Home កម្សាន្ត កញ្ញាឯក​តំណាង...

កញ្ញាឯក​តំណាង​ខេត្តសៀមរាប​ទោះ​មិន​ជាប់​ចំណាត់ថ្នាក់ ប៉ុន្តែ​ទទួលបាន​ឱកាស​ការងារ​

ដោយ បូ​រិ​ន​/​ភ្នំពេញៈ ក្រោយពី​ឈាន​ជើង​ចូលដល់​វគ្គ​ផ្តាច់ព្រ័ត្រ​ក្នុង​កម្មវិធី​ប្រកួត​សម្រស់ Miss Grand Cambodia 2020 បេ​ក្ខ​នារី​តំណាង​ខេត្តសៀមរាប​ទទួលបាន​ការចាប់អារម្មណ៍ និង​គាំទ្រ ច្រើន​ពី​មហាជន​។ ទោះ​មិនបាន​គ្រង​តំណែង​ក្នុង​ចំណាត់ថ្នាក់​ណាមួយ​ក្តី​ក៏​ពេលនេះ​បេ​ក្ខ​នារី ដែលមាន​សម្រស់​ស្រស់​សោភា​រូបនេះ​ទទួលបាន​ឱកាស​ការងារ​សិល្បៈ​ដែរ​។

Miss Grand Cambodia 2020 តំណាងខេត្តសៀមរាប អ៊ុច សុគន្ធដាវី

​ការបញ្ជាក់​នេះ​បាន​ធ្វើឡើង​បន្ទាប់ពី​នាង​លេខ​មុខ​ក្នុង​ការថត​ឈុត​ប្រណី​តរបស់​សំអាងការ​ល្បីឈ្មោះ​មួយ​នៅ​ភ្នំពេញ​។​គឺ​សំអាងការ ម្កុដ​មាស​ខ្មែរ​។ សម្រស់​ដ៏​ស្រស់​ផូរផង់​គួបផ្សំ​ជាមួយ​ការ​តុ​ប តែង​មុខ​ធ្វើ​សក់ រំលេច​ដោយ​សម្លៀកបំពាក់​ប្រណីត និង​ស្រោច​ដោយ​គ្រឿងអលង្ការ​ភ្លឺ​ផ្លេក​ក្នុង ឈុត​កូនក្រមុំ​ក្នុង​ថ្ងៃ​មង្គល​ជ័យ គឺ​ពិតជា​ធ្វើ​ឲ្យ​អ្នកគាំទ្រ​នាង​មិន​សរសើរ​មិនបាន​។ ទោះជា​យ៉ាង ណា​នេះ​គឺជា​ឱកាស​ថ្មី​បន្ថែម​សម្រាប់​នាង​ដែល​អាច​ក្តាប់បាន​ឱកាស​ទីផ្សារ​ថ្មី​ក្រោយពី​បញ្ចប់​ការប្រកួត​។​

Miss Grand Cambodia 2020 តំណាងខេត្តសៀមរាប អ៊ុច សុគន្ធដាវី

​កញ្ញា អ៊ុច សុគន្ធ​ដាវី បាន​ប្រាប់​រស្មី​កម្ពុជា​កាលពី​ព្រឹក​ថ្ងៃទី​១៣ ខែតុលា ឆ្នាំ​២០២០​ថា នាង​ពិតជា រីករាយ​ដែល​ទទួលបាន​ឱកាស​ការងារ​សិល្បៈ​ទាំងនេះ ហើយ​នាង​នឹង​ខិតខំ​ប្រឹងប្រែង​ពង្រឹង សមត្ថភាព​ថ្មីៗ​បន្ថែម​ដើម្បី​បំពេញចិត្ត​អ្នកគាំទ្រ និង​លើកទឹកចិត្ត​នាង​កន្លងមក​។ នាង​ក៏​ថ្លែង អំណរគុណ​ចំពោះ​សម្អាងការ​ម្កុដ​មាស​ខ្មែរ ដែល​បានផ្តល់​ឱកាស​សម្រាប់​រូបនាង ហើយ​នាង រំពឹងថា​ការងារ​ថ្មី​នេះ​ក៏​ជាការ​បើកផ្លូវ​សម្រាប់​នាង​ឈាន​ជើង​ទៅមុខ​មួយ​ជំហាន​ទៀត​ក្នុង​ការងារ​សិល្បៈ​។

