​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត​៖​ភារកិច្ច​ស្នូល​របស់​កងទ័ព​គឺ​ការពារជាតិ​និង​ប្រជាជន

189
ចែករម្លែក

ដោយ​: មុនី​រ័ត្ន​/​ភ្នំពេញៈ លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អគ្គមេបញ្ជាការ​ង នៃ​កងយោធពល​ខេមរភូមិន្ទ និង​ជា​មេបញ្ជាការ​កងទ័ពជើងគោក បាន​ថ្លែងថាៈ​ក្នុង​គ្រា​ដែល​ប្រជាពលរដ្ឋនៅក្នុង​ខេត្ត​មួយចំនួន​បានទទួល​រងគ្រោះ​ដោយសារ​ទឹកជំនន់ បញ្ជាការដ្ឋាន​កងទ័ព​ជើងគោក​បានដាក់​ចេញ​នូវ​បទបញ្ជា​ឲ្យ​គ្រប់​បណ្ដា​កងឯកភាព​ចំណុះ​ទាំងអស់ ចាត់តាំង​កម្លាំង មធ្យោបាយ និង​សម្ភារៈ​ដើម្បី​ត្រៀម​ចូលរួម​ក្នុង​ប្រតិបត្តិការ អន្តរាគមន៍​សង្គ្រោះ​ប្រជាពលរដ្ឋនៅក្នុង​ភូមិសាស្ត្រ​ទទួលខុសត្រូវ​របស់ខ្លួន ដែល​រង​ផលប៉ះពាល់​ដោយ​ទឹកជំនន់​។

​លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត បាន​បន្តថា “​ខ្ញុំ​សូម​អរគុណ និង​កោតសរសើរ​ចំពោះ​មេបញ្ជាការ មេបញ្ជាការរង នាយទាហាន នាយទាហានរង ពលទាហាន​ទាំង​អស់នៃ​យោធភូមិភាគ​ទី​៥ បណ្ដា​អង្គភាព​តំបន់​ប្រតិបត្តិការ​សឹក​រង កងពលតូច​ថ្មើរជើង និង​កងការពារ​ព្រំដែន​ចំណុះ​ឱ្យុ​យោធភូមិភាគ​ទី​៥ កងពលតូច​អន្តរាគមន៍​លេខ​១៤ និង​បណ្តា​អង្គភាព​ពាក់ព័ន្ធ​ទាំងអស់ ដែល​បាន​ចាត់តាំង​កម្លាំង មធ្យោបាយ សម្ភារៈ ចូលរួម​ជាមួយ​អជ្ញាធរ​មូលដ្ឋាន​និង​កម្លាំង​អង្គភាព​មិត្ត ជួយសង្គ្រោះ​ប្រជាពលរដ្ឋ​បាន​ទាន់ពេលវេលា​នៅក្នុង​ភូមិសាស្ត្រ ទទួលខុសត្រូវ​របស់​ខ្លួន​។​”

​ជាមួយគ្នានេះដែរ បញ្ជាការដ្ឋាន​កងទ័ព​ជើងគោក​បានចេញ​បទបញ្ជា​ឲ្យ​បង្កើន​កម្លាំង​អន្តរាគមន៍​សង្គ្រោះ​ពី​បញ្ជាការដ្ឋាន​ទ័ព​ពិសេស រួមជាមួយ​ទូក​និង​អូ​ប៊័រ​សង្គ្រោះ និង​កងពលតូច​ដឹកជញ្ជូន​លេខ​៩០ ត្រៀម​ចល័ត​រថយន្ត​ដឹកជញ្ជូន​ក្នុងករណី​មាន​តម្រូវ​ការចាំបាច់ ៕S/​

ទីតាំងផ្សាយពាណិជ្ជកម្ម