Home កម្សាន្ត ក្រោយសាងភ្នួស...

ក្រោយសាងភ្នួស ជា វិបុល បង្កើនជំនួញថ្មីជាមួយភរិយា

ដោយៈបញ្ញាសាស្រ្ត/ភ្នំពេញៈ លោក ជា វិបុល បាន​ដឹក​ដៃ​ភរិយា​បោះ​ទុន​រក​ស៊ី​ជា​មួយ​ប្អូន​ប្រុស​បង្កើត ឧកញ៉ា ឡេង ណាវ៉ាត្រា ក្រោម​ទុន​​ច្រើន​ម៉ឺន​ដុល្លារ​ ក្រោយពេលដែល លោក បាន​លាចាក​សិក្ខាបទ​មិន​បាន​ប៉ុន្មាន​ថ្ងៃ​។

​លោក​ ជា វិបុល និង ភរិយាត្រូវបានគេដឹងថា ទើបតែ​បើក​សម្ពោធ​គម្រោង​ដីឡូតិ៍មួយ​កន្លែង​ជា​មួយ​ដៃគូ​ថ្មី ដែល​គេ​​ស្គាល់​ថា ជា​ប្អូន​ប្រុស​បង្កើត​របស់ លោក​ឧកញ៉ា​ ឡេង ណាវ៉ាត្រា​​កាល​ពី​ថ្ងៃ​​អាទិត្យ ទី ១១ ខែ តុលា ឯ​ទីតាំង​​ដី​ផ្ទាល់ ​បណ្ដោយ​ផ្លូវ​ជាតិ​លេខ ៣ ក្នុង ទឹក​ដី ភូមិ ព្រៃទទឹង ឃុំ ព្រះនិព្វាន ស្រុក គង ពិសី ខេត្ត កំពង់ស្ពឺ ។​

លោក ជា វិបុល បាន​ឱ្យ​ដឹង​ថា នេះ​ជា​លើក​ដំបូង​ហើយ​ដែល ​លោក បាន​បោះ​ទុន​ប្រាក់​ផ្ទាល់​ខ្លួន​ក្នុង​គម្រោង​លក់​ដីឡូតិ័ ។ ទាំង​នេះ​ក៏​ដោយសារតែ​លោក​​ព្រម​ទាំង​ភរិយា បាន​ធ្វើ​ការ​ងារ​ជា​មួយ លោក ឡេង និមល ច្រើន​លើក​មក​ហើយ ឃើញ​ថា ទីផ្សារ​អចលនទ្រព្យ​ពិសេស​ដីឡូតិ៍​មាន​​ទីផ្សារ​ខ្លាំង ជា​ឱកាស​មិន​អាច​បង្អង់​យូរ​បាន គួបផ្សំ​ដៃគូ របស់​លោក​ជា​មនុស្ស​ល្អ​យល់​ចិត្ត​គ្នា នឹង​ជា​ក្រុមហ៊ុន​មួយ​មាន​កេរ្តិ៍ឈ្មោះ​ល្អ អតិថិជន​មាន​ទំនុក​ចិត្ត ទើប លោក​ព្រម​ទាំង​ភរិយា បាន​សម្រេច​ចិត្ត ចូលហ៊ុន​រក​ស៊ី​ជា​មួយ​គ្នា​តែ​ម្ដង។

លោក ឡេង និមល បាន​ឱ្យ​ដឹង​នៅ​ក្នុង​ថ្ងៃ​សម្ពោធ​បើក​គម្រោង​ដីឡួតិ៍​​នោះ​ថា ផ្ដើម​ឡើង​​ដោយ​ការ​ធ្វើ​ការ​ជា​មួយ​គ្នា ហើយ​អ្នក​ទាំង​ពី​ជា គំរូប (អាយដល) របស់​លោក​ផង​នោះ ក៏​ឈាន​ដល់​ទំនាក់​ទំនង​កាន់​តែ​ស្និទ្ធស្នាល កើត​ទៅ​ជា​មុខ​ជំនួញ​នេះ​ឡើង​តែ​ម្ដង។

ជា​ជំហាន​ដំបូង ទាំង​បីបាន​សាកល្បង​លើ​ដី​ចំនួន ១០ ហិចតា សិន ប្រសិន​បើ​ជោគជ័យ ពួក​គេ​​នឹង បន្ត​នៅ​មុខ​ជំនួញ​ដីឡូតិ​នេះ ជា​បន្ត​បន្ទាប់​ទៀត។ ក្នុង​ដី​គម្រោង​១០ ហិចតា ត្រូវ​បាន​ពុះ​ចេញ​ជាង១០០០ឡូតិ៍ មាន​ប្រពន្ធ​លូ ទឹក ភ្លើង នឹង សួន​ច្បា​ជា​ដើម ហើយ ក្នុង​១ឡូតិ៍ លក់​ចេញ​ចាប់​ពី ជាង​៣៥០០ ដុល្លារ រហូត​ដល់ ជាង​១ម៉ឺន​ដុល្លារ ​៕

ទីតាំងផ្សាយពាណិជ្ជកម្ម

- Advertisment -

Most Popular