Home ព័ត៌មានជាតិ សន្តិសុខ ជិះ​កង់​បី​ឥ​...

ជិះ​កង់​បី​ឥ​ណ្ឌាមិន​ឲ្យ​លុយហើយ​ឆក់​ទូរស័ព្ទ​ទៀត ត្រូវ​ម្ចាស់​កង់​បី​ចាប់​ប្រគល់​ឲ្យ​សមត្ថកិច្ច​៣​នាក់​

ដោយ​: សាវ​រក្ស / ភ្នំពេញ​: ជនសង្ស័យ​១​ក្រុម​មាន​គ្នា​៣​នាក់ បានធ្វើ​សកម្មភាព​ឆក់​ទូរស័ព្ទ​អ្នករត់​កង់​បី​ឥ​ណ្ឌា​មិនបាន​សម្រេច ត្រូវ​ម្ចាស់​កង់​បី​ព័ទ្ធចាប់​បានប្រគល់​ឲ្យ​សមត្ថកិច្ច កាល​វេលា ម៉ោង​១២​និង​១០​នាទី​យប់​រំលងអធ្រាត្រ​ឈានចូល​ថ្ងៃ​ព្រហស្បតិ៍ ទី​១៥ ខែតុលា ឆ្នាំ​២០២០ ស្ថិត​តាម​បណ្ដោយ​ផ្លូវ​៣០​ម៉ែត្រ ចំណុច​ផ្ទះជួល​៦​ជាន់ ក្នុង​សង្កាត់​ស្ទឹងមានជ័យ​ទី​៣ ខណ្ឌមានជ័យ ។​

​ជនសង្ស័យ​ទី​១.​មានឈ្មោះ វ៉ាន់ ថា ភេទ​ប្រុស អាយុ​២០​ឆ្នាំ មុខរបរ កម្មករសំណង់ ស្នាក់នៅ​លូ​ប្រាំ សង្កាត់ស្ទឹងមានជ័យ​ទី​៣ ខណ្ឌមានជ័យ ទី​២.​មានឈ្មោះ ផល វាសនា ភេទ​ប្រុស​អាយុ​២១​ឆ្នាំ មុខរបរ​និង​ស្នាក់នៅ​មិន​ពិតប្រាកដ ទី​៣.​មានឈ្មោះ ណា វី ភេទ​ប្រុស អាយុ​៣៦​ឆ្នាំ មុខរបរ កម្មករសំណង់ ស្នាក់នៅ​ចំការ​ដូង ខណ្ឌដង្កោ ។​

​ចំណែក​ជនរងគ្រោះ​មានឈ្មោះ ផល ភេទ​ប្រុស អាយុ​៣២​ឆ្នាំ មុខរបរ រត់​កង់​បី​ឥ​ណ្ឌា ស្នាក់​ភូមិ​គោក​បញ្ជាន់ ខណ្ឌ​ពោធិ៍​សែន​ជ័យ​។​

​តាម​សម្តី​ជនរងគ្រោះ​បាន​ឲ្យ​ដឹងថា មុនពេល​កើតហេតុ​រូបគាត់​បាន​បើក​កង់​បី​ឥណ្ឌា ពណ៌​ស ពាក់​ផ្លាកលេខ ព្រៃវែង​1O.5037​ដឹក​ជនសង្ស័យ​ចំនួន​៣​នាក់​ចេញពី​ម្ដុំ​ផ្សារ​សឡា​គោលបំណង​មក​ចំណុច​ផ្ទះល្វែង​ប្រាំមួយ​ជាន់ ខណៈ​មកដល់​កន្លែងកើតហេតុ​ខាងលើ​ជា​កន្លែង​ស្ងាត់​និង​ងងឹត​ផង ក៏​ឲ្យ​ឈប់​កង់​បី​ មិនទាន់​ឲ្យ​លុយ​ផង ក៏​ធ្វើជា​ខ្ចី​ទូរស័ព្ទនិយាយ បាន​ចុះ​បម្រុង​រត់ តែ​ត្រូវ​ម្ចាស់​កង់​បី​ទាញ​ទូរស័ព្ទ​មកវិញ ហើយ​គាត់​ស្រែក​ចោរៗ ជនសង្ស័យ​បាន​រត់​ចូលក្នុង​ដី​ឡូ​ត៍នៅ​ខាងក្រោយ​។

ប្រភព​ដដែល​បាន​បន្តទៀតថា រូបគាត់​បាន​ទាក់ទង​ទៅ​មិត្ត​ភ័ក្តិ​រត់​កង់​បី​ឥ​ណ្ឌា​ដូចគ្នា មក​ព័ទ្ធចាប់​ជនសង្ស័យ​បាន​ទាំងបី​នាក់ រួច​ស្វាគមន៍​មួយ​ដៃ​មួយ​ជើង​ឡើង​ទ្ម​ខ្លួន ទើប​ប្រគល់​ឲ្យ​សមត្ថកិច្ច​តែម្ដង​។​

​បច្ចុប្បន្ន ជនសង្ស័យ​ទាំង​៣​នាក់ ត្រូវ​សមត្ថកិច្ច​នាំខ្លួន​ទៅ​ប៉ុស្តិ៍នគរបាល​រដ្ឋបាល​ស្ទឹងមានជ័យ​ទី​៣ សួរនាំ​និង​ធ្វើ​កំណត់ហេតុ កសាង​សំណុំរឿង​បញ្ជូនបន្ត​តាម​នីតិវិធី​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular