​តុលាការ​ឃុំខ្លួន​ជន​ម្នាក់​ដែល​សម្លាប់​មិត្តភក្តិ​ដោយសារ​រឿង​ជក់​គ្រឿងញៀន​

217
ចែករម្លែក

ដោ​យៈស​.​រិ​ទ្ធ​/​កណ្តាលៈ​យុវជន​ម្នាក់​ដែល​សម្លាប់​មិត្តភក្តិ​នៅ​ស្រុក​កោះធំ​ដោយសារ​រឿង​ជក់​គ្រឿងញៀន​ត្រូវ​លោក​អាត​ច័ន្ទ​ដា​រា​ចៅក្រម​ស៊ី​ប​សួរ​សាលាដំបូង​ខេត្តកណ្តាល​សម្រេច​ឃុំខ្លួន​ដាក់ពន្ធនាគារ​កាលពី​ល្ងាច​ថ្ងៃទី​១២ ខែតុលា ឆ្នាំ​២០២០​ក្រោម​ការចោទប្រកាន់​ពីបទ​”​ឃាតកម្ម ” តាម​មាត្រា​១៩៩ នៃ​ក្រមព្រហ្មទណ្ឌ ។​
​ជន​រូបនេះ​ឈ្មោះ វិច ឆៃ ភេទ​ប្រុស​អាយុ​២៣​ឆ្នាំមាន​ទីលំនៅ​ភូមិ​ព្រែក​ថ្មី ឃុំ​ព្រែក​ថ្មី ស្រុក​កោះធំ ខេត្តកណ្ដាល​។​ចំណែក​ជនរងគ្រោះ​ឈ្មោះ​ផន​សុខ​ខន​(​ហៅ​អឹ​ប​)​ភេទ​ប្រុស​អាយុ​២៧​ឆ្នាំមាន​ទីលំនៅ​ភូមិ​ព្រែក​ថ្មី ឃុំ​ព្រែក​ថ្មី ស្រុក​កោះធំ ខេត្តកណ្ដាល​។​

​គួររំលឹកថា​កាលពី​ថ្ងៃទី​១៧ ខែកុម្ភៈ ឆ្នាំ​២០២០​កន្លងទៅ​ក្រុមគ្រួសារ បាន​បាត់​ជនរងគ្រោះ ដោយ​ពុំ​ឃើញ​ត្រឡប់មកផ្ទះ​វិញ ក៏​ទៅ​ដាក់ពាក្យ​បណ្ដឹង នៅ​អធិការដ្ឋាន​នគរបាល​ស្រុក​កោះធំ ដើម្បី​ស្វែងរក​។​បន្ទាប់ពី​បានទទួល​ពាក្យបណ្ដឹង​រួច មក​នគរបាល​ស្រុក​កោះធំ បាន​រាយការណ៍​បន្តទៅ​នគរបាល​ខេត្តកណ្ដាល រួច​ធ្វើការ​ស្រាវជ្រាវ និង​ស៊ើបអង្កេត អស់​រយៈពេល​ជាង​៨​ខែ ។


​ជា​លទ្ធផល​ដឹងថា ជនរងគ្រោះ​ស្លាប់​ដោយ​អំពើ​ឃាតកម្ម រួច​កំណត់​មុខសញ្ញា​ជនដៃដល់​ជា​ឃាតក ដែល​គេចខ្លួន​ទៅ​រស់នៅ​ខេត្តតាកែវ​ទើប​នគរបាល​ខេត្តកណ្តាល​សហការ​ជាមួយ​នគរបាល​ស្រុក​កោះធំ នគរបាល​ខេត្តតាកែវ ដោយមាន​ការសម្របសម្រួល​ពី​លោក ជីវ ចាន់​តារា ព្រះរាជអាជ្ញា​អម​សាលាដំបូង​ខេត្តតាកែវ​និង​លោក​ទិន​សុចិ​ត្រា​ព្រះរាជអាជ្ញា​អម​សាលាដំបូង​ខេត្តកណ្ដាល ទើប​ឈានដល់​ចាប់ខ្លួន​ឃាតករ​បាន​នៅ​ថ្ងៃទី​៨ ខែតុលា ឆ្នាំ​២០២០ នៅ​ចំណុច​ភូមិ​សែន​បន ឃុំ​លាយ​បូរ ស្រុក​ត្រាំកក់ ខេត្តតាកែវ​.​។​

​ជនសង្ស័យ​បាន​សារភាពថា ខ្លួន ពិតជា​បាន​ចូលរួម​ធ្វើ​សកម្មភាព​សម្លាប់​ទៅលើ​ជនរងគ្រោះ​ឈ្មោះ ផន​សុខ​ខន​(​ហៅ​អឹ​ប​)​និង​បាន​អូស​យក​សាកសព​ទៅ​កប់​ចោល​នៅក្នុង​ចំការ​ស្វាយ​ត្រង់​ព្រំប្រទល់​ដី​របស់​ឈ្មោះ សល់ និង​ឈ្មោះ ប្រុស ស្ថិតនៅ​ខាងកើត​ទំនប់​ទទឹងថ្ងៃ រំលង​០៣​ក្បាលដី ស្ថិតក្នុង​ភូមិ​ព្រែក​ថ្មី ឃុំ​ព្រែក​ថ្មី ស្រុក​កោះធំ ខេត្តកណ្ដាល ប្រាកដ​មែន​។

​ការសម្លាប់​នេះ​គឺ មិត្តភក្តិ​ខ្លួន​ឈ្មោះ ដូ​យ ផៃ (​ហៅ​និល​) ភេទ​ប្រុស អាយុ​២៥​ឆ្នាំ ជា​អ្នក​សម្លាប់​នៅពេលដែល​ពួកគេ​ទាំង​៣​នាក់ កំពុង​ជក់​គ្រឿងញៀន​ជាមួយគ្នា ដោយសារ​ឈ្មោះ ដូ​យ ផៃ ខឹង​ឈ្មោះ ផន សុខ​ខន ថា បឺត​ជក់​យូរ​ជាងគេ រួច​ក៏បាន​ចាប់​សក់​ក្បាល​បោក ទៅក្រោយ​បុក​ទៅ​និង​គល់​ស្វាយ បណ្ដាល​ឲ្យ​ស្លាប់​តែម្ដង​៕S/

ទីតាំងផ្សាយពាណិជ្ជកម្ម