​គិត​ត្រឹម​ម៉ោង​៩៖៥០​នាទី​ព្រឹក​ថ្ងៃ​១៥​តុលា​នេះ​មាន​សប្បុរសជន​ចូលរួម​ជា​ថវិកា​ចំនួន​ជិត​៦​លាន​ដុល្លារ​

270
ចែករម្លែក

ដោយ៖តារារិទ្ធ​/ភ្នំពេញ​៖​ផេ​ក​ហ្វេ​ស​បុក​ផ្លូវការ​របស់​សម្តេច​អគ្គមហាសេនាបតី​តេ​ជោ​ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បានបញ្ជាក់​ឲ្យ​ដឹងថា​គិត​ត្រឹម​ម៉ោង​៩៖៥០​នាទីព្រឹក​ថ្ងៃទី​១៥​តុលា​២០២០​នេះ​មាន​សប្បុរសជន​ចូលរួម​ថវិកា​ប្រមាណ​ចំនួន ៥,៧៩៥ ,០០០​ដុល្លារ​និង​២០៤​លាន​រៀល​ជួយ​ដល់​រាជរដ្ឋាភិបាល​ក្នុងការ​ចូលរួម​ជួយ​ដល់ជនរងគ្រោះ​ដោយ​ជំនន់​ទឹកភ្លៀង​ដែល​កំពុង​កើតមាន​នៅក្នុង​ប្រទេស​ក​ម្ពុ​ជា ។​

​របាយការណ៍​បឋមរ​បស់​គណៈកម្មាធិការ​ជាតិ​គ្រប់គ្រង​គ្រោះមហន្ដរាយ​បាន​ឲ្យ​ដឹងថា​ពីថ្ងៃ​ទី​១ខែកញ្ញា​ដល់​ថ្ងៃទី​១៥ ខែតុលា​ឆ្នាំ​២០២០​មាន​រាជធានី​-​ខេត្ត​ចំនួន​១៩​បានរង​ប៉ះពាល់​ដោយ​ជំនន់​ទឹកភ្លៀង​និង​ធ្វើ​ឲ្យ​ប៉ះពាល់​ដល់​ប្រជាជន​សរុប​ជិត២០ ម៉ឺន​នាក់​ក្នុងនោះ​ស្លាប់​ចំនួន ១៣ នាក់ (​ក្មេង​៥​នាក់​)​។

​ក្នុង​របាយការណ៍​បាន​បញ្ជាក់ថា​ជំនន់​ទឹកភ្លៀង​បាន​បង្ក​ផលប៉ះពាល់​ដល់ ១៩ រាជធានី​-​ខេត្តស្មើ ៦៩ ក្រុង​/​ស្រុក​/​ខណ្ឌ ២៥៨​ឃុំ​/​សង្កាត់រួមមាន​៖​ពោធិ៍សាត់​,​ប៉ៃលិន បន្ទាយមាន ជ័យ ភ្នំពេញ បាត់ដំបង ស្វាយរៀង ឧ​ត្ត​រ​មានជ័យ សៀមរាប តាកែវ កំពង់ស្ពឺ មណ្ឌលគិរី ព្រះសីហនុ កោះកុង ព្រះវិហារ ស្ទឹងត្រែង កំពង់ចាម កណ្តាល កំពង់ឆ្នាំង និង កំពង់ធំ ។ បានធ្វើ​ឲ្យ​ប៉ះពាល់​ប្រជាជន​ប្រមាណ៤៨,៣១៧គ្រួសារស្មើ​ប្រមាណ១៩៣,២៦៨នាក់។ ប្រជា ជន​ជម្លៀស​ប្រមាណ៣,០៩៤គ្រួសារស្មើ​ប្រមាណ​១២,៣៧៦​នាក់ ។ ប្រជាជន​ស្លាប់១៣​នាក់ (​ក្មេង ៥​នាក់​) ។ ផ្ទះ​ប៉ះពាល់​ប្រមាណ ៤៧,៩២៣​ខ្នង​, ផ្ទះ​ខូចខាត ៥០​ខ្នង ។ សាលារៀន​លិច​ទឹក៤២៥កន្លែង ។ស្រូវ​លិច​ទឹក​ប្រមាណ ១៣១,៣២៩​ហិកតា​ក្នុងនេះ​ខូចខាត​ប្រមាណ ៦,៦៥៧ហិកតា។ដំណាំ​រួមផ្សំ​លិច​ទឹក ៥៥,៣៦០ ហិកតា​ក្នុងនេះ​ខូចខាត​ប្រមាណ ៦,៣០១​ហិកតា​។​ផ្លូវជាតិផ្លូវ​ខេត្ត ផ្លូវ​គ្រួស​ក្រហម​ប៉ះពាល់​ប្រមាណ ២០២ គីឡូម៉ែត្រ ។ ផ្លូវលំ​ជន បទ​លិច​ទឹក​ប្រមាណ ១,៤៥៩ គីឡូម៉ែត្រ​និង​៣១​ខ្សែ ។​ ស្ពាន​លិច​ទឹក ២៤​កន្លែង ។​ទំនប់​ប៉ះពាល់​ប្រមាណ ២១.៦​គីឡូម៉ែត្រ ។ ប្រឡាយ​មេ ប្រឡាយ​រង ប្រឡាយ​ស្រោចស្រព ប៉ះពាល់​ប្រមាណ ៣៥២.៤ គីឡូម៉ែត្រ​៕BR

ទីតាំងផ្សាយពាណិជ្ជកម្ម