដ្ឋាន

ទីតាំងផ្សាយពាណិជ្ជកម្ម

- Advertisment -

Most Popular