​អភិបាល​រាជធានី​ចុះ​ពិនិត្យ​ស្ថានភាព​ទឹក​លិច​ដោយ​ជំនន់​ទឹកភ្លៀង​ ​

146
ចែករម្លែក

​ដោយ​៖​រ៉ា​ម៉ន​/​ភ្នំពេញ ៖ លោក ឃួ​ង​ស្រេង អភិបាល​រាជធានី​ភ្នំពេញ អមដោយ មន្ត្រី ជំនាញ និង​អាជ្ញាធរ​ដែនដី ខណ្ឌ​ទាំង​៤​នៅ​ថ្ងៃទី ១០​ខែតុលា​ឆ្នាំ​២០២០ នេះ​បាន ចុះ​ពិនិត្យ​ស្ថានភាព ទឹក​លិច ដោយ​ជំនន់​ទឹកភ្លៀង​។​ជាមួយ​នោះបាន​សួរសុខទុក្ខ​ប្រជាពលរដ្ឋនៅក្នុង​ភូមិ​សា​ស្ត​សង្កាត់​សាក់​សំពៅ និង​សង្កាត់ គង​ន​យ ខណ្ឌ ដង្កោ ហើយ​បាន​បន្តដំណើរ​មក​ពិនិត្យមើល​ស្ថានភាព ការងារ​កាយ​ប្រឡាយ​អម​វិថី​ឈ្នះៗ​ចំនួន​៣៧​ទីតាំង នៅក្នុង​ភូមិសាស្ត្រ ខណ្ឌ​កំបូល ខណ្ឌ​ពោធិ៍​សែន​ជ័យ​និង​ខណ្ឌ​ព្រែក​ព្នៅ​។ ដែល​រង​ការរំលោភបំពាន​ចាក់ដី​លុប​និង​ដាក់លូ​តូចៗ​ជំនួស​ពី​ប្រជាពលរដ្ឋ​មួយចំនួន បណ្តាល​ឲ្យ​ស្ទះ​ទឹក ដែល​ក្រុមការងារ​និង​អាជ្ញាធរ​ខណ្ឌ​បាន​នឹង​កំពុង​ស្តារ​និង​កាយ​ប្រឡាយ​នេះ​វិញ​។​


ក្នុងការ ចុះ​ពិនិត្យ​ស្ថានភាព ទឹក​លិច ដោយ​ជំនន់​ទឹកភ្លៀង និង​សួរសុខទុក្ខ​ប្រជាពលរដ្ឋនៅក្នុង​ភូមិសាស្ត្រ​សង្កាត់​សាក់​សំពៅ និង​សង្កាត់ គង​ន​យ ខណ្ឌ ដង្កោ នោះ លោក ឃួ​ង ស្រេង អភិបាល​រាជធានី​ភ្នំពេញ បាន​ចាត់ចែង​ដល់​ខណ្ឌដង្កោ​មាន​ក្រុម មន្ត្រី ប្រចាំ ការ នៅ​ផ្ទាល់​ជាមួយ​ប្រជាពលរដ្ឋ ចាំ​ជួយ​អន្តរា​គម​ន៏​ជាមួយ​ប្រជាពលរដ្ឋ និង​រាយ​ការ​ណ៏​បន្ទាន់​មក រដ្ឋបាល​រាជធានី​ភ្នំពេញ ដើម្បី​ដោះស្រាយ​ជូន​ពួកគាត់​បាន​ទាន់ពេលវេលា ។


ក្នុងនោះដែរ លោក ឃួ​ង ស្រេង បាន​ជួយ ឧបត្ថម្ភ ជា​អង្ក​ដល់​ប្រជាពលរដ្ឋ ដែល រងគ្រោះ ដោយ ជំនន់ ទឹក ភ្លៀង នៅ​សង្កាត់ គង​ន​យ ចំនួន ៩០​គ្រួសារ ក្នុង មួយ​គ្រួសារ​ទទួលបាន​អង្ក​២៥​គីឡូ ផងដែរ ។
នៅ​ព្រឹក ថ្ងៃ ដដែល នោះ លោក ឃួ​ង ស្រេង ក៏បាន​បន្ត​ចុះទៅពិនិត្យ​ស្ថានភាព ទឹក​លិច និង​ពិនិត្យ​សកម្មភាព ជីក​កាយ​ប្រឡាយ​អម​មហាវិថី​ឈ្នះៗ​ចំនួន​៣៧​ទីតាំង ដែល​រង​ការរំលោភបំពាន​ចាក់ដី​លប់ និង​ដាក់លូ​តូចៗ ជំនួស​ពី​ប្រជាពលរដ្ឋ​មួយ ចំនួន​បណ្តាល​ឲ្យ​ស្ទះ​ទឹក​ពេល​ទឹកភ្លៀង​ធ្លាក់​យ៉ាងគំហុក​និង​ហូរ​ធ្លាក់​មក​បន្ថែម​ពី ស្រុក​អង្គ​ស្នូល​ខេត្តកណ្តាល និង​កំពង់ស្ពឺ​មួយចំណែក​ទៀត​ធ្វើអោយ​កើតមាន​ជំនន់​ទឹកភ្លៀង​លិច​ភូមិដ្ឋាន​ប្រជាពលរដ្ឋ​ក្នុងភូមិ​សាស្ត្រ​ខណ្ឌ​កំបូល និង​ខណ្ឌ​ពោធិ​សែន​ជ័យ រួមទាំង​មួយចំណែក​នៃ​ផ្លូវជាតិ​លេខ​៤ ។​

