ស្នងការ​ខេត្តបាត់ដំបង​បញ្ជា​ឲ្យ​កងកម្លាំង​នគរបាល​គ្រប់​ស្រុក​បន្ត​សង្គ្រោះ​ប្រជាពលរដ្ឋ​

207
ចែករម្លែក

ដោយ​: គ្រញូង / បាត់ដំបង​: បើទោះបីជា​ស្ថានភាព​ជំនន់​ទឹកភ្លៀង បាន​ថមថយ​យ​ទៅវិញ​បន្តិច នៅ​មូលដ្ឋាន​ស្រុក​រុក្ខ​គី​រី តែ​មូលដ្ឋាន​ស្រុក​មួយចំនួនទៀត បាននិងកំពុង​ទទួល​រង​នូវ​ឥ​ទ្ធ​ពល​នេះ​ជា​បន្តបន្ទាប់​។ ក្នុងនោះដែរ ដងស្ទឹង​សង្កែ និង​ស្ទឹង​ផ្សេងទៀត ក្នុង​មូលដ្ឋាន​ខ្លះទៀត​កំពុង​ទទួលរង​នូវ​ល្បឿន​ទឹក​ដែល​ហូរ​ចាក់​ពី​បណ្តា​ស្រុក​នៅជាប់​ព្រំដែន​យ៉ាងគំហុក​។

​ផ្តើម​ពី​បញ្ហា​នេះ លោក​ឧ​ត្ត​ម​សេនីយ៍​ត្រី សាត គឹម​សាន ស្នងការ​នៃ​ស្នងការដ្ឋាន​នគរបាល​ខេត្តបាត់ដំបង នៅ​ព្រឹក​ថ្ងៃទី​១១​ខែតុលា​ឆ្នាំ​២០២០ បាន​បញ្ជា​ដល់​លោក លោកស្រី​ស្នងការរង​ទទួលបន្ទុក​ដឹកនាំ​តាម​អធិការដ្ឋាន​នគរបាល​ក្រុង ស្រុក​នីមួយៗ ត្រូវ​បន្ត​ចុះ​ដឹកនាំ​កងកម្លាំង​នគរបាល ដោយ​ភ្ជាប់​ទាំង​មធ្យោបាយ សម្ភារៈ​ផង ដើម្បី​ជួយសង្គ្រោះ​ប្រជាពលរដ្ឋ សត្វពាហនៈ ទ្រព្យសម្បត្តិ​របស់​ប្រជាពលរដ្ឋ​ទៅកាន់​ទីទួល​សុវត្ថិភាព និង​ធ្វើ​សកម្មភាព​លើកដី​ទប់ស្កាត់​ចំណុច ដែល​ទឹក​ហូរ​ចូល​ក្នុងភូមិ និង​បាន​ចូលរួម​ចែកជូន​នូវ​ស្បៀងអាហារ​ជូន​ពួកគាត់​បានទទួល​ទាន​ទៀតផង​។

​លោក ឡុង ផលគុណ ប្រធាន​មន្ទីរ​ធនធានទឹក និង​ឧតុនិយម បាន​ឲ្យ​ដឹងថា នៅ​ល្ងាច​ថ្ងៃទី​១០​ខែតុលា​ឆ្នាំ​២០២០​នេះ កម្ពស់​ទឹក​នៅ​ដងស្ទឹង​សង្កែ​ហក់​ឡើង​ខ្ពស់​ជិត​ដល់​កម្រិត​ប្រកាសអាសន្ន​ហើយ ១៣,៩​ម៉ែត្រ ដែល​បញ្ហា​នេះ​តម្រូវឱ្យ​កងកម្លាំង​ទាំងបី​ប្រភេទ ត្រូវ​ត្រៀមលក្ខណៈ​ចេញ​អន្តរាគមន៍​ជួយសង្គ្រោះ​ប្រជាពលរដ្ឋ​ឲ្យ​បាន​ទាន់ពេលវេលា​៕ ល​

ទីតាំងផ្សាយពាណិជ្ជកម្ម