Home ព័ត៌មានជាតិ សន្តិសុខ ​អាជ្ញាធរ​ថៃ​...

​អាជ្ញាធរ​ថៃ​បញ្ជូន​ពលរដ្ឋ​ខ្មែរ​ចំនួន​២​នាក់​ឱ្យ​ត្រឡប់មក​ស្រុកកំណើត​វិញ​

ដោយ​បាយ័ន​/​ឧ​ត្ត​រ​មានជ័យ​:​នៅវេលា​ម៉ោង​១៤​និង​២៥​នាទី​ថ្ងៃទី​១៤​តុលា​២០២០​នេះ​នៅ​ច្រក​អន្តរជាតិ​ជាំ​ស្រងាំ​ក្នុងស្រុក​អន្លង់វែង​ខេត្ត​ឧ​ត្ត​រ​មានជ័យ​មានការ​ប្រគល់​និង​ទទួល​ប្រជាពលរដ្ឋ​ខ្មែរ​ចំនួន​២​នាក់ ដែល​ត្រូវបាន​អាជ្ញាធរ​ថៃ​បញ្ជូនមក​ស្រុកកំណើត​វិញ​បន្ទាប់ពី​ដោះលែង​ពី​ពន្ធនាគារ​ពីបទ​ឆ្លងដែន​ខុសច្បាប់​ចូល​កាប់​ឈើ​គ្រញូង​ក្នុង​ទឹកដី​ថៃ​។​

​សមត្ថកិច្ច​នគរបាល​ប្រចាំ​ច្រក​អន្តរជាតិ​ជាំ​ស្រងាំ​បាន​និយាយថា​ប្រជាពលរដ្ឋ​ខ្មែរ​ដែល​ត្រូវបាន​ភាគី​ថៃ​បញ្ជូនមក​ស្រុកកំណើត​វិញ​នោះ​គឺមាន​ឈ្មោះ​នួន​សុគន្ធ​ភេទ​ប្រុស​អាយុ​៣១​ឆ្នាំ​រស់នៅ​ភូមិ​តា​ព្រៀច ឃុំ​ទី​ពូ​ស្រុក​សន្ទុក​ខេត្តកំពង់ធំ​,​និង​ម្នាក់ទៀត​ឈ្មោះ​រ៉ាត់​វណ្ណ​លី​ភេទ​ប្រុស​អាយុ​២២​ឆ្នាំ​រស់នៅ​ភូមិ​គោក​ភ្នៅ​ឃុំ​គោក​ដូង​ស្រុក​អង្គរជុំ​ខេត្តសៀមរាប​។​

​សមត្ថកិច្ច​បាន​បន្តថា អ្នក​ទាំងពីរ​ត្រូវបាន​ថៃ​ចាប់ខ្លួន​កាលពី​ថ្ងៃទី​១៩​ខែមីនា​ឆ្នាំ​២០១៨​កន្លងទៅនេះ ពីបទ​ឆ្លងដែន​ចូល​កាប់​ឈើ​គ្រញូង​ដោយ​ខុសច្បាប់​ដោយ​ចូល​តាម​ច្រក​មុំ​បី​ហើយ​ត្រូវបាន​យកទៅដាក់​ពន្ធនាគារ​នៅ​ខេត្ត​អូរ​ប៊ុន​ប្រទេស​ថៃ​រហូតដល់​ថ្ងៃទី​១៤​ខែតុលា​នេះ​ទើប​ដោះលែង​ហើយ​បញ្ជូនមក​ស្រុកកំណើត​វិញ​តែម្តង​៕S/


​រូបភាព​: អាជ្ញាធរ​ថៃ​បញ្ជូន​ប្រជាពលរដ្ឋ​ខ្មែរ​ចំនួន​២​នាក់​អោយ​ត្រលប់មក​ស្រុកកំណើត​វិញ​៕​បាយ័ន​

ទីតាំងផ្សាយពាណិជ្ជកម្ម

- Advertisment -



Most Popular