​នារី​ម្នាក់ បើក​ម៉ូតូ​ធ្លាក់ចូល​ស្រះ​ទឹក បាត់​មួយ​យប់ ព្រឹក​ឡើង ទើប​អណ្តែត​ឡើង

222
ចែករម្លែក

ដោយៈ សុខ​សុ​ភ័​ណ្ឌ / កំពង់ស្ពឺៈ នារី​ម្នាក់ បាន​បើក​ម៉ូតូ មកពី​ធ្វើការ​វិញ ធ្លាក់ចូល​ស្រះ​ទឹក នៅតាម​ផ្លូវ បាត់​មួយ​យប់ លុះ​ព្រឹក​ឡើង ទើប​ឃើញ​អណ្តែត ក្នុង​ស្រះ​ទឹក ស្ថិតនៅ​ក្នុងភូមិ​ព្រៃ​ដងទឹក ឃុំ​ព្រះ​និព្វាន ស្រុក​គងពិសី ខេត្តកំពង់ស្ពឺ​។ ហេតុការណ៍​នេះ បង្កឱ្យមាន​ការភ្ញាក់ផ្អើល កាលពី​វេលា​ម៉ោង ១០​និង​៣០ នាទី ព្រឹក​ថ្ងៃទី​១៣ ខែតុលា ឆ្នាំ​២០២០​។​

​សមត្ថកិច្ច បាន​ឲ្យ​ដឹងថាៈ នារី​រងគ្រោះ ឈ្មោះ ចេ​ន​នី ពាលី អាយុ​២០​ឆ្នាំ មានមុខ​របរ ជា​កម្មការិនី​រោងចក្រ កាត់ដេរ​សម្លៀកបំពាក់ រស់នៅ​ភូមិ​ត្រពាំងវែង ឃុំ​វាល ស្រុក​គងពិសី ខេត្តកំពង់ស្ពឺ ។ នារី​រងគ្រោះ បាន​បើក​ម៉ូតូ ម៉ាក​ហុងដា វ៉េវ ពណ៌​ខ្មៅ ស៊េរី ២០២០ ពាក់​ស្លាក​លេខ កំពង់ស្ពឺ 1Q1377
​ជិះ​មកពី​ធ្វើការ​វិញ កាលពី​វេលា​ម៉ោង ៦ ល្ងាច​ថ្ងៃទី​១២ តុលា ដល់​ចំណុច​ខាងលើ បាន​ធ្លាក់​ផ្លូវ ចូលក្នុង​ស្រះ​ទឹក នៅក្នុង​ភូមិ​ព្រៃ​ដងទឹក ឃុំ​ព្រះ​និព្វាន ស្រុក​គងពិសី បណ្ដាលឱ្យ​លង់ទឹក រហូតដល់​ព្រឹក​ឡើង ទើប​អណ្តែត ស្លាប់​បាត់ទៅហើយ ។​

​ក្រោយពី​ពិនិត្យ និង​ធ្វើ​កោសល្យវិច័យ សព​នារី​រងគ្រោះ ដោយមាន​ការចូលរួម​ពី អាជ្ញាធរ​ភូមិ ឃុំ និង​ក្រុមគ្រួសារ​នារី​រងគ្រោះ សមត្ថកិច្ច​ជំនាញ បាន​បញ្ជាក់ថា​
​នារី​រងគ្រោះ ពិតជា​បាន​ស្លាប់ ដោយសារ​លង់ទឹក ពិតប្រាកដ​មែន មិនមែនជា​អំពើ​ឃាតកម្ម​នោះទេ​។ សព​នារី​រងគ្រោះ ត្រូវបាន​មន្ត្រី​ជំនាញ ប្រគល់​ឲ្យ​ក្រុមគ្រួសារ យកទៅ​ធ្វើបុណ្យ តាម​ប្រពៃណី​៕S/​

ទីតាំងផ្សាយពាណិជ្ជកម្ម