Home កីឡា អា​សេន វែង​ហ្...

អា​សេន វែង​ហ្គើ ថា ការ​បញ្ឈរជើង ម៉េ​ស៊ុត អូ​ហ្ស៊ី​ល ជាការ​ខាត​ពេល​

លោក អា​សេន វេ​ង​ហ្គើ (Arsene Wenger) បារម្ភ​ថា ឆ្នាំ​ដ៏​ល្អប្រសើរ​របស់​កីឡាករ ម៉េ​ស៊ុត អូ​ហ្ស៊ី (Mesut Ozuil) គឺ​កំពុងតែ​បាត់បង់​ទៅដោយ​ឥតប្រយោជន​នៅ​ក្លឹប Arsenal ហើយ​បាន​ទទូច​ឲ្យ លោក មី​គែល អា​តេត (Mikel Arteta) ដាក់​ឲ្យ​កីឡាករ​រូបនេះ​ចូល​លេង​។​
​ ​
​លោក វែង​ហ្គើ បាន​នាំយក អូ​ហ្ស៊ី​ល មកកាន់​ក្លឹប Arsenal ក្នុង​កិច្ចសន្យា​ផ្ទេរ​៤២​លាន​ផោន កាលពី​ខែសីហា​ឆ្នាំ​២០១៣ ប៉ុន្តែ​អតីត​កីឡាករ​ជម្រើសជាតិ​អាល្លឺម៉ង់​រូបនេះ​ធ្វើ​មិន​បានល្អ ចាប់តាំងពី​ចាកចេញ​ពី​ក្លឹប​ចាស់​កាលពី​ពីរ​ឆ្នាំមុន​។​
​ ​
​កីឡាករ​ម្ចាស់​មេដាយមាស World Cup ឆ្នាំ​២០១៤ រូបនេះ​មិនទាន់បាន​បង្ហាញមុខ​នៅឡើយ​ទេ នៅក្រោម​ការដឹកនាំ​រប​ស់លោក អា​តេ​តា នៅ​រដូវ​កាល​នេះ ហើយ​មិនបាន​លេង​មួយ​នាទី​សោះ មុនពេល​បិទ​ប្រទេស​ដោយសារ​វីរុស​កូ​វីដ ១៩ កាលពី​ខែមីនា​។​
​ ​
​លោក វែង​ហ្គើ បាន​និយាយថា ក្លឹប Arsenal ត្រូវតែ​ស្វែងរក​ច្រក ដើម្បី​ឲ្យ​កីឡាករ អូ​ហ្ស៊ី​ល ចូលរួម​។ លោក វែង​ហ្គើ នៅតែមាន​អារម្មណ៍​ថា កីឡាករ​វ័យ​៣៣​ឆ្នាំ​រូបនេះ​នៅមាន​លទ្ធផល​ល្អ ច្រើន​ទៀត​ដែល​ត្រូវ​ផ្តល់​ឲ្យ​ក្លឹប​នេះ ប៉ុន្តែ​សារភាពថា ការផ្លាស់ប្តូរ​នៃ​ការប្រកួត​បែប​ទំនើប​នេះ ធ្វើ​ឲ្យ អូ​ហ្ស៊ី​ល បង់​ឱកាស​។​
​ ​
​លោក វែង​ហ្គើ បាន​និយាយថា “​ខ្ញុំ​មាន​អារម្មណ៍​ថា វា​គឺជា​ការខាតបង់​ពេលវេលា​។ ដំបូង​គឺថា គាត់​ស្ថិតនៅក្នុង​ឆ្នាំ​ដែល​កីឡាករ​ដែលមាន​ទេពកោសល្យ​ដូចជា អូ​ហ្ស៊ី​លអាច​នាំមក​លទ្ធផល​ល្អ ច្រើនជាង​នេះ​”៕ ប្រែ​សម្រួល​: ពិសិដ្ឋ​

លោក អា​សេន វេ​ង​ហ្គើ (Arsene Wenger) និង​កីឡាករ ម៉េ​ស៊ុត អូ​ហ្ស៊ី (Mesut Ozuil)

ទីតាំងផ្សាយពាណិជ្ជកម្ម

- Advertisment -

Most Popular