អាជ្ញាធរ​ខណ្ឌមានជ័យ​ដឹកនាំ​កិច្ចប្រជុំ​ផែនការ​បន្ថែម​លើ​ការសម្អាត បរិស្ថាន អនាម័យ កុំ​ឲ្យ​មានការ​កកស្ទះ

112
ចែករម្លែក

ដោយ: សាវ​រក្ស​ / ភ្នំពេញ: នៅវេលា​ម៉ោង ១២​និង​៣០​នាទី​ថ្ងៃត្រង់ ថ្ងៃទី​១១ ខែតុលា ឆ្នាំ​២០២០ លោក ឌី រ័ត្ន​ខេ​ម​រុណ អភិបាលរង ខណ្ឌមានជ័យ តំណាង​លោក ពេជ្រ កែវ​មុនី អភិបាល ខណ្ឌមានជ័យ បាន​ដឹកនាំ​ប្រជុំ​បន្ទាន់​ពាក់ព័ន្ធ​នឹង​ការងារ បរិស្ថាន អនាម័យ នៅ​រដ្ឋបាល​ខណ្ឌមានជ័យ​។​

​ក្នុងឱកាស​នេះដែរ លោក ឌី រ័ត្ន​ខេ​ម​រុណ អភិបាលរង​ខណ្ឌមានជ័យ បានធ្វើ​ការបែងចែក តារាង​វេន​ថ្ងៃ វេន​យប់ ជូន​ទៅតាម​បណ្តា​សង្កាត់​ទាំង​៧ ដើម្បី​តាមដាន​ត្រួតពិនិត្យ​នូវ​ការដឹកចេញ​សំរាម ក្នុង​មូលដ្ឋាន​រៀងៗ​ខ្លួន ។​

​បន្ទាប់មក លោក ឌី រ័ត្ន​ខេ​ម​រុណ អភិបាលរង ខណ្ឌមានជ័យ បានស្នើ​អោយ​លោក​សង្កាត់​ទាំង​៧ អនុវត្តន៍​តាម​មតិ​ដឹកនាំ​ដែរ​មាន​ដូចខាងក្រោម ត្រូវធ្វើ​ការកត់ត្រា​ចំនួន​ឡាន​ដែល​បាន​ដឹក​សំរាម​ចេញពី​មូលដ្ឋាន​សង្កាត់​សាមី អោយបាន​ត្រឹមត្រូវ ទាំង​វេណ​ថ្ងៃ និង​វេណ​យប់ រួច​ប​ញ្ចូ​ន​មក​ក្រុមមន្ត្រី​សរុប​របាយការណ៍ ។ ស្នើ​សង្កាត់​ទាំង​៧ ផ្ញើ​របាយការណ៍​មក​សាលាខណ្ឌ​មានជ័យ វេន​ថ្ងៃ​អោយបាន​ត្រឹម ម៉ោង ៥​ល្ងាច វេន​យប់​ត្រឹម​ម៉ោង ៧​ព្រឹក​។ រៀបចំ​បញ្ជីរាយនាម​ក​ម្លាំ​ង តាម​រថយន្ត ប្រមូល​សំរាម របស់​រដ្ឋបាល​សង្កាត់​ទាំង ៧​ផ្ញើមក​ក្រុមការងារ​បូកសរុប​ប្រចាំការ​ខណ្ឌ ។​

​សង្កាត់​ឲ្យ​មាន​រថយន្ត ហ្សា​ហ្សឺ ត្រូវ​រៀបចំ​លាង​សម្អាត​ថែទាំ​ក្រោយពី​ការដឹកជញ្ជូន សំរាម​រួច ។ ស្នើសុំ​ផ្ជា​ប់របាយ​ការណ៍​បញ្ហា​ប្រឈម បញ្ហា​សំណូមពរ របស់​សង្កាត់​ទាំង​៧​ក្នុងកំឡុងពេល​អនុវត្ត​ន៍​យុទ្ធនាការ​ប្រមូល​សំរាម​តាម​មូលដ្ឋាន​សង្កាត់ ។​

​ស្នើសុំ​អោយ​លោក ចៅសង្កាត់​និង បងប្អូន ភ្នាក់ងារ អនាម័យ តាម​សង្កាត់​ទាំង​៧ កុំ​រុញ​រា និង បន្ត​នូវ​សកម្មភាព​ប្រមូល​សំរាម ដើម្បីអោយ​មូលដ្ឋាន​ខណ្ឌមានជ័យ ក៏ដូចជា​ទីក្រុង​ភ្នំពេញ មាន​សោភ័ណ​ភាពល្អ បរិស្ថាន​ល្អ អនាម័យ​ល្អ ទីក្រុង​ស្អាត និង​ខិតខំ​ប្រមូល​សំរាម​កុំអោយ​មានការ​កកស្ទះ​បញ្ហា​សំរាម​ក្នុង​មូលដ្ឋាន ។​

ស្នើ​សុំអោយ​សង្កាត់​ទាំង​៧ ធ្វើការ​អំពាវនាវ​ជូន​ដល់​ប្រជាពលរដ្ឋ​ក្នុង​មូលដ្ឋាន​សង្កាត់ ធ្វើការ​វេច​ខ្ចប់ ទុកដាក់​សំរាម​អោយបាន​ត្រឹមត្រូវ ដើម្បី​មាន​ភាពងាយស្រួល​ដល់​ក្រុម​ភ្នាក់ងារ អនាម័យ ធ្វើការ​ប្រមូល​សំរាម ៕

ទីតាំងផ្សាយពាណិជ្ជកម្ម