ស្ថានភាព​ទឹកជំនន់ ស្ទឹង​ពោធិ៍សាត់ ស្ទឹង​ក្រវាញ និង​ស្ទឹង​វាលវែង បាន​ស្រក​ចុះ​ហើយ

ដោយៈ រិ​ទ្ធិ​សែន / ពោធិ៍សាត់ៈ ប្រធាន​មន្ទីរ​ធនធានទឹក និង​ឧតុនិយម ខេត្តពោធិ៍សាត់ លោក កែវ វៃ បានឲ្យដឹង នៅត្រឹម​រសៀល ថ្ងៃទី​១៤ ខែតុលា ឆ្នាំ​២០២០ នេះ​ថាៈ ស្ថានភាព​កម្ពស់​ទឹកជំនន់ នៅ​ស្ទឹង​ពោធិ៍សាត់ បានចាប់ផ្ដើម​ស្រក​ចុះ​វិញបណ្ដើរៗ​ហើយ នៅពេល​កម្ពស់​ទឹកជំនន់ នៅ​ស្ទឹង​ក្រវាញ និង​ស្ទឹង​វាល​វែ​ល ក៏បាន​ស្រក​ចុះ​ច្រើន​ហើយ​ដែរ ។​

​ប្រធាន​មន្ទីរ​ធនធានទឹក និង​ឧតុនិយម ខេត្តពោធិ៍សាត់ បានបញ្ជាក់​ថាៈ ដោយ​គិត​ត្រឹម​វេលា​ម៉ោង ៥ ល្ងាច ថ្ងៃទី​១៤ តុលា ស្ថានភាព កម្ពស់​ទឹក​សឹ្ទ​ង​ពោធិ៍សាត់ បាន​ស្រក​ចុះ មក​នៅត្រឹម ៥,០៨ ម៉ែត្រ សឹ្ទ​ង​ក្រវាញ នៅត្រឹម ៣,៤៩ ម៉ែត្រ និង​នៅ​ស្ទឹង​វាលវែង វិញ នៅត្រឹមតែ ១,២៦ ម៉ែត្រ​ហើយ​។​

​លោក កែវ វៃ បាន​ឲ្យដឹងទៀតថាៈ នៅវេលា​យប់ ឬ​នៅ​ថ្ងៃស្អែក​នេះ កម្រិត​ទឹកស្ទឹង ទាំងបី​ខាងលើ នឹង​បន្ត​ស្រក​ចុះ​បន្ថែមទៀត​។​

​តែបើ​ទោះជា​យ៉ាងនេះ​ក្តី អាជ្ញាធរខេត្ត​ពោធិ៍សាត់ ក៏បាន​អំពាវនាវ​ហើយអំពាវនាវ​ទៀត ទៅដល់​បងប្អូន​ប្រជាពលរដ្ឋ ត្រូវតែមាន​ការប្រុងប្រយ័ត្ន នៅ​គ្រប់ពេលវេលា ចំពោះ​បញ្ហា​ទឹកភ្លៀង​ធ្លាក់ បញ្ហា​ទឹកជំនន់ និង​ទ្រព្យសម្បត្តិ សត្វ​ចិញ្ចឹម​របស់ខ្លួន និង​កុមា​តូចៗ មាតាបិតា អាណាព្យាបាល សូម​មានការ​ប្រុងប្រយ័ត្ន កំុទុក​កូនឲ្យនៅ​តែឯង ពិសេស​សូម​ប្រុងប្រយ័ត្ន នៅពេល​សត្វ​អាសិរពិស (​ពស់ ក្អែប ខ្ទួយ​) ទិច​ខាំ សូម​ប្រញាប់​បញ្ជូនទៅ​មន្ទី​ពេទ្យ​បន្ទាន់ នៅពេល​ទឹក​ស្រក​ចុះ ទៅវិញ ៕​/V/Ha

រដ្ឋបាលខេត្តពោធិសាត់ ចុះពិនិត្យមើលស្ថានភាពទឹកជំនន់
រដ្ឋបាលខេត្តពោធិសាត់ ចុះពិនិត្យមើលស្ថានភាពទឹកជំនន់
ស្ថានភាព​ទឹកជំនន់ ស្ទឹង​ពោធិ៍សាត់ ស្ទឹង​ក្រវាញ និង​ស្ទឹង​វាលវែង បាន​ស្រក​ចុះ​ហើយ
ស្ថានភាព​ទឹកជំនន់ ស្ទឹង​ពោធិ៍សាត់ ស្ទឹង​ក្រវាញ និង​ស្ទឹង​វាលវែង បាន​ស្រក​ចុះ​ហើយ

ទីតាំងផ្សាយពាណិជ្ជកម្ម

- Advertisment -

Most Popular