​មេ​ប៉េអឹម​ផ្ទៃ​ប្រទេស ប្រគល់​សម្ភារ​បរិក្ខារ​ពេទ្យ ដល់​មន្ទីរពេទ្យបង្អែក​ស្រុក​រមាសហែក​

​ដោយៈ វ៉ៃ​កូ / ស្វាយរៀងៈ លោក សៅ សុខា ប្រធាន​ក្រុមការងារ គណបក្ស​ប្រជាជន​កម្ពុជា ចុះជួយ​មូលដ្ឋាន ស្រុក​រមាសហែក នៅ​ថ្ងៃទី​១០ ខែតុលា ឆ្នាំ​២០២០​នេះ ព្រមទាំង​ក្រុមការងារ បាន​ចូលរួម​ក្នុង​ពិធី​ប្រគល់​សម្ភារ និង​គ្រឿង​បរិក្ខារ​ពេ​ទ្ត ដល់​មន្ទីរពេទ្យបង្អែក ស្រុក​រមាសហែក ដើម្បី​ឆ្លើយតប​យុទ្ធនាការ បង្ការ ទប់ស្កាត់ ជំងឺឆ្លង​កូ​វីដ​-១៩ ។ សម្ភារ​ដែល​បាន​ប្រគល់ជូន រួមមាន សាប៊ូ​លាងដៃ ៦៦០​ដុំ​, ម៉ាស ១០២០​ប្រអប់​, អាល់កុល ១.៧៤០ លីត្រ ។​

​ក្នុង​ពិធី​នោះ លោក សៅ សុខា បាន​ផ្ដាំផ្ញើ​ដល់​គ្រូពេទ្យ តាម​មណ្ឌល​សុខភាព និង​មន្ទីរពេទ្យបង្អែក ក្នុង​ខេត្ត​ទាំងអស់ ឱ្យ​បន្ត​ការខិតខំ​យកចិត្តទុកដាក់ និង​សហការ​ថែមទៀត ឱ្យបាន​ល្អ ជាមួយនឹង​អាជ្ញាធរ​មូលដ្ឋាន រួម​នឹង​អ្នកពាក់ព័ន្ធ ពិសេស​ផ្សព្វផ្សាយ​អប់រំ ដល់​ប្រជាពលរដ្ឋ អំពី​វិធានការ​អនាម័យ តាម​ក្រសួងសុខាភិបាល ក្នុង​គោលដៅ​រួមគ្នា​ទប់ស្កាត់ ការឆ្លង​ជំងឺ​ដ៏​កាច​សាហាវ មួយ​នេះ ឱ្យមាន​ប្រសិទ្ធភាព​ខ្ពស់​៕S/

ទីតាំងផ្សាយពាណិជ្ជកម្ម

- Advertisment -

Most Popular