Home កីឡា Chelsea កំពុង...

Chelsea កំពុង​ព្រួយបារម្ភ ដោយសារ​អ្នកចាំទី អេ​ដ្វា​ដ ម៉េ​ន​ឌី រងរបួស​

អ្នកចាំទី អេ​ដ្វា​ដ ម៉េ​ន​ឌី (Edouard Mendy) បាន​វិល​ត្រឡប់មក​ក្លឹប Chelsea វិញ បន្ទាប់ពី​រងរបួស ខណៈពេល​លេង​ឲ្យ​ក្រុម​ជម្រើសជាតិ​សេ​ណេ​ហ្គា​ល់​។​
​ ​
​កីឡាករ​វ័យ​២៨​ឆ្នាំ​រូបនេះ​បាន​ហ្វឹកហាត់​ជាមួយនឹង​ក្រុម​ជម្រើសជាតិ បន្ទាប់ពី​ត្រូវ​កោះហៅ​ទៅ លេង​មិត្ត​ភាពជា​មួយក្រុម​ម៉ា​រ៉ុ​ក​កាលពី​ថ្ងៃ​សុក្រ​។​
​ ​
​ទោះបីជា​យ៉ាងណា កីឡាករ​រូបនេះ​បាន​បង្ខំចិត្ត​វិលត្រឡប់​មកកាន់​ពហុកីឡាដ្ឋាន Stamford Bridge បន្ទាប់ពី​រងរបួស​ភ្លៅ​។​
​ ​
​ម៉េ​ន​ឌី នឹង​វាយតម្លៃ​ដោយ​ក្រុម​អ្នក​វិ​ជ្ជ​សាស្ត្រ​របស់​ក្លឹប Chelsea បន្ទាប់ពី​ផ្ទេរ​មកលេង​ជាមួយ​ក្រុម របស់លោក ហ្វ្រែ​ង ឡាំ​ផាត (Frank Lampard) កាលពី រដូវក្តៅ​។ សហព័ន្ធ​បាល់ទាត់​សេ​ណេ ហ្គា​ល់​បានបញ្ជាក់​ព័ត៌មាន​នេះ​តាមរយៈ​សេចក្តីថ្លែងការណ៍​ផ្លូវការ​របស់ខ្លួន​។​
​ ​
​សេចក្តីថ្លែងការណ៍​នេះ​សរសេរថា “​សហព័ន្ធ​បាល់ទាត់​សេ​ណេ​ហ្គា​ល់​សូម​ប្រកាសថា អ្នកចាំទី អេ​ដ្វា​ដ ម៉េ​ន​ឌី រងរបួស​ភ្លៅ​ខាងស្តាំ ដែល​កើតមាន អំឡុងពេល​ហ្វឹកហាត់​កាលពី​ថ្ងៃ​ពុធ​”​។​
​ ​
​លោក ឡាំ​ផាត កំពុង​បារម្ភ ខណៈ​លោក​រងចាំ​មើលថា តើ​កីឡាករ​ចំណូល​ថ្មី​រូបនេះ​នឹង​អាចជា សះស្បើយ​ទាន់ពេល​ឬ​យ៉ាងណា​។ មានការ​ទាមទា​ឲ្យ​កីឡាករ ម៉េ​ន​ឌី ដណ្តើម​តំណែង​អ្នកចាំទី ទី​១​នៅក្នុង​ក្រុម​ជម្រើស Chelsea​។​
​ ​
​លោក ឡាំ​ផាត សង្ឃឹមថា ម៉េ​ន​ឌី នឹង​ជួយ​កាត់បន្ថយ​កំហុស​នៅ​តំបន់​ការពារ បន្ទាប់ពី​របូត​៥៤ គ្រាប់​ក្នុង​៣៨​ប្រកួត​ក្នុង​លី​ក​កាលពី​រដូវ​កាល​មុន​៕ ប្រែ​សម្រួល​: ពិសិដ្ឋ​

អ្នកចាំទី អេ​ដ្វា​ដ ម៉េ​ន​ឌី (Edouard Mendy)

ទីតាំងផ្សាយពាណិជ្ជកម្ម

- Advertisment -

Most Popular