ស្ថានីយវារីអគ្គិសនីស្ទឹងឫស្សីជ្រុំ ផលិតថាមពលអគ្គិសនី ៣០ % នៃទិន្នផលថាមពលអគ្គិសនីសរុបក្នុងប្រទេសកម្ពុជា

331
ចែករម្លែក

ដោយៈសុផល/ភ្នំពេញ៖ ស្ថានីយវារីអគ្គិសនីស្ទឹងឫស្សីជ្រុំក្រោមក្រុមហ៊ុនឆាយណា ហ៊រទាន  ដែលស្ថិតនៅខេត្តកោះកុង បានចូលរួមចំណែកយ៉ាងសំខាន់ជួយដល់វិស័យ ថាមពលនៅកម្ពុជា។គិតមកដល់ថ្ងៃទី៣០ខែកញ្ញាឆ្នាំ២០២០ គឺជាខួបគម្រប់៧ឆ្នាំនៃការ ដាក់ឱ្យដំណើរការនូវស្ថានីយវារីអគ្គិសនីស្ទឹងឫស្សីជ្រុំក្រោម​នេះ។

ស្ថានីយវារីអគ្គិសនីស្ទឹងឫស្សីជ្រុំក្រោមមានទីតាំងស្ថិតនៅកំណាត់ខាងក្រោមនៃស្ទឹង ឫស្សីដែលបែងចែកជាពីរចំណែកគឺចំណែកខាងលើនិងចំណែកខាងក្រោមរួមទាំងអ​ស់​មានដំឡើងក្រុមម៉ាស៊ីនភ្លើងវារីអគ្គិសនីចំនួន ៤ មានអានុភាពផលិតអគ្គិសនី៣៣៨ មេ​ហ្កាវ៉ាត់ មាន​សមត្ថភាពផលិតថាមពលអគ្គិសនីប្រមាណ១១៩៨លានគីឡូវ៉ាត់​ម៉ោង​ក្នុង​មួយឆ្នាំ។ក្រុមម៉ាស៊ីនលេខ១ត្រូវបានដាក់ឱ្យដំណើរការនៅថ្ងៃទី៣០ខែកញ្ញាឆ្នាំ​២០​១​៣​វាគឺជាស្ថានីយវារីអគ្គិសនីដែលមានអានុភាព​ផលិតអគ្គិសនី​ធំបំផុត​ក្នុង​ប្រទេ​សកម្ពុជា ហើយក៏ជាស្ថានីយវារីអគ្គិសនីដែលមានអានុភាព​ផលិតអគ្គិសនីធំបំផុត​ដែលក្រុម​ហ៊ុន​ឆាយណាហ៊រទានធ្វើការវិនិ​យោគនិងអភិវឌ្ឍន៍នៅក្រៅប្រទេសផងដែរ ។

DCIM\100MEDIA\DJI_0023.JPG

ក្នុងអំឡុងពេល៧ឆ្នាំស្ថានីយវារីអគ្គិសនីស្ទឹងឫស្សីជ្រុំក្រោមបានដំណើរការដែលប្រកប​ដោយភាពអាចជឿទុកចិត្តបាននិងស្ថិរភាព នៅរដូវដែលផលិត​ថាមពល​អគ្គិសនី​បាន​ច្រើនបំផុតអាចផលិតថាមពលអគ្គិសនី៣០%នៃទិន្នផលថាមពលអគ្គិសនីសរុបក្នុងប្រទេសកម្ពុជា​។ ការដាក់ឱ្យដំណើរការនូវស្ថានីយវារីអគ្គិសនី​បានធ្វើឱ្យតម្លៃអគ្គិសនីតាម​លំនៅរបស់ប្រជាជនកម្ពុជាគិតជាមធ្យមបានធ្លាក់ចុះពី០,២៣ដុល្លារអាម៉េរិកក្នុង មួយគីឡូវ៉ាត់ម៉ោងនៅឆ្នាំ២០​១​៥ មកនៅត្រឹម ០,១៦ ដុល្លារអាម៉េរិកក្នុងមួយគីឡូវ៉ាត់​ម៉ោងនាពេលបច្ចុប្បន្ន ដែលបានបន្ធូរបន្ថយយ៉ាងខ្លាំងនូវសភាពតាន​តឹងនៃការប្រើ​ប្រាស់​អគ្គិសនីរបស់ប្រទេសកម្ពុជា។ស្ថានីយវារីអគ្គិសនីស្ទឹងឫស្សីជ្រុំក្រោម​ដែលជា​ប្រភពថាមពលអគ្គិសនីដ៏សំខាន់របស់ប្រទេសកម្ពុជាបានដើរតួនា​ទី​លំនឹងជាច្រើន​លើក ដែលបានធានាដល់ការផ្គត់ផ្គង់ថាមពលអគ្គិសនីយ៉ាងរលូនក្នុងអំឡុង​ពេល​ថ្ងៃ​បុណ្យដ៏សំខាន់ដូចជាបុណ្យចូលឆ្នាំថ្មីប្រពៃណីខ្មែរនិងបុណ្យសមុទ្ររបស់ប្រទេស កម្ពុជាជាដើម ។

ក្រៅពីបានធានាដល់ការផ្គត់ផ្គង់ថាមពលអគ្គិសនីនៅតាមតំបន់កម្ពុជា ការសាងសង់​និង​ដំណើរការនៃស្ថានីយវារីអគ្គិសនីស្ទឹងឫស្សីជ្រុំក្រោមក៏បានទាក់ទាញ​យ៉ាងទូលំ​ទូលាយនូវពលករនៅតាមតំបន់ផងដែរ ព្រមនិងជួយបណ្តុះបណ្តាល​ធនធានមនុស្ស​ជំនាញខាងវារីអគ្គិសនី ការសាងសង់ផ្លូវថ្នល់ ដំឡើងខ្សែបណ្តាញបញ្ជូនអគ្គិសនី ដែល​បានរួមចំណែកដ៏សំខាន់ក្នុងការលើកកម្ពស់សមត្ថភាពប្រកួតប្រជែងនៃផលិតផលឧស្សា​ហកម្មនៅតាមតំបន់ បង្កើនប្រាក់ចំណូលរបស់កម្មករ និងបន្ធូរបន្ថយកម្លាំង​សម្ពាធ​ខាងការមានការងារធ្វើក៏ដូចជាបានដើរតួនាទីសំខាន់ក្នុងការពង្រឹង​ចំណងមិត្តភាព​រវាង​​ប្រជាជនចិននិងកម្ពុជាធ្វើឱ្យស៊ីជម្រៅនូវកិច្ចសហប្រតិបត្តិការផ្នែក​សេដ្ឋកិច្ចនិង​បច្ចេក​ទេសរ​វាងប្រទេសទាំងពីរ និងជំរុញសេដ្ឋកិច្ចនិងសង្គមក្នុងតំបន់ឱ្យវិវឌ្ឍរីកចម្រើន​យ៉ាង​ឆាប់​រហ័សផងដែរ ។

គម្រោងមួយនេះទទួលបានរង្វាន់ជាកិត្តិយសដូចជា “រង្វាន់រួមវិភាគទានក្នុង​សង្គមដ៏​ឆ្នើម” របស់ក្រសួងរ៉ែនិងថាមពលកម្ពុជា “រង្វាន់សហគ្រាសផលិតថាមពល​អគ្គិសនី​ដែលដំណើរការយ៉ាងល្អ”របស់អគ្គិសនីកម្ពុជា“រង្វាន់ឆ្នើមផ្នែកការងារគ្រប់គ្រង​ការ​ការ​ពារបរិស្ថាន”របស់ក្រសួងបរិស្ថានកម្ពុជានិង“រង្វាន់វិស្វកម្ម(វិស្វកម្មក្រៅដែន)គុណ​ភាព​ល្អផ្នែកថាមពលអគ្គិសនីរបស់ប្រទេសចិនប្រចាំឆ្នាំ ២០១៥”របស់សមាគម​សហគ្រាស​ថាមពលអគ្គិសនីប្រទេសចិនជាដើម ។

