Real Madrid នឹងដាក់​សំណើ​ដើម្បី​ផ្ទេរ អឺ​លិ​ង ហា​ឡែ​ន បើ​មិនអាច​ផ្ទេរ ឃី​លៀន អឹម​បា​ប៉េ​

180
ចែករម្លែក

តាម​ព័ត៌មាន​ថា ក្លឹប Real Madrid បាន​ងាក​ទៅរក​ខ្សែប្រយុទ្ធ អឺ​លិ​ង ហា​ឡែ​ន (Erling Haaland) របស់​ក្លឹប Dortmund ប្រសិនបើ​ពួកគេ​មិនអាច​ចុះ​កិច្ចព្រមព្រៀង​ផ្ទេរ​កីឡាករ ឃី​លៀន អឹម​បា​ប៉េ (Kylian Mbappe) ពី​ក្លឹប​យក្ស​បារាំង PSG ។
​ ​
​ក្លឹប​យក្ស​នៅ​ក្របខណ្ឌ La Liga នេះ​ចាប់អារម្មណ៍​នឹង អឹម​បា​ប៉េ យូរ​មកហើយ ប៉ុន្តែ​ដោយសារ ផលប៉ះពាល់​វីរុស​កូ​វីដ​១៩ ដូច្នេះ​ក្លឹប​នេះ​មិនអាច​ចំណាយ​ប្រាក់​នៅ​រដូវក្តៅ​នេះ​បានទេ​។​
​ ​
​ក្លឹប Real Madrid អន្ទះសា​ចង់​អូសទាញ​ខ្សែប្រយុទ្ធ​វ័យ​២១​ឆ្នាំ​រូបនេះ​ចេញពី​ពហុកីឡាដ្ឋាន Parc des Princes ប៉ុន្តែ​ក៏បាន​មើលឃើញ ហា​ឡែ​ន ដែលមាន​លក្ខខណ្ឌ​ទិញ​ផ្តាច់​៦៣​លាន​ផោន ជា​ជម្រើស​សម្រាប់​ខ្សែប្រយុទ្ធ​ផងដែរ​។​
​ ​
​មាន​សេចក្តីរាយការណ៍​នៅ​ទំព័រមុខ​របស់​កាសែត​អេ​ស្ប៉ា​ញ​កាលពី​ព្រឹក​ថ្ងៃ​អង្គា​រ៍​ដោយ​ដាក់​ចំណង​ថា “ ហា​ឡែ​ន ប្រសិនបើ អឹម​បា​ប៉េ មិន​មក​”​។​
​ ​
​អឹម​បា​ប៉េ បាន​ឈាន​ចូលដល់​រយៈពេល​ពីរ​ឆ្នាំ​ចុងក្រោយ​នៃ​កិច្ចសន្យា​របស់ខ្លួន​ជាមួយ​ក្រុម PSG ដែល​កំពុង​អន្ទះសា​ចង់​ឲ្យ​កីឡាករ​រូបនេះ​ចុះកិច្ចសន្យា​ថ្មី​។​
​ ​
​តាម​ព័ត៌មាន​ថា ហា​ឡែ​ន ខ្សែប្រយុទ្ធ​សញ្ជាតិ​ន័​រវេ​សរូប​នេះ​ត្រូវបាន​គេ​មើលឃើញថា បេក្ខភាព ដ៏​ស័ក្តិសម​សម្រាប​ជំនួស​តំណែង​ខ្សែប្រយុទ្ធ ការី​ម បេន​ហ្សេ​ម៉ា (Karim Benzema) ដែល​ក្លឹប Real Madrid ពឹងផ្អែក​ទាំងស្រុង​នោះ​៕ ប្រែ​សម្រួល​: ពិសិដ្ឋ​

ខ្សែប្រយុទ្ធ អឺ​លិ​ង ហា​ឡែ​ន (Erling Haaland)

ទីតាំងផ្សាយពាណិជ្ជកម្ម