៩ ស្រុក​ក្រុង នៃ​ខេត្តបន្ទាយមានជ័យ រង​ការប៉ះពាល់​លិចលង់ ដោយ​ទឹកជំនន់​

3193
ចែករម្លែក

*** ផ្អាក​រថយន្ត​ធំ ឆ្លងកាត់​ផ្លូវជាតិ​លេខ ៥ ជា​បណ្ដោះអាសន្ន
ដោយៈ ប​.​ជ័យ / បន្ទាយ​មាន​ជ័​យៈ ៩ ស្រុក ក្រុង នៃ​ខេត្តបន្ទាយមានជ័យ បានទទួល​រង​នូវ​ការប៉ះពាល់ លិចលង់​ដោយ​ទឹកជំនន់​ទឹកភ្លៀង ពី​ចាប់ពី​ថ្ងៃទី​៨ ដល់ ១៣ ខែតុលា ឆ្នាំ​២០២០ ក្នុងនោះ​មាន ផ្ទះ ស្រូវ ដំឡូង និង​ហេដ្ឋារចនាសម្ព័ន្ធ ហើយ​មាន​ប្រជាពលរដ្ឋ ស្លាប់​អស់ ៣​នាក់ ។ នេះ​បើ​យោងតាម​របាយការណ៍ របស់​រដ្ឋបាល ខេត្តបន្ទាយមានជ័យ ។​

​រដ្ឋបាលខេត្ត​បន្ទាយមានជ័យ បាន​ឲ្យ​ដឹងថាៈ គិតពី​ថ្ងៃទី​៦ ដល់​ថ្ងៃទី​៩ ខែតុលា ឆ្នាំ​២០២០ លំនៅដ្ឋាន​ប្រជាពលរដ្ឋ លិចលង់​ចំនួន ២៧៤ ខ្នង និង​បាន​ជម្លៀស​ប្រជាជន ទៅ​ទីទួល​សុវត្ថិភាព ចំនួន ៩១ គ្រួសារ ស្មើនឹង ២៤៤ នាក់​/ ស្រី​១១៧ នាក់ ។ លិច​ស្រូវ​ស្រែ ចំនួន ១០៩ ហិកតា សាលារៀន ១១​កន្លែង ត្រូវ​ផ្អាក​ការសិក្សា ជា​បណ្ដោះអាសន្ន ផ្លូវ​ខូច ២៥ កន្លែង ប្រវែង ២.៣៧៩ ម៉ែត្រ​។

៩ ស្រុក​ក្រុង នៃ​ខេត្តបន្ទាយមានជ័យ រង​ការប៉ះពាល់​លិចលង់ ដោយ​ទឹកជំនន់​

​ក្នុងនោះ មានស្រុក​អូរជ្រៅ លិច​លំនៅដ្ឋាន ចំនួន​៩៦​ខ្នង និង​ជម្លៀស​ប្រជាពលរដ្ឋ ទៅ​ទីទួល​សុវត្ថិភាព ៩១​គ្រួសារ លិច​ផ្លូវ​ក្រួស​ក្រហម មាន​៩​កន្លែង មាន​ប្រវែង ៥០០​ម៉ែត្រ​។ ស្រុក​មង្គលបុរី លិច​លំនៅដ្ឋាន ១៨​ខ្នង សាលារៀន​២​កន្លែង ស្រូវ​៣៤​ហិកតា​។ ស្រុក​ស្វាយចេក លិច​សាលារៀន ៣ កន្លែង ផ្លូវ​ក្រាល​គ្រួស​ក្រហម​១​កន្លែង​មាន​ប្រវែង ៣០០​ម៉ែត្រ​។ ស្រុក​ព្រះនេត្រព្រះ សាលារៀន ២ កន្លែង ផ្លូវ​ក្រាល​ក្រួស​ក្រហម ៦​កន្លែង មាន​ប្រវែង ១.២៦០ ម៉ែត្រ​។ ស្រុក​ថ្មពួក លិច​លំនៅដ្ឋាន​ប្រជាពលរដ្ឋ ចំនួន​៣៨​ខ្នង សាលារៀន ២​កន្លែង ខូច​ដំឡូង​មី ៦៨៧ ហិកតា ស្រូវ ៧៥ ហិកតា ផ្លូវ​ក្រាល​ក្រួស​ក្រហម ៤ កន្លែង មាន​ប្រវែង ៣១៨ ម៉ែត្រ​។ ស្រុក​ម៉ាឡៃ លិច​លំនៅដ្ឋាន មាន​ចំនួន ១១ ខ្នង និង​សាលារៀន ១​កន្លែង​។ ឯ​ស្រុក​ក្រុង​សល់​ពី​នោះ ទើប​ផ្តើម​ប៉ះពាល់ នៅ​ថ្ងៃទី​១៣ ខែតុលា ហើយនឹង​ស្រង់​ទិន្នន័យ នៅពេល​បន្ទាប់ ។​

៩ ស្រុក​ក្រុង នៃ​ខេត្តបន្ទាយមានជ័យ រង​ការប៉ះពាល់​លិចលង់ ដោយ​ទឹកជំនន់​

​រដ្ឋបាលខេត្ត បានបញ្ជាក់​ថាៈ ប៉ុន្មាន​ថ្ងៃនេះ ទាំង​៩ ក្រុង ស្រុក ទឹកជំនន់ និង​ទឹកភ្លៀង បាន​ហក់​ឡើង​យ៉ាងខ្លាំង ហើយ​ស្ថានភាព​ទឹកស្ទឹង​សិរីសោភ័ណ កំពុង​ហក់​ឡើង យ៉ាង​កំ​ហុក​ផងដែរ នៅក្នុង​ក្រុង​សេរី​សោភ័ណ​។​

​ទន្ទឹមនឹងនេះ រដ្ឋបាលខេត្ត បាន​ជូនដំណឹង​ដល់ សាធារណជន និង​បងប្អូន​ប្រជាពលរដ្ឋ ពិសេស​ក្រុមហ៊ុន​ដឹកជញ្ជូន​ទំនិញ​ធំៗ ដែល​ធ្វើដំណើរ​ឆ្លងកាត់ តាមផ្លូវ​ជាតិ​លេខ​៥ ពី​ទី​រួម​ខេត្តបន្ទាយមានជ័យ ដល់​ព្រំប្រទល់​ខេត្តបាត់ដំបង សូម​ផ្អាក​ជា​បណ្ដោះអាសន្ន នូវ​យានយន្ត​ដឹកជញ្ជូន​ធុន​ធំ គ្រប់​ប្រភេទ ៕/V

៩ ស្រុក​ក្រុង នៃ​ខេត្តបន្ទាយមានជ័យ រង​ការប៉ះពាល់​លិចលង់ ដោយ​ទឹកជំនន់​
៩ ស្រុក​ក្រុង នៃ​ខេត្តបន្ទាយមានជ័យ រង​ការប៉ះពាល់​លិចលង់ ដោយ​ទឹកជំនន់​
៩ ស្រុក​ក្រុង នៃ​ខេត្តបន្ទាយមានជ័យ រង​ការប៉ះពាល់​លិចលង់ ដោយ​ទឹកជំនន់​
៩ ស្រុក​ក្រុង នៃ​ខេត្តបន្ទាយមានជ័យ រង​ការប៉ះពាល់​លិចលង់ ដោយ​ទឹកជំនន់​
៩ ស្រុក​ក្រុង នៃ​ខេត្តបន្ទាយមានជ័យ រង​ការប៉ះពាល់​លិចលង់ ដោយ​ទឹកជំនន់​

ទីតាំងផ្សាយពាណិជ្ជកម្ម