រដ្ឋបាលខេត្ត​ព្រះវិហារ​ចេញ​សេចក្តីជូនដំណឹង​ដល់​ប្រជាពលរដ្ឋ​ត្រូវ​ប្រុងប្រយ័ត្ន​ចំពោះ​គ្រោះទឹកជំនន់​

417
ចែករម្លែក

ដោយៈ​សៅ​វ៉ាន់ឌី​/​ព្រះ​វិហារៈ​រដ្ឋបាលខេត្ត​ព្រះវិហារ បានចេញ​សេចក្តីជូនដំណឹង ដល់​ប្រជាពលរដ្ឋ ត្រូវ​បង្កើន​ការប្រុងប្រយ័ត្ន​ចំពោះ​គ្រោះទឹកជំនន់​។​ពិសេស​អ្នករស់នៅ​តាម​ដងស្ទឹង​សែន​និង​តាម​បណ្តោយ​ដង​ទន្លេមេគង្គ​។​សេចក្តីជូនដំណឹង​នេះ រដ្ឋបាលខេត្ត​ព្រះវិហារ បានធ្វើ​ឡើង​នៅ​ថ្ងៃទី​១៣​តុលា​ឆ្នាំ​២០២០​ដោយ​ជូនដំណឹង​ដល់​ប្រជាពលរដ្ឋ ដែល​រស់​នៅតាម​ដងស្ទឹង​សែន​, ដង​ទន្លេមេគង្គ ,​និង​នៅតាម​តំបន់​ងាយ​រងគ្រោះ​ដោយសារ​ទឹកជំនន់​។

ត្រូវ​បង្កើន​ការប្រុងប្រយ័ត្ន​ខ្ពស់​ជានិច្ច ព្រោះ​ត្បិត​ព្យូះ​ទី​១៥​ឈ្មោះ​លី ហ្វា​ន បាន​នឹង​កំពុងមាន​ឥទ្ធិពល​មកលើ​តំបន់​ប៉ាក​សេ ប្រទេស​ឡាវ ដែល​ធ្វើឱ្យ​មា​ភ្លៀង​ធ្លាក់​ពី​មធ្យម​ទៅ​ច្រើន ហើយ​ស្ថានភាព​នេះ នឹង​ធ្វើឱ្យ​ទឹកទន្លេ នៅតាម​បណ្តា​ខេត្ត​មួយចំនួន​មានការ​ហក់​ឡើង​។ ដោយឡែក ទឹកស្ទឹង​សែន ខេត្តព្រះវិហារ ក៏​នៅតែ​បន្ត​ហក់​ឡើងជា​បន្តបន្ទាប់ ផងដែរ​។

​សេចក្តីជូនដំណឹង​រប​ស់​រដ្ឋបាលខេត្ត បាន​អំពាវនាវ​ដល់​ប្រជាពលរដ្ឋ​ទាំងអស់ ដើម្បី​ធានា​សុវត្ថិភាព និង​បង្ការ​គ្រោះមហន្តរាយ​ជាយថាហេតុ សូម​បងប្អូន​ក្នុង​ខេត្ត មេត្តា​ប្រុងប្រយ័ត្ន​ខ្ពស់ និង​ស្វែងរក​ទីទួល​សុវត្ថិភាព ដែល​នៅ​ជិត និង​សូម​រាយការណ៍​ឲ្យ​បាន​ឆាប់​មក​អាជ្ញាធរ​ភូមិ ឃុំ សង្កាត់ ស្រុក​ក្តុង​ខេត្ត​ជាបន្ទាន់​ក្នុងករណី​ជួបនឹង​គ្រោះទឹកជំនន់​នេះ​ដើម្បី​អាជ្ញាធរ​មានលទ្ធភាព​ចាត់វិធានការ​ដោះស្រាយ ការពារ និង​សង្គ្រោះ​ឱ្យបាន​ទាន់ពេលវេលា​៕S/​

ទីតាំងផ្សាយពាណិជ្ជកម្ម