Home ព័ត៌មានជាតិ សន្តិសុខ ​រយៈពេល ៩​ខែ ...

​រយៈពេល ៩​ខែ ឆ្នាំ​២០២០ គ្រោះថ្នាក់​ចរាចរណ៍ ក្នុង​ខេត្តសៀមរាប បង្ក​ឱ្យ​មនុស្ស​ស្លាប់ ៥៧​នាក់​

ដោយៈ គូលែន / សៀមរាបៈ ក្នុង​រយៈពេល ៩​ខែ ឆ្នាំ​២០២០ នេះ ករណី​គ្រោះថ្នាក់​ចរាចរណ៍ ក្នុង​ខេត្តសៀមរាប កើតឡើង​ចំនួន ៥០ ករណី បណ្ដាល​ឲ្យ​មនុស្ស​ស្លាប់ ចំនួន ៥៧​នាក់​។ នេះ​គឺជា​ការបញ្ជាក់​អោយដឹង ពី​លោក ហូ សម័យ ប្រធានស្ដីទី​ការិយាល័យ សុវត្ថិភាព​ចរាចរណ៍​ផ្លូវគោក នៃ​មន្ទីរ​សាធារណការ និង​ដឹកជញ្ជូន ខេត្តសៀមរាប នា​ថ្ងៃទី​១០ ខែតុលា ឆ្នាំ​២០២០ នេះ​។​

​លោក ហូ សម័យ បាន​និយាយថាៈ ក្នុង​រយៈពេល ៩​ខែ ឆ្នាំ​២០២០ នេះ គ្រោះថ្នាក់​ចរាចរណ៍ ក្នុង​ខេត្តសៀមរាប កើតឡើង​ចំនួន ៥០ ករណី បណ្ដាល​ឲ្យ​មនុស្ស​ស្លាប់ ចំនួន​៥៧​នាក់ ភាគច្រើន គឺជា​អ្នកបើកបរ​ម៉ូតូ និង​របួសធ្ងន់​ស្រាល ចំនួន ១៥៦​នាក់ ថយចុះ​ជាង​ឆ្នាំមុន បើ​ប្រៀបធៀប​នឹង​រយៈពេល ដូចគ្នា ឆ្នាំ​២០១៩ មាន​ចំនួន ៦៧​ករណី បណ្ដាល​ឲ្យ​មនុស្ស​ស្លាប់ ចំនួន ៦១ នាក់ និង​របួសធ្ងន់​ស្រាល ចំនួន​១៧៣​នាក់​។​

​លោក​បាន​បន្តថាៈ គ្រោះថ្នាក់​ចរាចរណ៍ ភាគច្រើន បង្កឡើង​ដោយ​អ្នកបើកបរ ខ្វះ​ការប្រុងប្រយ័ត្ន និង​លើស​ល្បឿន​កំណត់ ហើយ​ភូមិសាស្ត្រ ដែល​តែងតែ​កើតមាន គ្រោះថ្នាក់​ចរាចរណ៍ ញឹកញាប់​ជាងគេ គឺ​ស្ថិតនៅលើ​កំណាត់​ផ្លូវជាតិ​លេខ​៦ ឆ្លងកាត់​ស្រុក ចំនួន ៣ ចំនួន រួមមាន ស្រុក​ជីក្រែង​, ស្រុក​សូទ្រនិគម និង​ស្រុក​ពួក ។​

​លោក​បាន​បញ្ជាក់ថាៈ សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ បានប្រកាសថា ២០២០ ជា​ឆ្នាំ ត្រូវ​រឹតបន្តឹង​ការអនុវត្ត ច្បាប់​ចរាចរណ៍​ផ្លូវគោក ដើម្បី​កាត់បន្ថយ​គ្រោះថ្នាក់ ខណៈ​របាយការណ៍ គ្រោះថ្នាក់​ចរាចរណ៍ ឆ្នាំ​២០១៩ មាន​អ្នកស្លាប់ ជិត ២ ពាន់​នាក់ ៕S/

​រូបភាព​: រយ​:​ពេល​៩​ខែ​ដើមឆ្នាំ​២០២០​នេះ ករណី​គ្រោះថ្នាក់​ចរាចរណ៍​ក្នុង​ខេត្តសៀមរាប កើតឡើង​ចំនួន​៥០​ករណី បណ្ដាល​ឲ្យ​មនុស្ស​ស្លាប់​ចំនួន ៥៧​នាក់​៕​គូលែន​

ទីតាំងផ្សាយពាណិជ្ជកម្ម

- Advertisment -

Most Popular