Miss Grand Cambodia 2020 តំណាងខេត្តសៀមរាប អ៊ុច សុគន្ធដាវី

​ចំណែក លោកស្រី គង់ សុ​ត្រា​វី នាយិកា​សំអាងការ ម្កុដ​មាស​ខ្មែរ បាន​និយាយថា បេ​ក្ខ​នារី ជាង​២០​នាក់​ដែល​បាន​ឈាន​ជើង​ចូលក្នុង​វគ្គ​ផ្តាច់ព្រ័ត្រ​សុទ្ធ​តែមាន​សម្រស់​ស្រស់​សោភា ប៉ុន្តែ​លោកស្រី​បាន​ចាប់អារម្មណ៍​ខ្លាំង​ទាំង​រូប​សម្រស់ និង​អត្ត​ច​រិ​ក បុគ្គលិក លក្ខណៈ​របស់​កញ្ញា អ៊ុច សុគន្ធ​ដា​រី ទើប​លោកស្រី​បាន​អញ្ជើញ​នាង​ឲ្យ​ថត​ឈុត​ប្រណីត​មួយចំនួន​របស់លោក​ស្រី និង​ជា​ចំណែក​ជួយ​លើកកម្ពស់​វិស័យ​សិល្បៈ​វប្បធម៌​ជាតិ​តាមរយៈ​ការបង្ហាញ​ឈុត​សម្លៀកបំពាក់​ប្រពៃណី​ខ្មែរ​ក្នុង​ពិធីមង្គលការ​។

លោកស្រី គង់ សុត្រាវី នាយិការសម្អាងការ ម្កុដមាសខ្មែរ

​លោកស្រី​បាន​និយាយថា សកម្មភាព​នេះ​ក៏​ជាការ​លើកទឹកចិត្ត​លើកកម្ពស់​តម្លៃ​ស្ត្រី​ពិសេស ធនធានមនុស្ស​ដ៏​កម្រ ដើម្បី​ឲ្យ​ពួកគាត់​មានឱកាស​បង្ហាញ​សមត្ថភាព​បង្ហាញ​រូប​សម្រស់​ជូន មហាជន​។ លោកស្រី​ថា សំអាងការ​លោកស្រី​ក៏​នឹង​បន្ត​លើកកម្ពស់​ច្នៃ​ឈុត​ប្រណីត​ថ្មី​ក្រោម ទម្រង់​សិល្បៈ​ខ្មែរ និង​ជា​ស្នាដៃ​កូន​ខ្មែរ​ពិតៗ​។

លោកស្រី គង់ សុត្រាវី នាយិការសម្អាងការ ម្កុដមាសខ្មែរ

​លោកស្រី​ក៏​រំពឹង​ដែរ​ថា ក្រៅពី​លើកកម្ពស់​ផ្នែក​វិស័យ​សិល្បៈ​លោកស្រី​ក៏​បង្ហើប​ពី​គោលការណ៍ ក្រុមហ៊ុន​លោកស្រី​ក៏មាន​គោលការណ៍​ក្នុងការ​ចូលរួមចំណែក​ជួយ​សង្គម​ផងដែរ​គឺ​រាល់​ការជួល​ជា​កញ្ចប់​ពី​សម្អាង​ម្កុដ​មាស​ខ្មែរ នឹងត្រូវ​បាន​ដក​ចំនួន​១០​ភាគរយ​ចូលរួម​ជា​មូល​និ​ធី​សម្រាប់​ជួយ ដល់​កុមារ​ដែល​រងគ្រោះ​ដោយ​ការរំលោភ បំពាន​ផ្លូវភេទ​។ តាមរយៈ​សកម្មភាព​ជួយ​សង្គម​ផ្ទាល់ និង​ដោយ​ប្រយោល​នេះ​នឹង​អាច​ចូលរួមចំណែក​ជួយ​ដល់​ផ្នែក​សិល្បៈ​វប្បធម៌ និង​សង្គមជាតិ​៕

Miss Grand Cambodia 2020 តំណាងខេត្តសៀមរាប អ៊ុច សុគន្ធដាវី
Miss Grand Cambodia 2020 តំណាងខេត្តសៀមរាប អ៊ុច សុគន្ធដាវី
Miss Grand Cambodia 2020 តំណាងខេត្តសៀមរាប អ៊ុច សុគន្ធដាវី

ទីតាំងផ្សាយពាណិជ្ជកម្ម

- Advertisment -

Most Popular