បទសម្ភាសន៍របស់ឯកអគ្គរដ្ឋទូតអាម៉េរិកជាមួយអ្នកសារព័ត៌មានកម្ពុជា

231
ចែករម្លែក

ដោយៈសុផល/ភ្នំពេញ ៖ ខែតុលា ឆ្នាំ២០២០នេះ ជាខួប៧០ឆ្នាំនៃទំនាក់ទំនង​ការទូតរវាងសហរដ្ឋអាម៉េរិក និងព្រះរាជាណាចក្រកម្ពុជា។ប្រទេសទាំងពីរ​បានបង្កើត​ទំនាក់ទំនងការទូតលើកដំបូងនៅឆ្នាំ១៩៥០៣ឆ្នាំមុនពេលកម្ពុជាទទួលបានឯករាជ្យ។
ក្នុងឱកាសគម្រប់ខួប៧០ឆ្នាំនៃទំនាក់ទំនងប្រទេសទាំងពីរឯកអគ្គរដ្ឋទូតអាម៉េរិកលោក W .Patrick Murphy កាលពីព្រឹកថ្ងៃទី១៥ ខែតុលាឆ្នាំ២០២០ បានផ្តល់សម្ភាស​ដល់​អ្នក​សារព័ត៌មានស្តីពី “កិច្ចសហប្រតិបត្តិការលើការអនុវត្តច្បាប់” ជាមួយកម្ពុជានៅ​ស្ថានទូតរបស់ខ្លួន ក្នុងរាជធានីភ្នំពេញ។

លោកឯកអគ្គរដ្ឋទូតអាម៉េរិក បានថ្លែងប្រាប់អ្នកសារព័ត៌មាន ថា «យើងសូមសម្តែង​នូវមរណទុក្ខចំពោះប្រជាពលរដ្ឋកម្ពុជាដែលបាត់បង់ជីវិតក្នុងគ្រោះដោយសារទឹកជំនន់។ យើង មានការអាណិតអាសូរយ៉ាងខ្លាំងចំពោះអ្នកបាត់បង់ផ្ទះនិងបាត់បង់ជីវិត ក្នុងគ្រោះមហន្តរាយមួយនេះ»។លោកបានបន្តថា ឆ្នាំនេះលោកបាន​ធ្វើការជាទូត​អាម៉េរិកអស់រយៈពេលមួយឆ្នាំមក ហើយ ។លោកសង្កេតឃើញថាជា​ឆ្នាំដ៏អស្ចារ្យ​ដែលស្ថានទូតអាម៉េរិកនៅកម្ពុជាបានធ្វើការ យ៉ាងខ្លាំងលើចំណងមិត្តភាពកិច្ច​សហប្រតិបត្តិការរវាងប្រទេសយើងទាំងពីរ។យើងជួយកម្ពុជា ក្នុងការឆ្លើយតបជា​បន្ទាន់​លើជំងឺកូវីដ១៩។លោកគិតថាយើងមានភាពជោគជ័យក្នុងការបង្ហាញនូវការងារ​របស់យើងលើការឆ្លើយតបនូវបញ្ហាសុខភាពនេះ។

លោកទូតបានបន្តថា ពិតហើយឆ្នាំនេះ ជាលើកទី ៧០យើងកំពុងប្រារព្ធខួបពេញ មួយឆ្នាំនៃទំនាក់ទំនងការទូតរបស់យើងជាមួយកម្ពុជា។ នេះជាអ្វីដែលយើងចង់​បង្ហាញយ៉ាង រឹងមាំលើកិច្ចសហប្រតិបត្តិការនិងភាពជាដៃគូ។យើងមានសេចក្តី​នរីករាយក្នុងការធ្វើការងាជាមួយដៃគូនានានៅក្នុងប្រទេសនេះ។យើងមានដៃគូ​ជាច្រើននៅក្នុងប្រទេស កម្ពុជាមានដូចជារដ្ឋាភិបាលសង្គមស៊ីវិល យុវជន និងស្ថាប័នជាច្រើន ដូចជា អ្នកស្រាវជ្រាវជាដើម។

