បុរស​ម្នាក់​ត្រូវបាន​គេ​ប្រទះឃើញ​ស្លាប់​ដោយសារ​លង់ទឹក​គ្រា​ដែល​សមត្ថកិច្ច​កំពង់ធ្វើការ​ពិនិត្យ​

176
ចែករម្លែក

ដោយ​រិ​ទ្ធិ​សែន​/​ខេត្តពោធិ៍សាត់​៖​សាកសព​បុរស​ម្នាក់​ត្រូវបាន​គេ​ប្រទះឃើញ​ស្លាប់​ដោយសារ​លង់ទឹក​ស្លាប់​១​ករណី​ទៀតហើយ​បន្ទាប់ពី​ប៉ុន្មាន​ថ្ងៃមុន​មាន​ករណី​មនុស្ស​លង់ទឹក​ស្លាប់​ឡើងដល់​ទៅ​ចំនួន​៤​នាក់​។​កាលពី​នៅ​ថ្ងៃទី​៩​ខែតុលា​ឆ្នាំ​២០២០​សមត្ថកិច្ច​សហការ​ចុះ​ពិនិត្យ​និង​ស្រាវជ្រាវ​សាកសព​បុរស​ម្នាក់​បាន​លង់ទឹក​ស្លាប់​មួយ​ផ្សេងទៀត​។​

​សេចក្តីរាយការណ៍​ពី​កន្លែងកើតហេតុ​បាន​ឲ្យ​ដឹងថា​សមត្ថកិច្ច​នគ​បាល​មូលដ្ឋាន​បាន​សហ​ការចុះពិនិត្យ និង​ស្រាវជ្រាវ​សាកសព​បុរស​ម្នាក់​បាន​លង់ទឹក​ស្លាប់​នៅត្រង់ចំណុច​ក្បែរផ្លូវ​ចូល​ផ្ទះ​ស្ត្រី​ជា​ម្ដាយ ជនរងគ្រោះ​ដែល​ស្ថិតនៅ​ភូមិ​អា​រ៉ង​ព្រួច ឃុំ​អ​ន្សា​ចំបក់ ស្រុក​ក្រគរ ខេត្តពោធិ៍សាត់​។​

សមត្ថកិច្ច​នគ​បាល​មូលដ្ឋាន​បានឱ្យដឹងថា​សព​ជនរងគ្រោះ​មាន ឈ្មោះ ឃឿន ប៊ុនធឿន ភេទ​ប្រុស អាយុ ៣៤​ឆ្នាំ ជនជាតិខ្មែរ បច្ចុប្បន្ន រស់នៅ​ជាមួយ​ស្ត្រី​ជា​ម្ដាយ​ឈ្មោះ យ៉ែម យឹម អាយុ ៦២​ឆ្នាំ​ជនជាតិខ្មែរ​រស់នៅ​ភូមិ​ឃុំ​ស្រុក​កើតហេតុ​គ្រា​ដែល​ជំនន់​ទឹកភ្លៀង​កំពង់​វាយលុក​ខេត្តពោធិសាត់​។​
​សេចក្តីរាយការណ៍​ខាងលើ​ដដែល​បាន​បន្តទៀតថា​ក្រោយពី​ទទួលបាន​ព័ត៌មាន​នេះ​ភ្លាម​សមត្ថកិច្ច​ជំនាញ​បាន​ចុះទៅ​ធ្វើ​កោសល្យវិច័យ​ហើយ​ជា​លទ្ធផល ក្នុងការ​ពិនិត្យ​ជាក់ស្ដែង​លើ​ខ្លួនប្រាណ​សព ពុំ​ឃើញ​មាន​ស្លាកស្នាម​អ្វី​គួរ​ឲ្យ​សង្ស័យ​ជា​អំពើ​ឃាតកម្ម​អ្វី​នោះឡើយ ៕S/​

ទីតាំងផ្សាយពាណិជ្ជកម្ម