Home ព័ត៌មានអន្តរជាតិ ជប៉ុន​បញ្ជូន​...

ជប៉ុន​បញ្ជូន​នាវា​៣​គ្រឿង​ទៅ​សមុទ្រ​ចិន​ខាងត្បូង​ក្នុង​សមយុទ្ធ​ប្រឆាំង​នាវាមុជទឹក​

​ក្រសួង​ការពារជាតិ​ជប៉ុន​បាន​និយាយថា កងកម្លាំង​ស្វ័យការពារ​ដែនសមុទ្រ​ជប៉ុន​បាន​ធ្វើ​សមយុទ្ធ​ប្រឆាំង​នាវាមុជទឹក​នៅក្នុង​សមុទ្រ​ចិន​ខាងត្បូង កាលពី​ថ្ងៃទី​០៩​ខែតុលា​ឆ្នាំ​២០២០ ដោយ​បាន​បញ្ជូន​​នាវា​ចំនួន​៣​គ្រឿង​ដោយ​រួម​ទាំង​នាវា​ផ្ទុក​ឧទ្ធម្ភាគចក្រ​មួយ​គ្រឿង​និង​នាវាមុជទឹក​មួយគ្រឿង​។​

​ក្រសួង​នេះ​បាន​និយាយ​នៅក្នុង​សេចក្តីថ្លែងការណ៍​មួយ​ដោយ​មិន​បាន​ផ្តល់​ព័ត៌មាន​លម្អិត​អំពី​ទីតាំង​សមយុទ្ធ​នេះ ថា​គោលបំណង​នៃ​សមយុទ្ធ​នេះ គឺ​ដើម្បី​បង្កើន​សមត្ថភាព​យុទ្ធសាស្ត្រ​របស់​ពួកគេ​។​

​សេចក្តីថ្លែងការណ៍​នេះ​បាន​និយាយថា នាវា​ទាំង​៣​គ្រឿង​នេះ​នឹង​ឈប់​នៅ​ឈូង​សមុទ្រ​កាំ​រ៉ាញ់​នៅ​ប្រទេស​វៀតណាម​នៅ​ចុង​សប្តាហ៍​នេះ ដើម្បី​បំពេញ​គ្រឿង​ផ្គត់ផ្គង់​។​

​ក្រសួង​នេះ​មិនអាច​ទាក់ទង​បាន​ដើម្បី​សុំ​ធ្វើការ​អត្ថាធិប្បាយ​បន្ថែម​បានទេ​។​

​ដែនទឹក​ធំ​ល្វឹងល្វើយ​ដែល​សម្បូរ​ថាមពល​នៅ​សមុទ្រ​ចិន​ខាងត្បូង​នេះ​ត្រូវបាន​អះអាង​សិទ្ធិ​កាន់កាប់​ដោយ​ប្រទេស​ចិន ដែល​បាន​បង្កើត​ទីតាំង​យោធា​នៅ​លើ​កោះ​សិប្បនិម្មិត​នៅ​តំបន់​នោះ​។ ប្រទេស​ព្រុយ​ណេ​ ម៉ាឡេស៊ី ហ្វីលីពីន កោះ​តៃវ៉ាន់ និង វៀតណាម​ក៏​បាន​អះអាង​សិទ្ធិ​ទាមទារ​កាន់កាប់​លើ​ផ្នែក​ខ្លះ​នៃ​សមុទ្រ​នេះ​ផងដែរ​៕ប្រែសម្រួល៖សុខា/sn

កងកម្លាំង​ស្វ័យការពារ​ដែនសមុទ្រ​ជប៉ុន ហាត់​បើក​នាវា​ក្នុងអំឡុង​សមយុទ្ធ​ជាមួយ​នាវា​ផ្ទុក​យន្តហោះ​អាម៉េរិក​USS Ronald Reagan នៅ​សមុទ្រ​ចិន​ខាងត្បូង​កាលពី​ថ្ងៃទី​៧​ខែ​កក្កដា​ឆ្នាំ​២០២០​

ទីតាំងផ្សាយពាណិជ្ជកម្ម

- Advertisment -

Most Popular