កុបកម្ម​នៅ​ពន្ធនាគារ​ហ្វីលីពីន​សម្លាប់​មនុស្ស​៩​នាក់​នៅ​ពេល​ពួក​អ្នកទោស​វាយ​គ្នា​នៅក្នុង​គុក​

165
ចែករម្លែក

​ក្រុមមន្ត្រី​បាន​និយាយ​ថា​ អ្នកទោស​ចំនួន​៩​នាក់​បាន​ស្លាប់​កាលពី​ថ្ងៃ​សុក្រ​ទី​៩​តុលា​ នៅ​ពេល​សមាជិក​នៃ​ក្រុម​ទំនើង​អាង​កាប់​ចាក់ ដែល​ជា​គូប្រជែង​នៅក្នុង​គុក​ហ្វីលីពីន​មួយ​បាន​វាយប្រហារ​គ្នា​​ដោយ​ប្រើ​កាំបិត​កែច្នៃ​នៅក្នុង​ការប៉ះទង្គិច​ដ៏​សាហាវ​បំផុត​ក្នុង​គុក​ក្នុង​រយៈពេល​ជាច្រើន​ឆ្នាំ​ចុងក្រោយ​នេះ​។​

​ការប្រយុទ្ធ​គ្នា​នៅ​មុន​ពេល​ថ្ងៃ​រះ​នេះ បាន​ផ្ទុះឡើង​នៅក្នុង​ពន្ធនាគារ​New Bilibid នៅ​ទីក្រុង​ម៉ានីល​ដែលជា​គុក​ដ៏​ធំ​បំផុត​របស់​ប្រទេស​នេះ ដែល​កំពុង​ដាក់​អ្នកទោស​ជាង ២៨.០០០ នាក់​ដែល​ជា​​ធម្មតា​នោះ​គុក​នេះ​សម្រាប់​តែ​ដាក់​អ្នកទោស​ប្រហែល​៦.០០០ នាក់​ប៉ុណ្ណោះ​។​

​បន្ទាប់ពី​ក្រុម​ឆ្មាំ​ពន្ធនាគារ​បាន​ស្តារ​សណ្តាប់ធ្នាប់​ឡើងវិញ​នោះ លោក​ហ្កា​ប្រៀល ឆា​ក្លាក អ្នកនាំពាក្យ​ពន្ធនាគារ បាន​និយាយថា “​មាន​សាកសព​៩​នាក់ ។ ពួកគេ​បាន​កាប់​ចាក់​គ្នា​ដោយ​ប្រើ​វត្ថុ​ស្រួចៗ​”​។​អ្នកទោស​មួយចំនួន​បាន​រងរបួស​ផង​ដែរ​ក្នុងការ​វាយ​គ្នា​ខាងក្នុង​បន្ទប់​គុក​មួយ​ដែល​មាន​អ្នកទោស​យ៉ាងតិចណាស់​ចំនួន​៦.០០០​នាក់​”​។​

​គេ​មិន​ទាន់​ដឹង​ច្បាស់​ថា​តើ​អ្វី​ដែល​បង្ក​ឱ្យមាន​អំពើ​ហិង្សា​នេះ​ទេ​៕​ប្រែ​សម្រួល​៖​សុខា​/sn/Ha

សន្តិសុខ​ពន្ធនាគារ​ឈរ​មើល​ពី​លើ នៅ​ពេល​ពួក​អ្នកទោស​ស្ថិតនៅ​ខាងក្រៅ​បន្ទប់​គុក​របស់​ពួកគេ​នៅ​គុក New Bilibid នៅ​ទីក្រុង​ម៉ានីល​

ទីតាំងផ្សាយពាណិជ្ជកម្ម