Home កីឡា អេ​ឌី​ន​សិន ក...

អេ​ឌី​ន​សិន កា​វ៉ា​នី ប្តេជ្ញា​ថា នឹង​ជួយ​ក្រុម យូ​ណាយ​ធី​ត លើក​ពាន​ជើងឯក​

ខ្សែប្រយុទ្ធ អេ​ឌិន​សិន កា​វ៉ា​នី (Edinson Cavani) អន្ទះសា​ចង់​ស្តា​ស្មារតី​ឈ្នះ​ត្រឡប់មក​ក្រុម ម​ម៉េ​ន​ឆេ​ស្ទ័​រ យូ​ណាយ​ធី​ត​(Manchester United) វិញ បន្ទាប់ពី​ធ្វើការ​ប្តេជ្ញា​ថា នឹង​ជួយ​ក្រុម​ថ្មី របស់ខ្លួន​លើក​ពាន​ក្របខ័ណ្ឌ​ព្រី​មី​ញ៉េ​លី​កនៅ​រដូវ​កាល​នេះ​។​
​ ​
​កា​វ៉ា​នី បានមក​ដល់​ពហុ​កីឡដ្ឋាន Old Trafford ដោយ​ឥត​តម្លៃ​ខ្លួន​ផ្ទេរ​នៅ​ថ្ងៃ​ចុងក្រោយ​នៃ រដូវ​កាល​ទិញដូរ បន្ទាប់ពី​ចាកចេញ​ពី​ក្លឹប​យក្ស​បារាំង PSG ហើយ​បាន​អះអាងថា​ក្នុងឋានៈ​ជា ក្លឹប​មួយ​ក្នុងចំណោម​ក្លឹប​ធំ​បំផុត​ក្នុង​ពិភពលោក​នោះ ក្រុម United គួរតែ​អាច​លើក​ពាន​ឆេ​ម ពាន​លី​ក​។​
​ ​
​បើទោះបី​ជាមាន​ស្ថិតិ​លើក​ពាន​ជើងឯក​ក្របខណ្ឌ​កំពូល​នេះ​២០​លើក ក៏ដោយ ក៏​ក្រុម United ហាក់ដូច​ជាមាន​ភាព​ត្រដាបត្រដួស​ប៉ុន្មាន​រដូវ​កាល​កន្លងមក ហើយ​មកដល់ពេលនេះ​មាន​រយៈ ពេល​៧​ឆ្នាំ​មកហើយ​ចាប់តាំងពី​ធ្វើបាន​ជោគជ័យ​នៅ​រដូវ​កាល​ចុងក្រោយ​របស់ខ្លួន​ក្រោម​ការដឹកនាំ​របស់លោក អា​ឡិ​ក ហ្វឺ​ហ្គូ​សិន (Alex Ferguson) ។​
​ ​
​ស្ថិតិ​ល្អ​បំផុត​របស់​ពួកគេ​តាំងពី​ពេលនោះ គឺជា​ជើងឯក​រង​ក្រោម​ការដឹកនាំ​របស់លោក ចូ​សេ ម៉ូ​រី​ញ៉ូ (Jose Mourinho) កាលពី​ឆ្នាំ​២០១៨ ហើយ​ក្រុម​នេះ​ចាប់ផ្តើម​មិនសូវ​បានល្អ​ទេ​ក្រោម ការដឹកនាំ​របស់លោក អូ​ឡេ ហ្គា​ន់​ណា សូល​ស្យែ​រ (Ole Gunnar Solskjaer) បន្ទាប់ពី​ចាញ់​ពីរ ប្រកួត​ក្នុងចំណោម​៣​ប្រកួត​ដំបូង​រួមទាំង​ការប្រកួត​ចាញ់​ក្រុម Tottenham Hotspur ៦-១ ។​
​ ​
​កា​វ៉ា​នី ដែល​លើក​ពាន​ជើងឯក​៦​លើក​នៅ​បារាំង បាន​និយាយថា “​ខ្ញុំ​គិតថា កីឡាករ​ដែល​ចង់ ប្រកួតប្រជែង​តែងតែ​ចង់​លើក​ពាន​”​។​
​ ​
​កីឡាករ​រូបនេះ​បន្តថា “​អ្នក​ត្រូវធ្វើ​ការងារ​សកម្ម ដូច្នេះ​អ្នក​អាច​ផ្តល់​តម្លៃ​ដល់​ខ្លួនឯង​ផងដែរ ហើយ​ផ្នែក​លើ​ការលេង​ដ៏​ល្អ​របស់​អ្នក អ្នកនឹង​អាច​ទទួលបាន​លទ្ធផល​ល្អ​ផងដែរ​”​។​
​ ​
​បន្ទាប់ពី​មកដល់​អង់គ្លេស កីឡាករ​វ័យ​៣៣​ឆ្នាំ​រូបនេះ​កំពុងតែ​ហ្វឹកហាត់​តែម្នាក់ឯង​ក្រោម ការដាក់​ខ្លួន​នៅ​ដាច់ដោយឡែក ខណៈ​ត្រៀម​បង្ហាញ​មុខជា​លើកដំបូង​៕ ប្រែ​សម្រួល​: ពិសិដ្ឋ​

ខ្សែប្រយុទ្ធ អេ​ឌិន​សិន កា​វ៉ា​នី (Edinson Cavani)

ទីតាំងផ្សាយពាណិជ្ជកម្ម

- Advertisment -

Most Popular