Home កីឡា ម៉ា​ឡាង សា ចូ...

ម៉ា​ឡាង សា ចូលរួម​លេង​ខ្ចី​ជើង​នៅ​ក្លិប​ប៉ូ​តូ ពេញ​មួយ​រដូវ​កាល​

​ក្លិប​ប៉ូ​តូ​( Porto) បានប្រកាស​ខ្ចី​ជើង​ខ្សែការពារ ម៉ា​ឡាង សា (Malang Sarr) របស់​ក្លិប​ឆេ​ល​ស៊ី​( Chelsea )​ស្របពេល​រដូវ​កាល​ទិញដូរ​នៅ​ព័រ​ទុយ​ហ្គា​ល់​បានបញ្ចប់​។​
​ ​
​ម៉ា​ឡាង ទើបនឹង​បាន​ចូលរួម​ជាមួយ​ក្លិប Chelsea កាលពី​ដំណាច់​ខែសីហា​ដោយ​ផ្ទេរ​ពី​ក្លិប​ណៃ​( Nice) របស់​បារាំង​ក្នុង​កិច្ចសន្យា​លេង​រយៈពេល​៥​ឆ្នាំ ប៉ុន្តែ​ហាក់ដូចជា​គ្មាន​ឱកាស​បង្ហាញមុខ​ទេ នៅ​រដូវ​កាល​នេះ ដោយ​កីឡាករ​វ័យ​២១​ឆ្នាំ​រូបនេះ​ត្រូវបាន​បញ្ជូន​ចេញទៅ​លេង​ខ្ចី​ជើង​។​
​ ​
​ម៉ា​ឡាង បាន​ចុះ​កិច្ចព្រមព្រៀង​ខ្ចី​ជើង​ពេញ​មួយ​រដូវ​កាល ហើយ​ក្លិប​នេះ​បានប្រកាស​ពី​កិច្ច​ព្រម ព្រៀង​ផ្ទេរ​នេះ​កាលពី​យប់​ថ្ងៃ​អង្គា​រ៍ គឺ​មួយថ្ងៃ បន្ទាប់ពី​រដូវ​កាល​ទិញដូរ​បិទទ្វារ ប៉ុន្តែ​ទីផ្សារ​ទិញដូរ នៅ​ព័រ​ទុយ​ហ្គា​ល់​នៅ​បើកទ្វារ​រហូតដល់​ពាក់​កណ្តាល​អា​ធ្រា​ត្រ​។​
​ ​
​ខ្សែការពារ​ស្លាប​ឆ្វេង អេ​មឺ​សិន (Emerson) ក៏​ជាទី​ចំណាប់អារម្មណ៍​របស់​ក្លិប Porto ផងដែរ ប៉ុន្តែ​កីឡាករ​រូបនេះ​នៅ​ជា​កីឡាករ​របស់​ក្លឹប Chelsea នៅឡើយ​។​
​ ​
​បន្ទាប់ពី​ចំណាយ​អស់​ជាង​២៣០​លាន​ផោន​លើ​កីឡាករ​ថ្មី រួមទាំង​កីឡាករ ខាយ ហា​វើត (Kai Havertz) ធី​ម៉ូ វើ​ន័​រ (Timo Werner) បេន ឈី​វែ​ល (Ben Chilwel) ហា​គីម ហ្ស៊ី​អ៊ី​ច (Hakim Ziyech) អេ​ដ្វា​ដ ម៉េ​ន​ឌី (Edouard Mendy) ធី​អា​ហ្គោ ស៊ី​ល​វ៉ា (Thiago Silva) និង សា ក្លឹប Chelsea បាន​បង្វែរ​ចំណាប់អារម្មណ៍​ទៅលើ​ការ​ជម្រុះ​ចោល​កីឡា​ករចាស់ៗ​ខ្លះ​។​
​ ​
​មាន​ក្លិប​មួយចំនួន​ចាប់អារម្មណ៍​ចង់បាន សា ពេញ​មួយ​រដូវ​កាល ដូចជា​ក្លឹប Saint-Etienne Genoa និង Sampdoria ។​
​ ​
​កីឡាករ​វ័យ​២១​ឆ្នាំ​រូបនេះ​ទទួលបាន​ការចាប់អារម្មណ៍​ច្រើន​ជាមួយនឹង​ក្លិប Nice នៅ​បារាំង បន្ទាប់ពី​បានបង្ហាញ​មុខ ១១៩ លើក​សម្រាប់​ក្លឹប​នេះ និង​ឈាន​ជើង​ចូលរួម​ជាមួយ​ក្លិប Chelsea ដោយ​ឥត​តម្លៃ​ខ្លួន​៕ ប្រែ​សម្រួល​: ពិសិដ្ឋ​

ខ្សែការពារ ម៉ា​ឡាង សា (Malang Sarr)

ទីតាំងផ្សាយពាណិជ្ជកម្ម

- Advertisment -

Most Popular