កម្ពុជា សង្ឃឹម​កើន​មេដាយ នៅ​ស៊ី​ហ្គេម វៀតណាម​

ដោយៈ រ៉ូ​ហ្សា / ភ្នំពេញៈ កម្ពុជា បាន​ឈរ​នៅ​ចំណាត់ថ្នាក់​លេខ​៨ ក្នុង​ព្រឹត្តិការណ៍​ស៊ី​ហ្គេម (SEA GAMES) ចំនួន ៣ លើក ជាប់​គ្នា​មកហើយ គឺ​ឆ្នាំ​២០១៥ នៅ​សឹង្ហ​បូរី ២០១៧ នៅ​ម៉ាឡេស៊ី និង ២០១៩ នៅ​ហ្វីលីពីន ។ ក្នុងការ​ប្រកួត​ទាំ ៣ លើក​នោះ ប្រភេទ​កីឡា​វ៉ូ​វី​ណា​ម និង កីឡា​កាយ​វប្បកម្ម ដែល​កម្ពុជា មាន​សក្ដានុពល​ខ្លាំង​នោះ មិនមាន​វត្តមាន​ឡើយ ។​

​លោក វ៉ា​ត់ ចំរើន អគ្គលេខាធិការ នៃ​គណៈកម្មាធិការ​ជាតិ​អូឡាំពិក និង​ជា​អគ្គលេខាធិការ គណៈកម្មាធិការ​ជាតិ រៀបចំ​ស៊ី​ហ្គេម​ឆ្នាំ​ ២០២៣ (CAMSOC) បាន​មានប្រសាសន៍ថាៈ ប្រទេស​ក​កម្ពុជា មាន​គោលដៅ ចង់​ឈាន​ជើង​ចូល ចំណាត់ថ្នាក់​លេខ​៧ ក្នុងចំណោម ១១ ប្រទេស ព្រោះ​កម្ពុជា ឈរ​នៅ​ចំណាត់ថ្នាក់​លេខ​៨ ចំនួន ៣ លើក​ជាប់ៗ​គ្នា​មកហើយ ។​

​លោក​អគ្គលេខាធិការ បាន​បន្តថាៈ ប្រសិនបើ​យើង ទទួលបាន​ចំណាត់ថ្នាក់​លេខ​៧ យើង​នឹង​សម្រុក​ការប្រកួត​កីឡា SEA GAMES ២០២៣ នៅ​កម្ពុជា ឲ្យ​ឈរ ចំណាត់ ថ្នាក់​លេខ​៦ ឬ​លេខ​៥ ដែលជា​ក្ដី​ស្រមៃ កម្ពុជា ចង់បាន ។ ស៊ី​ហ្គេម​នៅ​វៀតណាម ប្រសិនបើ​កម្ពុជា លោត​មកដល់​ចំ​​ណាត់​ថ្នាក់​លេខ​៧ នោះ វា​ពិតជា​សញ្ញា ដ៏​ល្អ​បំផុត​ហើយ ។​

​អគ្គលេខាធិការ​រូបនេះ បាន​បន្ថែមទៀតថាៈ ម្ចាស់ផ្ទះ​វៀតណាម ដាក់ ៣៦ ប្រភេទ​កីឡា ក្នុងការ​ប្រកួត ។ ចំណែក​កម្ពុជា នឹង​បញ្ជូន ៣១ ប្រភេទ​កីឡា ត្រៀម​ចូលរួម​ជាមួយ ប្រភេទ​កីឡា មាន​សក្តានុពល ដណ្តើម​មេដាយ​បាន ចំនួន ១១ ប្រភេទ រួមមាន កីឡា​ប៉េតង់ តេ​ក្វាន់​ដូ WT វ៉ូ​វី​ណា​ម ចំបាប់ វាយ​កូន​បាល់ វ៉ូ​ស៊ូ ប្រដាល់សកល ប្រដាល់ Kick Boxing សីដក់ ប្រដាល់ (​គុន​ខ្មែរ​) និង​កីឡា​កាយ​វប្បកម្ម​។​

​ចំណែក​កីឡា​កាយ​វប្បកម្ម និង​វ៉ូ​វី​ណា​ម ជា​ប្រភេទ​កីឡា ដែល​អាចមាន​សមត្ថភាព ដណ្តើម​មេដាយមាស នៃ​ព្រឹត្តិការណ៍​ការប្រកួត​កីឡា SEA GAMES នៅ​ប្រទេស​វៀតណាម ព្រោះ​ទាំង ២ ប្រភេទ​កីឡា​នេះ រាល់​ការ​ចេញទៅ​ប្រកួត លើ​ឆាក​អន្តរជាតិ តែង​តែង​ឈ្នះ​មេដាយមាស រហូត​៕/V

ប្រភេទ​កីឡា​កាយ​វប្បកម្ម​
ប្រភេទ​កីឡា​វ៉ូ​វី​ណា​ម
ប្រភេទ​កីឡា​វ៉ូ​វី​ណា​ម

ទីតាំងផ្សាយពាណិជ្ជកម្ម

- Advertisment -

Most Popular