ជំនន់​ទឹកភ្លៀង នៅ​ចំណុច​ស្ពាន​ពោធិ៍ ធ្វើឱ្យ​ផ្លូវជាតិ​លេខ​៥ កកស្ទះ​ចរាចរណ៍​

251
ចែករម្លែក

ដោយៈ ទេ​ពក​ង្រី / កំពង់ឆ្នាំងៈ ដោយសារ​ស្ថានភាព​វិ​សម្ពាធ​ខ្លាំង បានធ្វើឲ្យជំនន់​ទឹកភ្លៀង នៅតែ​បន្ត​ធ្លាក់ផ្នែក​ខា​លើ បណ្ដាលឱ្យ​ផ្នែក​ខ្លះ នៃ​កំណាត់​ផ្លូវជាតិ​លេខ​៥ គឺ​ស្ថិតនៅ​ត្រង់ចំណុច​ស្ពាន​ពោធិ៍ ក្នុង​ឃុំ​សេដ្ឋី ស្រុក​កំពង់ត្រឡាច បាន​កកស្ទះ​ចរាចរណ៍​ខ្លាំង ដោយសារតែ​ស្ថានភាព​ទឹក ហូរ​កាត់​លើផ្លូវ ។

​ក្នុងស្ថានភាព​បែបនេះ សមត្ថកិច្ច​ចម្រុះ បាន​ចុះ​អន្តរាគមន៍ និង​ជួយ​សម្រួល​ចរាចរណ៍ ចាប់តាំងពី​ពេល​រសៀល ថ្ងៃទី​៩ ខែតុលា ឆ្នាំ​២០២០ មាន​រយៈពេល​ជាង ៣ ម៉ោង ទើប​អាចធ្វើ​ចរាចរណ៍ បាន​ដំណើរការ​ជាធម្មតាឡើងវិញ​។

ជំនន់​ទឹកភ្លៀង នៅ​ចំណុច​ស្ពាន​ពោធិ៍ ធ្វើឱ្យ​ផ្លូវជាតិ​លេខ​៥ កកស្ទះ​ចរាចរណ៍​

​អធិការនគរបាល ស្រុក​កំពង់ត្រឡាច លោក​វរសេនីយ៍ឯក ន​ន់ ស៊ី​ណាត បាន​ប្រាប់ឲ្យដឹង តាម​ទូរស័ព្ទ នៅ​យប់ ថ្ងៃទី​៩ តុលា​នេះ​ថាៈ ជំនន់​ទឹកភ្លៀង បាន​ហូរ​ធ្លាក់​មកពី​ផ្នែក​ខាងលើ ផ្លូវជាតិ​ខ្លាំង និង​បាន​បណ្តាលឱ្យ​លិច​ផ្លូវជាតិ​លេខ​៥ នៅត្រង់ចំណុច​ស្ពាន​ពោធិ៍ ឃុំ​សេដ្ឋី ដែល​ធ្វើ​ឲ្យ​រថយន្ត មិនអាច​ចរាចរណ៍​បាន គឺមាន​ការកកស្ទះ​ចរាចរណ៍​ខ្លាំង​។

​ស្ថិតក្នុង​ស្ថានភាព​បែប​នេះ ក្រុមការងារ​របស់​ន​គរ​បាលស្រុក​កំពង់ត្រឡាច ស្រុក​សាមគ្គី​មានជ័យ សហការ​ជាមួយនឹង​កម្លាំង នគរបាល​ចរាចរណ៍ ខេត្តកំពង់ឆ្នាំង ដោយមាន​កិច្ចសហការ​ចូលរួម ពី​ក្រុម​អង្គការ​ចាយ​កា (JICA) របស់​ជប៉ុន បូករួម​ទាំង​មន្ទីរ​សាធារណការ​ខេត្ត​ផង​នោះ បាន​កាយ​លូ រំដោះ​ទឹកជា​បន្ទាន់ ដែល​គិត​មកដល់ពេលនេះ មាន​រយៈពេល​ជាង ៣ ម៉ោង​ហើយ ទើប​ស្ថានភាពបាន​ធូរស្រាល​ឡើងវិញ​។

