Home ព័ត៌មានអន្តរជាតិ ប្រធានាធិបតី​...

ប្រធានាធិបតី​ចិន​ជំរុញ​កំណើន​ប្រកបដោយ​គុណភាព​ខ្ពស់​នៅ​អំឡុង​ទស្សនកិច្ច​នៅ​ភាគ​ខាង​នៃ​ប្រទេស​ចិន​

​ប្រធានាធិបតី​ចិន​លោក ស៊ី ជីន​ពីង បាន​ជំរុញ​ឱ្យ​មាន​ការ​ផ្តោតអារម្មណ៍​ខ្លាំង​ឡើង​លើ​គុណភាព​ដើម្បី​ជម្នះ​លើ​ភាពមិនប្រាកដប្រជា​ដែល​កើន​ឡើង​របស់​ពិភពលោក ខណៈ​ដែល​លោក​បាន​ចាប់ផ្តើម​​ដំណើរ​ពិនិត្យមើល​រោងចក្រ​ថាមពល​មួយ​នៅ​ខេត្ត​ក្វាង​ទុង​ភាគខាងត្បូង​នៃ​ប្រទេស​ចិន​។​

​យោងតាម​ទីភ្នាក់ងារ​ព័ត៌មាន​ស៊ីនហួ​បានឱ្យដឹងថា​មេដឹកនាំ​ចិន​រូបនេះ បាន​ថ្លែង​លើកទឹកចិត្ត​សម្រាប់​អ្វី​ដែល​ហៅថា​”​ខ្លួន​ទីពឹង​ខ្លួន​” កាលពី​ថ្ងៃ​ចន្ទ​ទី​១២​ខែតុលា ក្នុង​ដំណើរ​ពិនិត្យមើល​រោងចក្រ​​មួយ​នៃ​ក្រុមហ៊ុន​Chaozhou Three-Circle Group Co. ។​

​លោក​បាន​ប្រាប់​ក្រុម​កម្មករ​នៅ​ក្រុមហ៊ុន​ដែល​ផលិត​សេ​រ៉ា​មិច​ទំនើប​សម្រាប់​ក្រុមហ៊ុន​ផលិត​ទូរស័ព្ទ​ធំៗ​នៅ​ប្រទេស​ចិន​ដើម្បី​ស្វែងយល់​ពី​គោលបំណង​របស់​ថ្នាក់ដឹកនាំ​និង​យុទ្ធសាស្ត្រ​សំខាន់ៗ​របស់​ចិន​។​

​លោក ស៊ី ជីន​ពីង បាន​និយាយថា​បច្ចុប្បន្ន យើង​កំពុង​ជួប​ការផ្លាស់ប្តូរ​ដែល​យើង​មិន​បាន​ឃើញ​អស់​មួយ​សតវត្សរ៍​ហើយ យើង​ចាំបាច់​ត្រូវ​ដើរ​លើ​មាគ៌ា​ឆ្ពោះទៅរក​ភាព​ជឿជាក់​លើ​ខ្លួនឯង​ក្នុង​ការបង្កើន​​គុណភាព​ខ្ពស់​ជាង​នេះ​”​។​

​ដំណើរ​ទស្សនកិច្ច​កាត់​តំបន់​ដីសណ្ត​ទន្លេ​Pearl​នេះ​ត្រូវបាន​រំពឹងថា​នឹង​ជួយ​ជំរុញ​ផែនការ​នៃ​តំបន់​ឆកសមុទ្រ​ឬ​ហៅ​Greater Bay Area​របស់​លោក​ស៊ី ជីន​ពីង​ដើម្បី​កសាង​តំបន់​នេះ​ឱ្យទៅ​ជា​មជ្ឈមណ្ឌល​​បច្ចេកវិទ្យា​ពិភពលោក​៕​ប្រែ​សម្រួល​៖​សុខា​/sn

ស៊ី បក់ដៃ​ទៅកាន់​ប្រជាជន ក្នុងពេល​ចុះទៅ​ក្រុង ចា​វចូ ក្នុង​ខេត្ត​ក្វាង​ទុង​កាលពី​ថ្ងៃ​១២​តុលា​

ទីតាំងផ្សាយពាណិជ្ជកម្ម

- Advertisment -



Most Popular