Home កីឡា កីឡាករ​ស៊ី​លី...

កីឡាករ​ស៊ី​លី​ផ្ទុះ​កំហឹង​ដោយសារ​ការ​កាត់សេចក្តី​ផ្តល់​បាល់​ប៉េ​ណា​ល់​ទី​

​កីឡាករ​ស៊ី​លី​ផ្ទុះ​កំហឹង​ដាក់​អាជ្ញាកណ្តាល​អាមេរិក​ខាងត្បូង​និង​មន្ត្រី​ដឹកនាំ​ការប្រកួត​កាលពី​ថ្ងៃ​ព្រហស្បតិ៍ បន្ទាប់ពី​មានការ​សម្រេច​ចាប់​បាល់​ប៉េ​ណា​ល់​ទី​ច្រើនលើក ច្រើនសា​លើ​ពួកគេ អំឡុងពេល​ប្រកួត​ចាញ់​ក្រុម​អ៊ុយ​រូ​ហ្គា​យ ២-១ នៅក្នុង​ការប្រកួត​ជម្រុះ​វើ​ល​ខាប់​។​
​ ​
​ល្វី​ស ស្វា​រ៉េ​ស (Luis Suarez) រកបាន​គ្រាប់​បាល់​ដំបូង​សម្រាប់​ក្រុម​អ៊ុយ​រូ​ហ្គា​យ ដោយ​ការ​ទាត់ បាល់​ប៉េ​ណា​ល់​ទី​ភ្លាមៗ​មុនពេល​ចប់​តង់​ទី​១ ដោយមាន​ជំនួយ​ពី​ប្រព័ន្ធ​កាត់ក្តី VAR ។
​ ​
​ជាមួយនឹង​ភាពចម្រូងចម្រាស​នៅ​រដូវ​កាល​នេះ អាជ្ញាកណ្តាល​សញ្ជាតិ​ប៉ា​រ៉ា​ហ្គា​យ​បាន​ប្រើ ពេលវេលា​យូរ​ក្នុងការ​ពិនិត្យ​ប្រព័ន្ធ VAR ប៉ុន្តែ​បាន​ចង្អុល​ចំណុច​ប៉េ​ណា​ល់​ទី​បន្ទាប់ពី​បាល់​នោះ បាន​ផ្លាត​ចេញពី​ខ្លួន​កីឡាករ វេ​ហ្គាស និង​បន្ត​ប៉ះ​ដៃ​បន្តិចបន្តួច​។​
​ ​
​ទោះបីជា​យ៉ាងណា កីឡាករ អា​ឡិ​ក​ស៊ី​ស សាន​ឆេស (Alexis Sanchez) រកបាន​គ្រាប់​បាល់​ស្មើ ឲ្យ​ក្រុម​ស៊ី​លី​នៅ​ដើមតង់​ទី​២ ។ កំហឹង​របស់​កីឡាករ​ស៊ី​លី​ចាប់ផ្តើម​កើនឡើង​ដោយសារតែ អាជ្ញាកណ្តាល​បដិសេធ​មិន​ពិចារណា​ការទាមទារ​បាល់​ប៉េ​ណា​ល់​ទី​ពីរលើក​របស់ខ្លួន​រួមទាំង បាល់​ប៉ះ​ដៃ​ផងដែរ​។​
​ ​
​សហភាព​បាល់ទាត់​អាជីព​របស់​ប្រទេស​នេះ​បាន​គំរាម​ធ្វើ​ការតវ៉ា​ផ្លូវការ​ទៅកាន់​សហព័ន្ធ​បាល់ទាត់​អាមេរិក​ខាងត្បូង​ជុំវិញ​ការសម្រេចចិត្ត​នេះ​។ កីឡាករ​បច្ចុប្បន្ន​និង​អតីត​កីឡាករ​ក៏បាន​សម្តែង កំហឹង​ផងដែរ​៕ ប្រែ​សម្រួល​: ពិសិដ្ឋ​

ការប្រកួត​រវាង​ក្រុម​ស៊ី​លី និង ក្រុម​អ៊ុយ​រូ​ហ្គា​យ​

ទីតាំងផ្សាយពាណិជ្ជកម្ម

- Advertisment -

Most Popular