ជំនន់​ទឹកភ្លៀង នៅ​ចំណុច​ស្ពាន​ពោធិ៍ ធ្វើឱ្យ​ផ្លូវជាតិ​លេខ​៥ កកស្ទះ​ចរាចរណ៍​

​អធិការនគរបាល ស្រុក​កំពង់ត្រឡាច បាន​បន្តថាៈ បើ​គ្មាន​កិច្ចសហប្រតិបត្តិការ តាម​គ្រប់​បណ្ដា​អង្គភាព ដូចដែល​បាន​រៀបរាប់ខាងលើ​នោះទេ គឺ​កំណាត់​ផ្លូវជាតិ​លេខ​៥ នៅ​ចំណុច​ខាងលើនេះ ពុំ​អាចធ្វើ​ចរាចរណ៍​បានឡើយ​។

​យ៉ាងនេះ​ក្តី លោក​អធិការនគរបាល ស្រុក​កំពង់ត្រឡាច ក៏បាន​បញ្ជាក់ថាៈ រយៈពេល​ជាង​ ៣ ម៉ោង ដោយសារតែ​ក្រុម​អន្តរាគមន៍ មាន​កម្លាំង​ចំនួន​ច្រើន បូកផ្សំ​នឹង​គ្រឿងចក្រ​ផង បាន​កាយ​លូ​រំដោះ​ទឹក ទាន់ពេលវេលា ដែល​គិត​ត្រឹម​ម៉ោង ៩ និង ៣០ នាទី យប់​ថ្ងៃទី​៩ ខែតុលា​នេះ ចរាចរណ៍អាចធ្វើ​ដំណើរ​បាន ឡើងវិញ ជា​ប្រក្រតី​ហើយ​។

សូម​បញ្ជាក់ដែរថាៈ មកដល់ពេលនេះ ស្ថានភាព​អាកាសធាតុ នៅ​ខេត្តកំពង់ឆ្នាំង ផ្ទៃមេឃ​មាន​សភាព អាប់អួ​នៅឡើយ ដែល​អាច​បង្កឲ្យមាន​ភ្លៀង​ធ្លាក់​ថែមទៀត​៕​/V/Ha

ជំនន់​ទឹកភ្លៀង នៅ​ចំណុច​ស្ពាន​ពោធិ៍ ធ្វើឱ្យ​ផ្លូវជាតិ​លេខ​៥ កកស្ទះ​ចរាចរណ៍​
មន្ទីរ​សាធារណការ​ ខេត្តកំពង់ឆ្នាំង ដាក់គ្រឿងចក្រកាយ​លូ រំដោះ​ទឹកជា​បន្ទាន់
មន្ទីរ​សាធារណការ​ ខេត្តកំពង់ឆ្នាំង ដាក់គ្រឿងចក្រកាយ​លូ រំដោះ​ទឹកជា​បន្ទាន់
មន្ទីរ​សាធារណការ​ ខេត្តកំពង់ឆ្នាំង ដាក់គ្រឿងចក្រកាយ​លូ រំដោះ​ទឹកជា​បន្ទាន់
មន្ទីរ​សាធារណការ​ ខេត្តកំពង់ឆ្នាំង ដាក់គ្រឿងចក្រកាយ​លូ រំដោះ​ទឹកជា​បន្ទាន់
ជំនន់​ទឹកភ្លៀង នៅ​ចំណុច​ស្ពាន​ពោធិ៍ ធ្វើឱ្យ​ផ្លូវជាតិ​លេខ​៥ កកស្ទះ​ចរាចរណ៍​
ជំនន់​ទឹកភ្លៀង នៅ​ចំណុច​ស្ពាន​ពោធិ៍ ធ្វើឱ្យ​ផ្លូវជាតិ​លេខ​៥ កកស្ទះ​ចរាចរណ៍​

ទីតាំងផ្សាយពាណិជ្ជកម្ម