អភិបាល​រាជធានី​ភ្នំពេញ បញ្ជា​កម្លាំង​ដឹកជញ្ជូន​ប្រជាពលរដ្ឋ​ដែល​ទទួលរង​គ្រោះ​ដោយទឹកជំនន់ ទៅកាន់​ទីទួល​សុវត្ថិភាព

117
ចែករម្លែក

ដោយ​: រ៉ា​ម៉ន / ភ្នំពេញ​: នៅក្នុង​ខណៈ​ម៉ោង​៩​ព្រឹក​ថ្ងៃ​១៥​តុលា​នេះ កំណាត់​ផ្លូវ​ចំការ​ដូង​២១៧ ក្នុងភូមិ​ព្រែក​ជ្រៃ សង្កាត់​ស្ពានថ្ម ខណ្ឌដង្កោ កំពុង​គំរាមកំហែង​ដោយ​ជំនន់​ទឹកស្ទឹង​ព្រែក​ត្នោត​នៅឡើយ​ទេ ហើយ​ក្នុងខណៈ​នេះដែរ លោក ឃួ​ង ស្រេង អភិបាល​រាជធានី​ភ្នំពេញ បាននិងកំពុង​បញ្ជា​ប្រដាប់អាវុធ ដឹកជញ្ជូន​បងប្អូន​ប្រជាពលរដ្ឋ ដែល​ទទួលរង​គ្រោះ និង​ងាយ​រងគ្រោះ​មកកាន់​ទីទួល​សុវត្ថិភាព ខណៈ​ដែរ​លំនៅដ្ឋាន​របស់គាត់​ត្រូវបាន​លិចលង់ ទទួលរង​នូវ​ហានិភ័យ​ខ្ពស់​។​

​ក្នុងនោះដែរ គេ​ឃើញ​កង​រាជធានី​ភ្នំពេញ បាន​ប្រើ​គ្រឿងចក្រ​និង​អូប័រ ដើម្បី​ដឹក​ប្រជាពលរដ្ឋ​ចេញពី​តំបន់​ដែល​ងាយ​រងគ្រោះ​នៅលើ​កំណាត់​ផ្លូវ​នេះ​។​

​លោក ឃួ​ង ស្រេង បញ្ជា​ថា​៖ ប្រជាពលរដ្ឋ​ទាំងអស់​ត្រូវ​ជម្លៀស​ពួកគាត់​មកកាន់​ទីទួល​សុវត្ថិភាព រដ្ឋបាល​រាជធានី​រៀបចំ​រោងតង់ សុំ​ផ្ទះល្វែង​គេ​២​ល្វែង ជូន ជា​មូ​យ​និង​ការឧបត្ថម្ភ​គ្រឿង ហូបចុក​ដូចជា ទឹក មី​ជាដើម​។ លោក​បាន​អំពាវនាវ​អោយ​ប្រជាពលរដ្ឋ​ទាំងអស់ ចេញពី​លំនៅដ្ឋាន​មកកាន់​ទីទួល​សុវត្ថិភាព ដោយ​កម្លាំង​យើង​ជា​អ្នក​ជួយ​ដឹកជញ្ជូន ប្រកបដោយ​សុវត្ថិភាព បើ​ប្អូន​កុំ​ស្តាយទ្រព្យ​សម្បត្តិ គិតពី​អាយុជីវិត​ជាធំ​។​

​អាជ្ញាធរ​បញ្ជាក់ថា​៖ ប្រជាពលរដ្ឋ​រងគ្រោះ​នៅក្នុង​តំបន់​ខាងលើ​មាន​ចំនួន​២៨០០​នាក់ ហើយ​១​យប់​ពេញ យប់​ម៉ិ​ញ​នេះ កម្លាំង​ជម្លៀស​ប្រជាពលរដ្ឋ​បាន​ជាង​៥០០​នាក់ ហើយ​ព្រឹក​នេះ បាន​បន្តសកម្មភាព​ជួយសង្គ្រោះ​យ៉ាង​ជាប់ដៃ​បន្តទៀត​៕ ល​

ទីតាំងផ្សាយពាណិជ្ជកម្ម