ក្នុងអំឡុងពេលមានការរីករាលដាលនៃជំងឺឆ្លង ដើម្បីធានាស្ថានីយវារីអគ្គិសនីឱ្យដំណើ​រ​ការនិងផ្តល់ថាមពលអគ្គិសនីជាបន្តទៀត នៅកន្លែងអនុវត្តគម្រោងបានអនុវត្តការគ្រប់​គ្រងដោយបិទទ្វារយ៉ាងតឹងរ៉ឹងហាមមិនឱ្យបុគ្គលខាងក្រៅចូល រៀបតាំងប៉ុស្តិ៍​យាម​ចំនួន ៧ នៅលំនៅ រោងចក្រ និងទំនប់វារីអគ្គិសនី ដែលមានកងរាជអាវុធហត្ថចាំយាម ២៤ ម៉ោង ។ បុគ្គលិកធ្វើការនៅកន្លែងអនុវត្តគម្រោងបានអនុវត្ត​វិធានការ​បង្ការ​ជំងឺឆ្លង​យ៉ាងតឹងរ៉ឹង ចាត់​ចែងបុគ្គលិកដោយឡែកធ្វើការសម្លាប់មេរោគចំពោះរថយន្ត កន្លែង​ស្នាក់នៅនិងកន្លែងធ្វើការ បែងចែកប្រភេទបុគ្គលិកដើម្បីធ្វើការគ្រប់គ្រង​ដោយបែង​ចែកតាមប្លុកនីមួយៗ។

ក្នុងការអភិវឌ្ឍនៅក្រៅប្រទេស ក្រុមហ៊ុនឆាយណាហ៊រទានបានផ្តោតសំខាន់​លើការ​បង្កើត​​​គម្រោង“តភ្ជាប់ដួងចិត្តរវាងប្រជាជន”ក្នុងពេលទទួល​បានផល​ប្រយោជន៍រួម​បាន​សម្រេ​ចការធ្វើឱ្យប្រជាជនកាន់តែជិតស្និទ្ធនិងតភ្ជាប់ដួងចិត្តគ្នា។ឆ្លងតាមរយៈ​ការ​បំពេ​ញ​​កាតព្វ​កិច្ចសង្គមរបស់សហគ្រាសយ៉ាងសកម្មនៅប្រទេសកម្ពុជា ក្រុម​ហ៊ុនឆាយណា​ហ៊រទានបានចូលខ្លួនទៅតាមជំនឿសាសនា វប្បធម៌និងទំនៀមទម្លាប់ប្រពៃណី​ក្នុងតំបន់​ជាបន្តបន្ទាប់ ព្រមនិងបានចូលរួមកិច្ចការសប្បុរសធម៌យ៉ាងសកម្ម បានបង្កើត​រូបភាព​វិជ្ជមានដែលមានចិត្តសប្បុរសធម៌ក្នុងដួងចិត្តរបស់រាជរដ្ឋាភិបាលដៃគូ​សហប្រតិបត្តិការនិងប្រជាជននៅតាមតំបន់ប្រទេស​កម្ពុជាក៏ដូចជាបានរួមចំណែក​របស់ខ្លួនក្នុង​ការអភិ​វឌ្ឍ​​ជានិរន្តរភាពលើវិស័យបច្ចេកវិទ្យាសេដ្ឋ​កិច្ច និងបរិស្ថានក្នុងតំបន់ផងដែរ៕Ph/Ha

ទីតាំងផ្សាយពាណិជ្ជកម្ម