Home ព័ត៌មានជាតិ សេដ្ឋកិច្ច ក្រុមហ៊ុន​បច្...

ក្រុមហ៊ុន​បច្ចេកវិទ្យា​ហិរញ្ញវត្ថុ​មួយ​Fincy​បង្ហាញ​ពី​ការប្តេជ្ញា​យ៉ាង​មុតមាំ​ជួយ​ដល់​ដៃគូ​ទូទាត់​ជោគជ័យ​ក្នុង​អាជីវកម្ម​

ដោយៈ​សុផល​/​ភ្នំពេញ​៖​ក្រុមហ៊ុន​បច្ចេកវិទ្យា​ហិរញ្ញវត្ថុ​មួយ​ឈ្មោះ​ហ្វី​ន​ស៊ី​(Fincy)​បានប្រកាស​នៅ​ថ្ងៃ​១៥​តុលា​ឆ្នាំ​២០២០​ថា ខ្លួន​បាន​ពង្រឹង​ចំណង​ទំនាក់ទំនង​យ៉ាង​ឆាប់រហ័ស​ជាមួយនឹង​ដៃគូ​ទូទាត់​ជាង ៦០០ នៅ​ប្រទេស​កម្ពុជា​។​ការកើនឡើង​ចំនួន​ដៃគូ​យ៉ាង​ឆាប់រហ័ស​ដូច្នេះ​ដោយសារ​រាល់​អាជីវកម្ម​តូច​និង​មធ្យម​ដែល​ចាប់​ដៃគូ​ជាមួយ​Fincy​បាន​ជួយ​ដល់​ពួកគេ​ក្នុងការ​ពង្រឹង​នូវ​ម៉ាក​យីហោ​របស់ខ្លួន​ទាក់ទាញ​ចំណាប់អារម្មណ៍​បន្ថែម​ពី​អតិថិជន និង ធ្វើឱ្យ​ប្រាក់ចំណូល​របស់​ពួកគេ​មានការ​កើនឡើង​។


​ក្រុមហ៊ុន​ក៏មាន​គម្រោង​ពង្រីក​បន្ថែម​ជាច្រើន​និង​ផ្តល់ប្រាក់​លើកទឹកចិត្ត​ឱ្យបាន​ប្រសើរ​ជាង​មុន​ទៅដល់​ដៃគូ​ទូទាត់​និង ភ្នាក់ងារ​របស់ខ្លួន​។​ដៃគូ​ទូទាត់​អាច​ទាញ​បាន​នូវ​ផលប្រយោជន៍​រហូតដល់ ៦០ ភាគរយ​ពី​ប្រតិបត្តិការ​ទាំង​អស់នៃ​អ្នក​ដែល​បាន​ចុះឈ្មោះ​គណនី​ដៃគូ​អាជីវករ​តែមួយគត់​របស់ខ្លួន និង ៦០ ភាគរយ​ពី​គ្រប់​ប្រតិបត្តិការ​ដែលមាន​នៅតាម​ហាង​របស់ខ្លួន សម្រាប់​អ្នកធ្វើ​ការទូទាត់​ប្រាក់ ផ្ទេរប្រាក់ ឬ​ប្តូរប្រាក់​។​

ការទាញយក​នូវ​កម្ម​វិធី​ថ្មីៗ​នូវ​តាមរយៈ​QR​កួដ​របស់​ដៃគូ​ទូទាត់​នឹងត្រូវ​បាន​លោត​បង្ហាញ​នៅក្នុង​គណនី​ដៃគូ​ទូទាត់​ហើយ​ដៃគូ​ទូទាត់​នឹង​ទទួលបាន​ផលប្រយោជន៍​កើនឡើង​ពី​ប្រតិបត្តិ​ការដែល​បានធ្វើ​ដោយ​អ្នកប្រើប្រាស់​ថ្មី​នៅលើ​កម្មវិធី App និង ប្រតិបត្តិការ​នានា​ផ្សេងទៀត​។​សម្រាប់​អត្ថប្រយោជន៍​បន្ថែម ដៃគូ​ទូទាត់ នឹង​ទទួលបាន​នូវ​ការចាប់អារម្មណ៍ តាមរយៈ​កម្មវិធី “Merchants Nearby” ដែល​ផ្តល់នូវ​ភាពងាយស្រួល​ក្នុងការ​កំណត់​ទីតាំង​ដៃគូ​ទូទាត់រ​របស់ Fincy ដែល​នៅ​ជិត​ពួកគេ​បំផុត​។​

