​ទឹកជំនន់ លិច​ពន្ធនាគារ​ខេត្ត​បន្ទាយ​មាន​ជ័​យៈ កងកម្លាំង​មាន​សមត្ថកិច្ច ជម្លៀសចេញ អ្នក​ជាប់ឃុំ ជិត ១.០០០ នាក់​

84
ចែករម្លែក

ដោយៈ ភ្នំ​ស្វាយ / បន្ទាយ​មាន​ជ័​យៈ ទឹកជំនន់​ទឹកភ្លៀង បាន​លិច​ពន្ធនាគារ​ខេត្តបន្ទាយមានជ័យហើយៗ នៅពេល​គ្រាអាសន្ន​នេះ សមត្ថកិច្ច​ជំនាញ និង​កងកម្លាំង​មាន​សមត្ថកិច្ច បាន​កំពុង​ជម្លៀស​អ្នក​ជាប់ឃុំ ជិត ១.០០០ នាក់ ចេញទៅ​កាន់​ពន្ធនាគារ​ខេត្ត​ខ្លះ ដែល​ភាគច្រើន គឺ​ខេត្តសៀមរាប ។​

​ប្រតិបត្តិការ​នោះ បាន​ធ្វើឡើង​ដោយមាន​អនុសាសន៍​ពី លោក អ៊ុំ រាត្រី ប្រធាន​គណៈបញ្ជាការកងឯកភាព​រដ្ឋបាល​ខេត្ត ហើយ​មាន​ចូលរួម​ពី​លោក ឧ​ត្ត​ម​អគ្គានុរក្ស ថ្នាក់​លេខ​២ អ៊ុង សុផាន ប្រធាន​ពន្ធនាគារ ខេត្តបន្ទាយមានជ័យ លោក ងួន ណា​រ៉ា ប្រធាន​សាលាដំបូង​ខេត្ត លោក​មាស ច័ន្ទ ពិសិដ្ឋព្រះរាជអាជ្ញា អម​សាលាដំបូង​ខេត្ត លោក​ឧ​ត្ត​ម​សេនីយ៍​ត្រី សិទ្ធិ ឡោះ ស្នងការ​នគរបាល​ខេត្ត និង​នាយ នាយរង​នគរបាល កងរាជអាវុធហត្ថ កងទ័ព និង​ពន្ធនាគារ​នុ​រក្ស រាប់រយ​នាក់ ។​

​លោក​ប្រធាន​ពន្ធនាគារ បាន​ប្រាប់​កាសែត​រស្មី​កម្ពុជា​ថាៈ ទឺ​ក​ជំនន់ ច្រាល​ចេញពី​ស្ទឹង​សិរីសោភ័ណជាប់​នឹង​ទីតាំង​ពន្ធនាគារ នា​ភូមិ​គាប សង្កាត់​ទឹកថ្លា ក្រុង​សិរីសោភ័ណ ដែល​បាន​ហក់​ឡើង ហើយ​ហូរ​បុក​ធ្លាយ ចូល​បរិវេណ និង​អគារ​ការិយាល័យ​ធ្វើការ អគារ​នានា រាប់ទាំង​អគារ​អ្នក​ជាប់ឃុំ ស្នាក់នៅ​ផងកាលពី​ល្ងាច​ថ្ងៃទី​១២ ខែតុលា ពោលគឺ​ការ​ទប់ បាំង​បាចទឹក យ៉ាងណា ក៏​មិនអាច​ការពារ​បាន ព្រោះ​កម្ពស់​ទឹក បាន​ខ្ពស់ជាង ហើយ​ព័ទ្ធជុំវិញ​ពន្ធនាគារ ទៅហើយ ។​

​លោក អ៊ុង ស៊ី​ផាន បានបញ្ជាក់​ថាៈ ហេតុនេះ នៅ​ព្រឹក​ថ្ងៃទី​១៣ ខែតុលា លោក​បានស្នើ​ការសម្រេច ពី​ថ្នាក់លើ​ពាក់ព័ន្ធ ដើម្បី​ជម្លៀស​ពី​ការលិចលង់ គ្រោះថ្នាក់​នូវ អ្នក​ជាប់ឃុំ (​ទណ្ឌិត ពិរុទ្ធជន និង​ថែម​កុមារតាម​ម្តាយ ចំនួន ៨១១ នាក់ / ស្រី​៨៥​នាក់ លើ​អ្នក​ជាប់ឃុំ​សរុប ១.៦០០ នាក់ ចេញទៅ ភាគច្រើន ពន្ធនាគារ​ខេត្តសៀមរាប និង​ខេត្ត​ខ្លះទៀត នៅ​ថ្ងៃត្រង់​ថ្ងៃ​ដដែល​នេះ ។​

​លោក អ៊ុង ស៊ី​ផាន បាន​បន្តថាៈ ការដឹកជញ្ជូន ធ្វើឡើង​តាម​រថយន្តក្រុង​ឯកជន និង​រថយន្តក្រុងរ​ណ​ប នៃ​ក្រុមហ៊ុន​អចលវត្ថុ ឡេង ណា​វ៉ា​ត្រា សរុប​រាប់សិប​គ្រឿង ហើយ​អមដោយ រថយន្ត​កងកម្លាំង ដែល​ស្ទើរ​ទាំងអស់ គឺ​រថយន្ត​របស់​នគ​របាល​ខេត្ត និង​ស្រុក ក្រុង នៃ​ខេត្តបន្ទាយមានជ័យ ។ បើ​ស្ថានភាព​ទឹក មិន​ស្រក ហើយ​ហក់​ឡើង​ទៀត អង្គភាព​នេះ នឹង​សុំ​ការសម្រេច​ពី​ថ្នាក់លើ ដើម្បី​ជម្លៀស​អ្នក​ជាប់ឃុំ បន្ថែមទៀត ។​

​សូម​រំលឹកថា ពន្ធនាគារ​ខេត្តបន្ទាយមានជ័យ ស្ថិតនៅ​ទំនាប ហើយ​ប្រឈម​ការលិចលង់ ដោយ​ទឹកជំនន់ ស្ទើរ​រាល់​ឆ្នាំ ក្នុងនោះ បាន​លិចលង់​ខ្លាំង ហើយ​ធ្លាប់បាន​ជម្លៀស​អ្នក​ជាប់ឃុំ​រួចហើយ កាលពី​ឆ្នាំ​២០០៩ និង​ឆ្នាំ​២០១៣ ។ រីឯ​ស្ថានភាព​ទឹកជំនន់​វិញ គឺ​បានចាប់ផ្តើម​ហក់​ឡើង​ព័ទ្ធ​ម្តង​បន្តិចៗ ជាយក្រុង​សិរីសោភ័ណ កាលពី ២ -៣ ថ្ងៃ​មកហើយៗ​ឡើង​ខ្លាំង នៅ​យប់​ថ្ងៃទី​១២ ខែតុលា​៕/b /V

ទីតាំងផ្សាយពាណិជ្ជកម្ម