​អភិបាលខេត្ត​កំពង់ស្ពឺ បាន​យក​អំណោយ ចែកជូន​ពលរដ្ឋ​រង​គ្រោះ ដោយសារ​ជំនន់​ទឹកភ្លៀង នៅ​ស្រុក​ថ្ពង​

186
ចែករម្លែក

ដោយៈ សុខ​សុ​ភ័​ណ្ឌ / កំពង់ស្ពឺៈ លោក វ៉ី សំណាង អភិបាលខេត្ត​កំពង់ស្ពឺ និង​ជា​ប្រធាន​គណៈកម្មាធិការ សាខា​កាកបាទក្រហមកម្ពុជា​ខេត្ត កាលពី​រសៀល ថ្ងៃទី​១២ ខែតុលា ឆ្នាំ​២០២០ បាន​ដឹកនាំ​ក្រុមការងារ ចុះសាកសួរ​សុខទុក្ខ និង​នាំយក​អំណោយ មនុស្សធម៌ ចែកជូន​ប្រជាពលរដ្ឋ ចំនួន ៧៤ គ្រួសារ ស្ថិតនៅ​ក្នុងភូមិ​ថ្នល់ ឃុំ​អម​លាំង ស្រុក​ថ្ពង ខេត្តកំពង់ស្ពឺ ដែល​រងគ្រោះ​ដោយសារ ជំនន់​ទឹកភ្លៀង នាំឱ្យ​បាក់​ទំនប់​ភ្នំ​លេខ ។​

​លោក វ៉ី សំណាង បាន​មានប្រសាសន៍ថាៈ អំណោយ​ដែល​សាខា​កាកបាទក្រហម​ខេត្ត ចែកជូន​គ្រួសារ ដែល​រលំ​ផ្ទះ​ទាំងស្រុង ដោយសារ​ទឹក​ហូរ កាត់​ខ្លាំង មួយ​គ្រួសារៗ ទទួលបាន​÷ អង្ករ ២៥ គីឡូក្រាម​. មី​១​កេស .​ទឹកស៊ីអ៊ីវ​១​យួរ .​ត្រីខ​១០​កំប៉ុង​. ឃី​ត​១​កញ្ចប់​. នំ​ធុង​១​ធុង​. ប្រេងឆា ១​ដប និង​ថវិកា ១០ ម៉ឺន​រៀល​។ ចំណែក​អំណោយ ដែល​បាន​ផ្ដល់ជូន​គ្រួសារ​រង​ផលប៉ះពាល់ ដោយ​ទឹកជំនន់ ក្នុង​មួយ​គ្រួសារៗ រួមមាន អង្ករ ២៥ គីឡូក្រាម .​មី​១​កេស​. ទឹកស៊ីអ៊ីវ​១​យួរ .​ត្រីខ​១០​កំប៉ុង​. នំ​ធុង ១​ធុង .​ប្រេងឆា​១ ដប និង​ថវិកា ៤ ម៉ឺន​រៀល​។​

​ក្នុងឱកាស​នោះដែរ លោក​អភិបាលខេត្ត​កំពង់ស្ពឺ ក៏បាន​បន្តដំណើរ ចុះទៅ​ពិនិត្យមើល ប្រជាពលរដ្ឋ ច្រក​ដី​ដាក់​ការុង ដើម្បី​​ទប់​ទំនប់ ចំការ​ដូង នៅ​ឃុំ​វាល​ពង់ ស្រុក​ឧដុង្គ ដែល​រង​ការបាក់​ខូចខាត ដោយសារ​ជំនន់​ទឹកភ្លៀង​៕​/V

លោក វ៉ី សំណាង​អភិបាលខេត្ត​កំពង់ស្ពឺ បាន​យក​អំណោយ ចែកជូន​ពលរដ្ឋ​រង​គ្រោះ ដោយសារ​ជំនន់​ទឹកភ្លៀង នៅ​ស្រុក​ថ្ពង
លោក វ៉ី សំណាង​អភិបាលខេត្ត​កំពង់ស្ពឺ បាន​យក​អំណោយ ចែកជូន​ពលរដ្ឋ​រង​គ្រោះ ដោយសារ​ជំនន់​ទឹកភ្លៀង នៅ​ស្រុក​ថ្ពង
លោក វ៉ី សំណាង​អភិបាលខេត្ត​កំពង់ស្ពឺ បាន​យក​អំណោយ ចែកជូន​ពលរដ្ឋ​រង​គ្រោះ ដោយសារ​ជំនន់​ទឹកភ្លៀង នៅ​ស្រុក​ថ្ពង
ប្រជាពលរដ្ឋ ច្រក​ដី​ដាក់​ការុង ដើម្បី​ទប់​ទំនប់ ចំការ​ដូង នៅ​ឃុំ​វាល​ពង់ ស្រុក​ឧដុង្គ ដែល​រង​ការបាក់​ខូចខាត ដោយសារ​ជំនន់​ទឹកភ្លៀង​

ទីតាំងផ្សាយពាណិជ្ជកម្ម