ជំនន់​ទឹកស្ទឹង​ព្រែក​ត្នោត​នៅ​ទំនប់​៧​មករា​គ្រប់គ្រង​បាន​វិញ​ហើយ​

397
ចែករម្លែក

ដោយៈ​ប​.​ខុន​/​ភ្នំពេញៈ​ស្ថានភាព​ជំនន់​ទឹកស្ទឹង​ព្រែក​ត្នោត​នៅ​ទំនប់​៧​មករា​គិត​មកដល់​ព្រលប់​ថ្ងៃទី​១៤ ខែតុលា នេះ​អាច​និយាយបានថា​ក្រសួង​ធនធានទឹក​និង​ឧតុនិយម​ធ្វើការ​គ្រប់គ្រង​ទឹកបាន​វិញ​ហើយ​។​ទោះបីជា​ទឹក​នៅ​ទំនប់​៧​មករា​មិនទាន់បាន​ស្រក​ចុះ​វិញ​យ៉ាងណាក៏ដោយ តែ​នៅ​ស្ទឺ​ង​ពាម​គ្លៃ​ភាគ​ខាងលើ​នៃ​ស្ទឹង​ព្រែក​ត្នោត​បាន​ស្រក​។ នៅ​រលាំង​ជ្រៃ​ស្រក​។ ឯ​នៅ​ក្រុង​ច្បារមន​ខេត្តកំពង់ស្ពឺ​ក៏​អត់​មានការ​ទឹក​ជន់​លិច​ដែរ​។
​ស្ថានភាព​ធាតុអាកាស​ធាតុ​ពីរ​បី​ថ្ងៃ​មកនេះ​នៅ ភាគ​ខា​លើ​នៃ​ស្ទឹង​ព្រែក​ត្នោត​មិនមាន​ភ្លៀង​ធ្លាក់​ច្រើន​បង្ក​ជា​ជំនន់​ថ្មី​ទេ​។​

ជំនន់​ទឹកស្ទឹង​ព្រែក​ត្នោត​នៅ​ទំនប់​៧​មករា​គ្រប់គ្រង​បាន​វិញ​ហើយ​


​ទោះបីជា​យ៉ាងណា​ក្រសួង​ធនធានទឹក និង ឧតុនិយម​នៅ​ថ្ងៃទី​១៤​ខែតុលា​នេះ​បាន​ងាក មក​បង្កើន​សកម្មភាព ការ ពារ​ទំនប់​សណ្តរ ស្ទឹង​នៅជាប់​ខាងជើង​ស្ទឹង​ព្រែក​ត្នោត​ស្ថិត នៅក្នុង​សង្កាត់​ប្រទះ​ឡាង​និង​សង្កាត់​សាក់ សំពៅ​ដែលជា​តំបន់​សេដ្ឋកិច្ច វិញ ។ បន្ទាប់ពី​អស់​លទ្ធភាព​ក្នុងការ​ការពារ​ទំនប់​សណ្តរ ស្ទឹង​ត្នោត​ផ្នែក​ខាងត្បូង ដោយសារ​ទឹក​ជន់​ឡើង រហូត​ហៀរហូរ​កាត់​លើ​ខ្នង​ទំនប់ ដែល បាន​ទប់​នាំ​ធ្លុះ ធ្លាយ​ធ្វើឱ្យ​លិចលង់​ដល់ ឃុំ​និង សង្កាត់​ចំនួន​១០​របស់​រាជធានី​ភ្នំពេញ និង ខេត្តកណ្តាល​កាលពី​យប់​ថ្ងៃទី ១៣​ខែ តុលា​រួចមក​។​
​លោក​លឹម​គានហោ​រដ្ឋមន្ត្រីក្រសួង​ធនធានទឹក​និង​ឧតុនិយម​នៅតែ​បន្ត​ដឹកនាំ​និង​បញ្ជា​ក្រុមការងារ​ការពារ​និង​ជួសជុល​ទំនប់​សណ្តរ​ស្ទឹង​និង​ធ្វើការ​គ្រប់គ្រង​ទឹក​ទៅ​បច្ចេកទេស​ឱ្យមាន​តុល្យភាព​រវាង​ផ្នែក​ខាងលើ​និង​ផ្នែក​ខាងក្រោម​ដើម្បី​កាត់បន្ថយ​ផលប៉ះពាល់​៕​សរន

ជំនន់​ទឹកស្ទឹង​ព្រែក​ត្នោត​នៅ​ទំនប់​៧​មករា​គ្រប់គ្រង​បាន​វិញ​ហើយ​
ជំនន់​ទឹកស្ទឹង​ព្រែក​ត្នោត​នៅ​ទំនប់​៧​មករា​គ្រប់គ្រង​បាន​វិញ​ហើយ​
ជំនន់​ទឹកស្ទឹង​ព្រែក​ត្នោត​នៅ​ទំនប់​៧​មករា​គ្រប់គ្រង​បាន​វិញ​ហើយ​
ជំនន់​ទឹកស្ទឹង​ព្រែក​ត្នោត​នៅ​ទំនប់​៧​មករា​គ្រប់គ្រង​បាន​វិញ​ហើយ​

ទីតាំងផ្សាយពាណិជ្ជកម្ម