ដោយៈសុផល/ភ្នំពេញ៖ផ្លូវចំនួន២៤៥គីឡូម៉ែត្រស្មើនឹង១៩៩កំណាត់បានទទួលរងផលប៉ះពាល់ដោយសារទឹកជំនន់នៅទូទាំងប្រទេសហើយមានខេត្តចំនួន១៣កំពុងរងផលប៉ះពាល់។
លោកទេសរដ្ឋមន្ត្រីស៊ុនចាន់ថុលរដ្ឋមន្ត្រីក្រសួងសាធារណការនិងដឹកជញ្ជូនបានឱ្យដឹងដូច្នេះក្នុងពេលដែលលោកបានដឹកនាំមន្ត្រីជំនាញចុះពិនិត្យមើលស្ថានភាពទឹកជំនន់ដែលកំពុងជន់លិចខ្លាំងនៅទំនប់៧មករា ផ្លូវជាតិលេខ៣និងផ្លូវជាតិលេខ២០ នៅសង្កាត់គងនយ ខណ្ឌដង្កោ កាលពីព្រឹកថ្ងៃទី១៤ ខែតុលា ឆ្នាំ២០២០ ។
លោកទេសរដ្ឋមន្ត្រីបានឱ្យដឹងទៀតថា៖ក្នុងចំណោមកំណត់ផ្លូវទាំង២៤៥គីឡូម៉ែត្រផ្លូវដែលប៉ះពាល់នេះមាន៥គីឡូម៉ែត្រ ប៉ះទៅលើផ្លូវកៅស៊ូ AC មាន១២០គីឡូម៉ែត្រ ប៉ះពាល់ផ្លូវកៅស៊ូស្តើង២ស្រទាប់ DBST និង១២០គីឡូម៉ែត្រទៀតប៉ះពាល់លើផ្លូវដីក្រហម។លោកទេសរដ្ឋមន្ត្រីបានបញ្ជាក់ថា៖ មកដល់ពេលនេះក្រុមការងារក្រសួងកំពុងតែបន្ត ចុះតាមដាន និងវាយតម្លៃពីស្ថានភាពផ្លូវខូចខាត ដើម្បីត្រៀមជួលជុលឡើងវិញ បន្ទាប់ពីទឹកស្រកចុះទៅវិញ៕S/