​តាមរយៈ​ផលិតផល​និង​សេវាកម្ម​ហិរញ្ញវត្ថុ​ជាច្រើន​ដែល​ផ្តល់​តាមរយៈ​កាបូប​ចល័ត​របស់​Fincy​បានផ្តល់​ដល់​អ្នកប្រើប្រាស់​នូវ​ភាពបត់បែន​ច្រើនជាង​មុន​ជាមួយនឹង​សេចក្តីសម្រេច​លើ​ការគ្រប់គ្រង​ប្រាក់​និង​ហិរញ្ញវត្ថុ​សម្រាប់​រយៈពេល​វែង​។​វា​គឺជា​ឧបករណ៍​ដើម្បី​ទទួលបាន​ហិរញ្ញវត្ថុ​ដ៏​មាន​សក្តានុពល​អនុញ្ញាត​ឱ្យ​អ្នកប្រើប្រាស់​កំណត់​ពី​របៀប​ដែល​ពួកគេ​គ្រប់គ្រង​ធនធាន​ហិរញ្ញវត្ថុ​របស់​ពួកគេ​។​

​លោក​ZwanRossLee​អគ្គនាយក​នៃ​Fincy​ប្រចាំ​នៅ​ប្រទេស​កម្ពុជា​បាន​មានប្រសាសន៍ថា​«​គោលដៅ​របស់​Fincy​គឺ​ផ្តល់នូវ​ភាពងាយស្រួល​ក្នុងការ​ធ្វើការ​ជាមួយ​ពួកយើង​។​គោលបំណង​របស់​យើង​គឺ​ដើម្បី​ក្លាយជា​ដៃគូ​ដ៏​ពិតប្រាកដ​និង​ជាទី​ទុកចិត្ត​ដែល​ផ្តល់នូវ​ការគាំទ្រ​ដែល​ពាក់ព័ន្ធ​និង​ទាន់ពេលវេលា​ដូច្នេះ​ដៃគូ​ទូទាត់​និង​ភ្នាក់ងារ​អាច​នឹង​ជម្រុញ​អាជីវកម្ម​របស់ខ្លួន ឱ្យ​រីកចម្រើន​ប្រកបដោយ​ទំនុកចិត្ត​»​។

​លោក​Zwan​បាន​បន្ថែមទៀតថា​«​របៀប​ដែល​យើង​បម្រើ​ដៃគូ​ទូទាត់​និង​ភ្នាក់ងារ​គឺ​ផ្តល់​ដល់​ពួកគេ​នូវ​ឧបករណ៍​និង​ប្រព័ន្ធ​អេកូឡូស៊ី​ដែល​ជួយ​ពួកគេ​ក្នុង​ការបង្កើត​អាជីវកម្ម​និង​ជា​ចុងក្រោយ​អនាគត​ហិរញ្ញវត្ថុ​របស់​ពួកគេ​។ យើងទាំងអស់គ្នា​នៅ Fincy ចង់​បម្រើ​នូវ​សេចក្តីត្រូវការ​ផ្នែក​ហិរញ្ញវត្ថុ​ដល់​អ្នក​ដែល​យើង​បម្រើ និង ធានាថា​ពួកគេ​មាន​ធនធាន​ត្រឹមត្រូវ​ដើម្បី​បម្រើ​សេចក្តីត្រូវការ​អាជីវក​ម្ម​របស់​ពួកគេ​។ Fincy នៅទីនេះ​ដើម្បី​ធានា​ដល់​ភាពជោគជ័យ​របស់​ក្រុមគ្រួសារ​និង​អាជីវកម្ម​ទាំងអស់​។​យើង​មាន​មោទនភាព​ដែលមាន​វត្តមាន​នៅទីនេះ​និង​បាន​ក្លាយជា​ផ្នែក​មួយ​នៃ​ការបង្កើត​ប្រវត្តិ​សេដ្ឋកិច្ច​ដ៏​អស្ចារ្យ​មួយ​ដល់​ប្រទេស​កម្ពុជា​»៕S/

ទីតាំងផ្សាយពាណិជ្ជកម្ម

- Advertisment -

Most Popular