២០​នាក់​ស្លាប់​ដោយសារ​រថភ្លើង​បុក​រថយន្ត​ក្រុង​នៅ​ថៃ​

214
ចែករម្លែក

​រថយន្ត​ក្រុង​មួយ​ដែល​ដឹក​មនុស្ស​ទៅ​វត្ត ត្រូវ​រថភ្លើង​មួយ​បុក​នៅ​ថៃ​ភាគ​កណ្តាល​កាលពី​ថ្ងៃអាទិត្យ​ទី​១១​តុលា ដោយ​បាន​សម្លាប់​មនុស្ស​យ៉ាង​តិច​២០​នាក់ និងរ​បួ​៣០​នាក់​ទៀត​។​

​គ្រោះថ្នាក់​នេះ​បាន​កើត​ឡើង​នៅ​៨​ព្រឹក​នៅ​ជិត​ស្ថានីយ​រថភ្លើង​មួយ​នៅ​ចម្ងាយ​៦៣​គីឡូ​ម៉ែ​ត្រា​ខាងកើត​ក្រុង​បាងកក​។​

​រថយន្តក្រុង​នេះ​បាន​កំពុង​ដឹក​កម្មករ​រោងចក្រ​ប្រមាណ​៦០​នាក់​ទៅ​កាន់​ពិធី​មួយ​នៅ​វត្ត​មួ​យ​និង​បាន​ឆ្លងកាត់​ផ្លូវ​រថភ្លើង​នៅពេល​វា​ត្រូវបាន​រថភ្លើង​បុក​។​រថយន្ត​បាន​ក្រឡាប់​ផ្ញារ​ទៅ​ម្ខាង​ផ្លូវ​និង​កំទេច​​កំ​ទី​ដែល​រថយន្ត​នៅ​រាយ​ប៉ា​យ​លើ​តំបន់​កើតហេតុ ខណៈ​រថភ្លើង​ស្ថិត​នៅលើ​ផ្លូវ​មិនបាន​ធ្លាក់​ចេញពី​ផ្លូវ​ទេ​។​

​អភិបាលខេត្ត​ឆា​ឆឺង​សាវ បាន​និយាយថា ផ្លូវ​ឆ្លងកាត់​នៅ​កន្លែងកើតហេតុ​មាន​សញ្ញា​ប្រកាស​អោយ​ប្រុងប្រយ័ត្ន តែ​មិន​មាន​របាំង​ផ្លូវ​ចរាចរណ៍​ទេ​នៅពេល​រថភ្លើង​ធ្វើដំណើរ​ចូលមក​។​លោក​បាន​បន្ថែមថា​​ខេត្ត​នឹងដាក់​ភ្លើង​ចរាចរណ៍​និង​របាំង​ផ្លូវ ព្រមទាំង​កាត់​ដើមឈើ​ក្បែរ​នោះ​ចេញ​ដើម្បី​ងាយស្រួល​អោយ​ងាត​មើលឃើញ​រថភ្លើង​ធ្វើដំណើរ​មក​៕​ប្រែ​សម្រួល​៖​វាសនា​

​អ្នក​ស៊ើបអង្កេត​ធ្វើការ​នៅ​ជិត​ខ្មោច​រថយន្ត​ក្រុង​ដែល​ត្រូវ​រថភ្លើង​បុក​នៅ​ថៃ​កាលពី​ថ្ងៃ​១១​តុលា​

ទីតាំងផ្សាយពាណិជ្ជកម្ម