Home ព័ត៌មានជាតិ សេដ្ឋកិច្ច ​អណ្ដើក​ក្បាល...

​អណ្ដើក​ក្បាល​ធំ​គឺជា​សត្វ​ល្មូ​ន​មួយ​ប្រភេទ​ដែល​គេ​ធ្លាប់​ឃើញ​វត្តមាន​របស់​វា

ដោយៈ ជា សីហៈ​អណ្ដើក​ក្បាល​ធំ​ត្រូវបាន​គេ​ចាត់ទុកថា​ជា​ពូជ​អណ្ដើក​ដ៏​កម្រ​មួយ​ដែល​ធ្លាប់មាន វត្តមាន​នៅក្នុង​ប្រទេស​កម្ពុជា​។​អណ្តើក​ប្រភេទ​នេះ​កម្រ​បាន​ជួប​បំផុត​ដោយ​កន្លងមក​ធ្លាប់មាន​សេចក្តីរាយការណ៍​តាម​សារព័ត៌មាន​កាលពី​ប៉ុន្មាន​ឆ្នាំមុន​អំពី​វត្តមាន​របស់​វា​។​ប៉ុន្តែ​ក្រោយមក​ក៏​ហាក់ដូចជា​លែងមាន​ព័ត៌មាន​អំពី​វាត​ទៅទៀត​។​


​បើតាម​ឯកសារ​អណ្ដើក​ក្បាល​ធំ​គឺជា​ប្រភេទ​អណ្ដើក​ដែល​ត្រូវបាន​សន្មត​ទៅតាម​រូបរាង​និង​លក្ខណៈ​របស់​វាទី​១​គឺ​ក្បាល​ធំ​ដែល​ពុំ​អាច​រួញ​ចូលទៅក្នុង​ស្នូក​បាន​។​ទី​២​វា​ជា​ប្រភេទ​អណ្ដើក​មាន​កន្ទុយ​វែង​ដែល​អាចមាន​ប្រវែង​វែង​ជាង​ប្រវែង​ស្នូក​។ ទី ៣ វា​មាន​ឆ្គា​ម​លើ​រាង​កោង​ដូច​ទំ​ពក់ ។ ទី ៤ ស្នូក​ខ្នង​សំប៉ែត​និង​ទី​៥​កូនអណ្ដើក​ប្រភេទ​នេះ​មាន​ស្នូក​ពោះ​ពណ៌​ទឹកក្រូច​និង​មាន​ផ្ទាំង​ពណ៌​ខ្មៅ​នៅ​កណ្ដាល​មាន​ពណ៌​ទឹកក្រូច​នៅ​អវយវៈ​និង​មាន​ឆ្នូត​។​ល​។


​នៅពេលដែល​វា​ពេញវ័យ​វា​មាន​ពណ៌​ខ្មៅ​ឬ​ពណ៌​ត្នោត​ចាស់​និង​ជាទូទៅ វា​មាន​ប្រវែង ១៧ សង់ទីម៉ែត្រ​។​អណ្ដើក​ប្រភេទ​នេះ​ត្រូវបាន​គេ​ដឹងថា​អាចមាន​វត្ត​មាននៅ​តំបន់​ភូមិភាគ​ឦសាន​នៃ​ប្រទេស​កម្ពុជា​។​អណ្ដាត​ប្រភេទ​នេះ​គឺជា​អណ្ដើក​ដែល​រស់នៅក្នុង​ទឹក​ពិសេស​ស្ទឹង​ដែលមាន​ថ្ម​នៅក្នុង​ព្រៃ​នៃ​តំបន់​រយៈកម្ពស់​មធ្យម​ទៅ​ខ្ពស់​ហើយ​វា​ជា​សត្វ​ស៊ីសាច់​ជា​អាហារ​ដូចជា​ខ្យង ក្តាម ត្រី កំពឹស ដង្កូវ កង្កែប​និង​កូន​ក្អុក​ជាដើម​៕S/​

ទីតាំងផ្សាយពាណិជ្ជកម្ម

- Advertisment -

Most Popular