ក្រុម​សាធារណរដ្ឋ​អៀរ​ឡង់​ដក​កីឡាករ​៥​រូប​ចេញពី​ការប្រកួត​ជាមួយ​ក្រុម​វ៉េ​ល​នៅ​ក្របខ័ណ្ឌ Nations League ដោយសារ​វីរុស​កូ​វីដ​១៩

221
ចែករម្លែក

​ក្រុម​សាធារណរដ្ឋ​អៀរ​ឡង់​រង​ផលប៉ះពាល់​ធ្ងន់ធ្ងរ​ដោយសារតែ​វីរុស​កូ​វីដ ១៩ បន្ទាប់ពី​កីឡាករ​៥ រូប​ត្រូវបាន​ដក​ចេញពី​ការប្រកួត​ជាមួយ​ក្រុម​វ៉េ​ល​នៅ​ក្របខ័ណ្ឌ National League នៅ​ទីក្រុង​ដា​ប្លី​ន​។​
​ ​
​សហព័ន្ធ​បាល់ទាត់​អៀរ​ឡង់​បាន​បញ្ជាក់ថា កីឡាករ​ម្នាក់​ដែល​គេ​មិន​ប្រាប់​ឈ្មោះ​បាន​តេស្ត វិជ្ជមាន​វីរុស​កូ​វីដ ហើយ​មាន​កីឡាករ​៤​រូបនេះ​ផ្សេងទៀត​បាន​ប៉ះពាល់​ជិតស្និទ្ធ​ជាមួយ​បុគ្គល រូបនេះ​ផងដែរ​។​
​ ​
​គេ​ជឿថា កីឡាករ​បួនរូប​គឺ ខ្សែការពារ ច​ន អេ​ហ្គា​ន (John Egan) របស់​ក្លិប Sheffield United ខា​ឡុ​ម រ៉ូ​ប៊ី​ន​សិន (Callum Robinson) របស់​ក្រុម West Brom អា​ឡែ​ន ប្រោ​ន (Alan Browne) របស់​ក្លិប Preston និង ខា​ឡុ​ម អូ​ដូ​វ​ដា (Callum O`Dowda) របស់​ក្លិប Bristol City​។​
​ ​
​នៅពេលនេះ​កីឡាករ​ទាំង​បួន​និង​កីឡាករ​ដែល​ឆ្លង​វីរុស​នោះ​នឹង​ត្រូវដាក់​ស្ថិតនៅ​ដាច់​ដោយ ឡែក ហើយ​ទំនងជា​ខកខាន​ការប្រកួត​របស់​ក្លឹប​ពីរ​សប្តាហ៍​។ កីឡាករ​ទាំងនេះ​ក៏ត្រូវ​បាន​ដក ចេញពី​ដំណើរ​ប្រកួត​របស់​ក្រុម​អៀរ​ឡង់​ជាមួយ​ក្រុម​ហ្វាំ​ង​ឡង់​នៅ​ថ្ងៃ​ពុធ​នេះ​ផងដែរ​៕ ប្រែ​សម្រួល​: ពិសិដ្ឋ​

ក្រុម​សាធារណរដ្ឋ​អៀរ​ឡង់ ប្រកួត ជាមួយ​ក្រុម​វ៉េ​ល​

ទីតាំងផ្សាយពាណិជ្ជកម្ម