​កម្ពុ​ជាមាន​សហគមន៍​ព្រៃឈើ​សរុប​៦៣៦ សហគមន៍

117
ចែករម្លែក

​ដោយៈ ជា សីហៈ /​រដ្ឋបាល​ព្រៃឈើ​បាន​ឲ្យ​ដឹងថា បច្ចុប្បន្ន​នៅ​ទូទាំងប្រទេស​មាន​សហគម​ន៍​ព្រៃឈើ​ចំនួន ៦៣៦ កន្លែង​ដែល​គិត​ជា​ផ្ទៃដី​មាន​ប្រមាណ​ជា ៥១៨.៥២៦​ហ​.​ត ក្នុងនោះ​មាន​សហគមន៍​ចំនួន​៤៩៦ ដែលមាន​ផ្ទៃដី ៤៣. ៥៨០​ហ​.​ត ត្រូវបាន​ចុះបញ្ជី​ទទួលស្គាល់​ដោយ​ក្រសួងកសិកម្ម រុក្ខាប្រមាញ់ និង​នេសាទ​។

​ប្រភព​ដដែល​បាន​បន្តថា ក្រៅពីនោះ​គឺ​បាន​ចុះ​កិច្ចព្រមព្រៀង​ព្រៃ​សហគមន៍​ចំនួន ៤៤០ កន្លែង​គិត​ជា​ផ្ទៃដី​មាន​ប្រមាណ​ជា ៣៦៥.៣០៦​ហ​.​ត​។ប្រភព​ដដែល​បាន​បន្តថា ដោយឡែក​នៅ​ខេត្ត​សៀម រាប​មាន​សហគមន៍​ព្រៃឈើ​ចំនួន ៦២ គ្របដណ្តប់​លើ​ផ្ទៃដី​ព្រៃ ៣៤.៦៩០​ហ​.​ត​។

​បច្ចុប្បន្ន សហគមន៍​ភាគច្រើន​បាន​ពឹង​អាស្រ័យ​លើ​ការប្រមូល​អនុផល​ព្រៃឈើ​ដូចជា​ផ្សិត ផ្លែឈើព្រៃ ឃ្មុំ​ព្រៃ កែ​ច្នែ​ទ្រាំង កែច្នៃ​ឬ​ស្សី​ប្រើប្រាស់ និង​លក់ ដែល​អាច​រកចំណូលបាន​ជា​មធ្យម​ពី ៨​ទៅ​១២​លាន រៀល​នៅក្នុង​មួយឆ្នាំ នៅក្នុង​មួយ​សហគមន៍​។​

​ដើម្បី​កែប្រែ​កម្រិតជីវភាព និង​រក្សាបាន​នូវ​និរន្តរភាព​ស្បៀង រដ្ឋបាល​ព្រៃឈើ​បាន​អនុវត្ត​សាកល្បង​នូវ​ជម្រើស​កសិរុក្ខកម្ម​នៅក្នុង​ព្រៃ​សហគមន៍​ចំនួន ៥​កន្លែង​ក្នុង​ឆ្នាំ ២០១៩ និង​ឆ្នាំ​២០២០ ចំនួន ៨​កន្លែង ដោយ​ដាំ​កូនឈើ​ធ្នង់ ស្តៅ និង​ឫស្សី នៅ​ចន្លោះ​កូនឈើ​សហគមន៍​បាន​ដាំ​ដំណាំ​កសិកម្ម​ដូចជា ក្រូចឆ្មា ស្វាយចន្ទី ពោត សណ្តែក និង​ឪឡឹក ហើយ​
​ដោយសារ​ផល​ក​សិ​-​រុក្ខកម្ម​នេះ​សហគមន៍​អាច​រកចំណូលបាន​ពី​៤​ទៅ​៧ លាន​រៀល​នៅក្នុង​មួយឆ្នាំ​ក្នុង​ហគ​មន៍​បន្ថែមទៀត​។​

​នេះ​គឺជា​របាយការណ៍​ដែល​បានលើកឡើង​នៅក្នុង​ពេលដែល លោក វេ​ង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់ និង នេសាទ ចុះ​ចែក​កូន​ពូជ​ឫ​ស្ស៊ី​នៅ​ខេត្តសៀមរាប កាលពី​ថ្ងៃ​សៅរ៍ នេះ ៕S/

​រូប​ថ​តៈ ក្រសួងកសិកម្ម​

ទីតាំងផ្សាយពាណិជ្ជកម្ម