​លោក​សាំ ពិសិដ្ឋ ប្រធាន​មន្ទីរ​សាធារណការ​និង​ដឹកជញ្ជូន​ភ្នំពេញ​បាន​ឲ្យ​ដឹង​នៅ​រសៀល​ថ្ងៃ​១០ខែតុលា​នេះ​ថា ការជីក​កាយ​ប្រឡាយ​អម​វិថី​ឈ្នះៗ​ចំនួន​៣៧​ទីតាំង នៅតាម​មហាវិថី​ឈ្នះ​ឈ្នះ​ក្នុងភូមិ​សាស្ត្រ​ខណ្ឌ​កំពូល ខណ្ឌ​ពោធិ៍​សែន​ជ័យ និង​ខណ្ឌ​ព្រែក​ព្នៅ ទំលាក់​ទៅ​បឹង​ត​ម៉ោ​ក គិត​មកដល់ពេលនេះ សម្រេចបាន​ប្រមាណ​ជាង​៧០​ភាគរយ​ហើយ ហើយ ការងារ​នេះ​គ្រោង​នឹង​បញ្ចប់​នៅ​១​សប្តាហ៍​ទៀត ។​

​លោក​ឃួ​ង ស្រេង​ធ្លាប់​បានបញ្ជាក់​ហើយ​ថា
៖​មាន​កត្តា​៣​សំខាន់​ដែល​ធ្វើ​ឲ្យិ​ភូមិសាស្ត្រ​រាជធានី​ភ្នំពេញ​ប៉ែក​ខាងលិច​ទទួលរង​ការលិចលង់​ខ្លាំង​ដោយសារ​ជំនន់​ទឹកភ្លៀង​គឺ​៖​បរិមាណ ទឹកភ្លៀង​ធ្លាក់​ខ្លាំង​រហូតដល់​១០៥​ម​ម​,​ផ្ទៃ ទឹកភ្លៀង​ដែល​ធ្លាប់តែ ទទួល​ចែករំលែក​ទឹក​ទៅតាម​អូ​,​ប្រឡាយ​ឬ​វាលស្រែ​នានា​ត្រូវបាន​អភិវឌ្ឍ​ន៏​ទៅជា​សំណង់​លំនៅស្ថាន​,​និង​មួយចំណែក​ទៀត​មានការ​ចាក់ដី​រំលោភ​ប្រឡាយ​ពី​ប្រ ជា​ពលរដ្ឋ​មួយចំនួន បណ្តាល​ឲ្យ​ទឹក​ខ្វះ​ប្រភព​ដែល​ត្រូវ​ហូរ​ទៅធ្វើ​ឲ្យ​ចាល់​ទឹក​មិន អាច​ហូរ​ទៅណា​បាន​ក៏​បណ្តាល​លិច​ភូមិសាស្ត្រ​ខាងលើនេះ​តែម្តង​។​តែ​ទោះបីយ៉ាងណា​អាជ្ញាធរ​រាជធានី​ភ្នំពេញ​បាន​នឹង​ខិតខំ​ដោះស្រាយ​បញ្ហា​នេះ ។​តែ​សុំ​ការចូល​រួមសហការ និង​ការ​យោគ​យប់​ពី​ប្រជាពលរដ្ឋ​ចំពោះ​ផលប៉ះពាល់​ខ្លះ​ក្នុងពេល​យើង​បើកមុខ​ទឹក​នេះ​៕S/​

ទីតាំងផ្សាយពាណិជ្ជកម្ម