Home ព័ត៌មានអន្តរជាតិ ប្រជាជន​ឥណ្ឌា...

ប្រជាជន​ឥណ្ឌា​រាប់លាន​នាក់​ទទួល​ប្រាក់កម្ចី​ដើម្បី​ជម្រុញ​សេដ្ឋកិច្ច​ដែល​ធ្លាក់​ចុះ​ឱ្យ​ងើបឡើ​វិញ​

​រដ្ឋាភិបាល​បាន​និយាយ​កាលពី​ថ្ងៃ​ចន្ទ​ទី​១២​តុលា​ថា បុគ្គលិក​សាធារណៈ​(​រដ្ឋ​)​ឥណ្ឌា​រាប់លាន​នាក់​នឹង​ត្រូវ​បាន​ផ្តល់​ប្រាក់​កម្ចី​ប្រហែល​១៣៥ ដុល្លារ ដែល​សង​ក្នុង​រយៈពេល​១០​ខែ​ដើម្បី​បង្កើន​ការចំណាយ​​និង​ជួយ​សង្គ្រោះ​សេដ្ឋកិច្ច​ដែល​រង​ប៉ះពាល​ខ្លាំង​ដោយ​ជំងឺ​ឆ្លងកូវី​ដ​១៩​។​

​ការ​ផ្តល់​ជូន​នេះ​ធ្វើឡើង​ប៉ុន្មាន​ថ្ងៃ​បន្ទាប់ពី​ធនាគារ​ពិភពលោក​បាន​និយាយ​ថា​សេដ្ឋកិច្ច​ឥណ្ឌា​នឹង​ធ្លាក់​ចុះ​ជិត​១០ ភាគរយ​នៅ​ឆ្នាំនេះ ហើយ​វា​ស្របពេល​ជាមួយនឹង​ការ​ប្រារព្ធ​ពិធី​បុណ្យ​Diwali​នៅ​ខែ​​ក្រោយ​ដែល​ជា​ពិធីបុណ្យ​សាសនា​ដ៏​សំខាន់​បំផុត​មួយ​របស់​ប្រទេស​នេះ​។​

​រដ្ឋមន្ត្រី​ក្រសួង​ហិរញ្ញវត្ថុ លោក នៀ​ម៉ាឡា ស៊ី​ថា​រ៉ា​ម៉ាន បាន​និយាយថា​និយោជិត​រដ្ឋាភិបាល​សហព័ន្ធ​ក៏​នឹង​ត្រូវបាន​អនុញ្ញាត​ឱ្យ​ចំ​ណាយ​ប្រហែល ៣,៨​ពាន់​លាន​ដុល្លារ​នៃ​ប្រាក់​សម្រាប់​ការធ្វើដំណើរ​​ដែល​មិន​បាន​ប្រើប្រាស់​ដែលជា​ផ្នែក​មួយ​នៃ​ប្រាក់ខែ​របស់​ពួកគេ​ដែល​ចំណាយ​លើ​ទំនិញ​និង​សេវាកម្ម​ផ្សេងៗ​។​

​លោក រដ្ឋមន្ត្រី​ក្រសួង​ហិរញ្ញវត្ថុ បាន​និយាយ​នៅ​សន្និសីទកាសែត​ថា​”​ពិធីបុណ្យ​នានា​នឹង​មកដល់​…​ហើយ​យើង​ចង់​ប្រាប់​អ្នក​ថា​ក្នុង​រយៈពេល ៦ ខែ​ទៀត​អ្នក​ចំណាយ​ប្រាក់​នោះ​ដើម្បី​ទិញ​ទំនិញ​ដែល​​នឹង​ជួយ​ដល់​គ្រួសារ​អ្នក​” ។​

​ជាមួយនឹង​គម្រោង​ប្រាក់កម្ចី​នេះ រដ្ឋាភិបាល​នឹង​ចំណាយ​៨០​ពាន់​លាន​រូពី (១,១ ពាន់​លាន​ដុល្លារ​) ដើម្បី​ផ្តល់​ប្រាក់ខែ​ជា​មុន​ដល់​បុគ្គលិក​រដ្ឋាភិបាល​ចំនួន ១០.០០០​រូ​ពី (១៣៥ ដុល្លារ​) ដែល​នឹង​ទូទាត់​សង​​វិញ​ក្នុង​រយៈពេល​ជាង​១០ ខែ​។​

​លោក​បាន​និយាយថា ផែនការ​ដែល ជម្រុញ​លើកទឹកចិត្ត​ប្រជាជន​ឥណ្ឌា​ឱ្យ​ចំណាយ​ប្រាក់​សន្សំ​មួយចំនួន​របស់​ពួកគេ​នេះ នឹង​រក​ចំណូល​បាន​ប្រហែល ៤,៩ ពាន់​លាន​ដុល្លារ​មក​វិញ​សម្រាប់​សេដ្ឋកិច្ច​នេះ​៕​ប្រែ​សម្រួល​៖​សុខា​/sn

សេដ្ឋកិច្ច​ឥណ្ឌា​ត្រូវបាន​បំផ្លិច​ដោយសារ​ជំងឺ​ឆ្លងកូវី​ដ​១៩​ប៉ុន្តែ​រដ្ឋាភិបាល​បាន​ប្រកាស​ផែនការ​សម្រាប់​ប្រាក់កម្ចី​ដើម្បី​លើកទឹកចិត្ត​ដល់​ការចំណាយ​

ទីតាំងផ្សាយពាណិជ្ជកម្ម

- Advertisment -

Most Popular