មេ​បក្ស​ប្រឆាំង​ម៉ាឡេស៊ី ចូលគាល់​ស្តេច ក្នុង​ការព្យាយាម​បង្កើត​រដ្ឋាភិបាល​ថ្មី​

271
ចែករម្លែក

​មេដឹកនាំ​ប្រឆាំង​ម៉ាឡេស៊ី លោក​អាន់​វ៉ា អ៊ីប្រាហ៊ីម បាន​ចូល​គាត់​ស្តេច​កាលពី​ថ្ងៃ​អង្គារ​ទី​១៣​តុលា ក្នុង​បំណង​បង្កើត​រដ្ឋាភិបាល​ថ្មី​មួយ​ក្រោយ​លោក​អះអាង​ថា លោក​កៀរគរ​ប្រមូល​បាន​សម្លេង​គាំទ្រ​ភាគ​​ច្រើន​នៅក្នុង​សភា​។​

​អាន់​វ៉ា បាន​និយាយ​កាលពី​សប្តាហ៍​មុន​ថា​លោក​នឹង​ថ្វាយ​ព្រះមហាក្សត្រ​នូវ​ភស្តុ​ង​តាង​ជា​ឯកសារ​«​រឹងមាំ​និង​គួរអោយ​ជឿ​ទុកចិត្ត​»​ស្តីពី​ការគាំទ្រ​របស់​សមាជិក​សភា ដែល​នឹង​អនុញ្ញាតអោយ​លោក​​បណ្តេញ​នាយករដ្ឋមន្ត្រី មូ​យីត​ឌីន យ៉ាស​ស៊ីន ចេញពី​តំណែង​។​

​អតីត​នាយករដ្ឋមន្ត្រី​រង់ចាំ​ចូលកាន់​តំណែង​យូរ​បំផុត​រូបនេះ បាន​ចំណាយពេល​ប្រមាណ​១​ម៉ោង​នៅក្នុង​វាំង​មុនពេល​ចាកចេញ និង​មិន​បាន​និយាយ​ទៅកាន់​អ្នកយក​ព័ត៌មាន​ដែល​រង់ចាំ​នៅ​ខាងក្រៅ​ទេ​​តែ​លោក​សន្យាថា​នឹង​ធ្វើ​សេចក្តីប្រកាស​សំខាន់​មួយ​នៅ​ពេល​រសៀល​។​

​ក្នុងពេល​ជាមួយគ្នា លោក មូ​យីត​ឌីន យ៉ាស​ស៊ីន ដែល​បាន​ចូលកាន់​តំណែង​កាលពី​ខែ​មីនា ក្រោយរ​ក​បាន​សមាជិក​សភា​គាំទ្រ​គ្រប់គ្រាន់​ដើម្បី​បណ្តេញ​សម្ពន្ធភាព​កែ​ទំរង់​របស់​អាន់​វ៉ា​និង​លោក​មហា​ធៀ​ ចេញ​ពី​អំណាច បាន​ច្រាន​ចោល​ការអះអាង​របស់​លោក​អាន់​វ៉ា​ស្តី​ពី​រកបាន​សម្លេង​គាំទ្រ​ភាគច្រើន​។​

​លោក មូ​យីត​ឌីន បច្ចុប្បន្ន​កំពុង​ដឹកនាំ​រដ្ឋាភិបាល​ជាមួយនឹង​ការគាំទ្រ​ពី​សភា​ក្នុង​សម្លេង​ភាគច្រើន​តិចតួច ហើយ​ខិតខំ​រក្សា​អំណាច​ចំពេល​ប្រទេស​ជួប​វិបត្តិ​ជំងឺ​កូវី​ដ​១៩​និង​ការដណ្តើម​អំណាច​នៅក្នុង​​ក្រុមចម្រុះ​របស់លោក​។​

​សម្ពន្ធមិត្ត​នៅក្នុង​ក្រុមចំរុះ​របស់លោក មូ​យីត​ឌីណ បាន​ច្រាន​ចោល​ការអះអាង​របស់​លោក​អាន់​វ៉ា​និង​បាន​ហៅ​លោក​ថា​«​មនុស្ស​ចង្រៃ​បង្ក​គ្រោះថ្នាក់​ដល់​ប្រទេស​ជាតិ​»​ដែល​ស្វះស្វែង​ដណ្តើម​អំណាច​​នៅ​ពេល​ប្រទេស​ជាតិ​តស៊ូ​នឹង​ជំងឺ​ឆ្លងកូវី​ដ​១៩​។​

​មុន​ចាកចេញ​ពី​ផ្ទះ​កាលពី​ព្រឹក​ថ្ងៃ​អង្គារ អាន់​វ៉ា​បាន​ថតរូប​ជាមួយ​ប្រពន្ធ​និង​បង្ហោះ​វា ជាមួយនឹង​អក្ស​រថា​«​សង្ឃឹម​ថា​វា​នឹង​ជា​ការងារ​រលូន​មួ​យ​និង​បន្ទាប់​ពី​ចាកចេញ​ពី​ព្រះបរមរាជវាំង​កាលពី​ព្រឹក​​ថ្ងៃ​១៣​តុលា លោក​បាន​និយា​ថា​លោក​នឹង​ធ្វើ​ការប្រកាស​ដ៏​សំខាន់​មួយ​នៅ​ពេល​រសៀល​៕​ប្រែ​សម្រួល​៖​វាសនា​

​មេដឹកនាំ​ប្រឆាំង អាន់​វ៉ា អ៊ីប្រាហ៊ីម ថត​ជាមួយ​ប្រពន្ធ​មុន​ចេញ​ទៅ​គាល់​ស្តេច​

​លោក​អាន់​វ៉ា អ៊ីប្រាហ៊ីម អះអាងថា​នឹង​ធ្វើ​សេចក្តីប្រកាស​សំខាន់​មួយ​នៅ​រសៀល​ថ្ងៃ​អង្គារ​ក្រោយ​ចូលគាល់​ស្តេច​

ទីតាំងផ្សាយពាណិជ្ជកម្ម