លោកទូតបានគូសបញ្ជាក់ថា «នៅខែនេះយើងផ្តោតលើកិច្ចសហការក្នុងការ អនុវត្​តច្បាប់។យើងមានភាពជោគជ័យជាច្រើនដើម្បីបង្ហាញ។យើងមានទីភ្នាក់ងារក្នុង​ការអនុវត្តច្បាប់ដែលមកពីសហរដ្ឋអាមេរិកហើយធ្វើការនៅទីនេះរាល់ថ្ងៃនៅប្រទេស កម្ពុជាជាមួយ ដៃគូរបស់គេដើម្បីជួយកម្ពុជាឲ្យមានសុវត្ថិភាពមានសុខភាពល្អ​និង​មានភាពរុងរឿងឲ្យប្រទេស មានការអភិវឌ្ឍ។ពិតហើយសហរដ្ឋរដ្ឋអាម៉េរិកក៏បាន​ផលប្រយោជន៍ច្រើនពីកិច្ចសហប្រតិបត្តិការបែបនេះផងដែរ។យើងចង់ប្រឆាំងនិងលុបបំបាត់ឧក្រិដ្ឋជនឆ្លងដែនដែលនៅប្រទេសលើពិភពលោកណាក៏មានដែរ រាប់ទាំងកម្ពុជាផងដែរ។យើងចង់ប្រឆាំងនឹងការជួញដូររាប់ទាំង ការជួញដូរ​មនុស្សការជួញដូរសត្វព្រៃ។យើងចង់ឲ្យការពារកុមារ។ ទាំងនេះជាផ្នែកមួយនៃ​ការ​សហការរបស់យើងលើការអនុវត្តច្បាប់»។

លោកបានបន្តថា «យើងធ្វើការសហការលើការអភិរក្សវប្បធម៌កម្ពុជា។នៅអតីតកាល សម្បត្តិវប្បធម៌ទាំងនេះមានការលួចនិងខូចខាត។ មានបេតិកភណ្ឌជាច្រើននៅ​កម្ពុជា​យើង បាននាំយកមកវិញ។ នេះជាអ្វីដែលយើងធ្វើការជាមួយកម្ពុជា។យើងក៏​បានធ្វើការ​លើការជួយសង្គ្រោះសត្វព្រៃដែលងាយរងគ្រោះ»។

លោកបានឱ្យដឹងទៀតថា យើងបានរកឃើញថាមានជនបំពានលើរាងកាយកុមារមួយ​ចំនួន ដែលបានចូលមកកម្ពុជាហើយយើងរកឃើញហើយបញ្ជូនទៅកាន់ប្រទេស​អាម៉េរិកវិញ ដើម្បីឲ្យធ្វើការកាត់ទោស។ក្នុងឆ្នាំកន្លងមកយោងតាមការស៊ើបអង្កេត​ពីសហរដ្ឋអាមេរិកទីភ្នាក់ងារអនុវត្តច្បាប់ របស់យើងនៅសហរដ្ឋអាមេរិកបានរឹបអូស​បានរូបព្រះបដិមា២អង្គជាបេតិកភណ្ឌកម្ពុជាហើយពេលនេះ យើងបានប្រគល់ជូន​សារមន្ទីរជាតិដែលលោកក៏បានចូលរួមក្នុងពិធីប្រគល់នោះដែរ។យើងមានមោទន​ភាពចំពោះភាពជោគជ័យមួយនេះ។

ចំពោះក្រុមបណ្តាញជនឧក្រិដ្ឋ ចំណុចដែលលោកចង់បញ្ជាក់គឺអ្វីដែលគេ​ធ្វើគឺ​បណ្តាញគ្រឿងញៀនខុសច្បាប់ នេះជាអ្វីដែលយើង ចង់ឲ្យបញ្ឈប់ការជួញដូរគ្រឿង​ញៀនខុសច្បាប់។ យោងតាមព័ត៌មានដែលយើងមាន អាជ្ញាធរកម្ពុជាថ្មីៗនេះ បានចាប់​បាន​គ្រឿងញៀនជាច្រើន ដែលបានបញ្ជូនមកពីសហរដ្ឋអាម៉េរិកនិងរកឃើញកន្លែង​ផលិតគ្រឿងញៀនខុសច្បាប់ផងដែរ នៅកម្ពុជា។កិច្ចសហប្រតិបត្តិការទាំងនេះពេលខ្លះ​លោកនិយាយថាវាស្ងាត់មិនសូវគេនិយាយជាសាធារណៈ តែ ជារឿងសុវត្ថិភាព​សម្រាប់ប្រជាពលរដ្ឋកម្ពុជា ។

សហរដ្ឋអាម៉េរិក មានទីភា្នក់ងារជំនួយអាមេរិកនៅទីនេះ គឺ យូសេដ(USAID) ដើម្បីជួយបណ្តុះ បណ្តាល ដល់អនុរក្សព្រៃឈើនៅប្រទេសកម្ពុជា។ អនុរក្​សព្រៃឈើរាប់រយនាក់ បានចាប់បាន នូវបទល្មើសព្រៃឈើនិងសម្ភារកាប់ព្រៃខុស​ច្បាប់ជាច្រើនដូចជាអន្ទាក់និងរណារយន្តជាដើម។ មានជាង ៦០ករណីនៃការចាប់ខ្លួន​លើបទល្មើសនេះនិងមានការដោះលែងនូវសត្វព្រៃដែលគេចាប់ខុសច្បាប់វិញផងដែរ។យើងមានមោទនភាពហើយកម្ពុជាក៏គួរតែមានមោទនភាពចំពោះភាពជោគជ័យមួយនេះ៕/b/រសន

ទីតាំងផ្សាយពាណិជ្ជកម្ម