Home ប្លែកៗ វ៉ៃ​គ្រូ​ដេញ​...

វ៉ៃ​គ្រូ​ដេញ​ខ្មោច​ឥណ្ឌា​ដែល​ចាប់រំលោភ​ក្មេងស្រី​បន្ទាប់​ពី​សន្យាថា​នឹង​ព្យាបាល​នាង​ឱ្យ​ជា​

​គ្រូ​ដេញ​ខ្មោច​ម្នាក់​បាន​រំលោភ​ក្មេងស្រី​អាយុ ១៤ ឆ្នាំ​ម្តង​ហើយ​ម្តងទៀត​ក្នុង​រយៈពេល ៣ ខែ​បន្ទាប់​ពី​បាន​ប្រាប់​ឪពុក​ម្តាយ​របស់​នាង​ថា​គាត់​ត្រូវតែ​ប្រើ វិធី​អន្ទង​ព្រលឹង​ស្មារតី​ដោយ​ចលនា​”​ដើម្បី​​ព្យាបាល​នាង​។​

​តែ​កាល​ថ្ងៃ​ពុធ​ទី​១៤​តុលា ក្រុម​ស្ត្រី​និង​បុរស​ដែល​មាន​កំហឹង​បាន​សម្រុកចូល​កន្លែងរ​បស់​គ្រូ​ដេញ​ខ្មោច​នេះ​ឈ្មោះ​ស៊ី​វ៉ា​ប្រាសាដ​(Shivaprasad) អាយុ ៤៥ ឆ្នាំនេះ ហើយ​បាន​វាយ​គាត់​នឹង​ស្បែកជើង​និង​​កណ្តាប់ដៃ​បន្ទាប់ពី​បានដឹង​អំពី​ការប្រព្រឹត​អំពើ​បែប​នេះ​ទៅ​លើ​ក្មេងស្រី​នេះ​នៅ ទីក្រុង​នី​ហ្សា​ម៉ា​បាត ក្នុង​រដ្ឋ​តេ​ឡាន់​ហ្កា​ណា ប្រទេស​ឥណ្ឌា​។​

​ឪពុកម្តាយ​ក្មេង​ស្រី​បាន​នាំ​នាង​ទៅ លោកគ្រូ​ស៊ី​វ៉ា​ប្រាសាដ ដែល​អះអាង​ថា​ខ្លួន​ជា​គ្រូ​អាប​ធ្មប់​ព្យាបាល​ជំងឺ​ផ្សេងៗ ដោយ​សង្ឃឹមថា​នឹង​អាច​ព្យាបាល​ជំងឺ​សុខភាព​ផ្លូវកាយ​និង​ផ្លូវចិត្ត​របស់​ក្មេងស្រី​ជំទង់​​នេះ​កាលពី​ខែកក្កដា​។​

​ស៊ី​វ៉ា​ប្រាសាដ បាន​ប្រាប់​ក្រុមគ្រួសារ​ឱ្យ​នាំ​ក្មេងស្រី​រងគ្រោះ​ចូល​កន្លែង​របស់​គាត់​រាល់​សប្តាហ៍​។ គាត់​បាន​ចាប់រំលោភ​ក្មេង​ស្រី​នេះ នៅ​ទីនោះ ក្នុងឱកាស​មក​ព្យាបាល​ម្តងៗ​។​

​យោង​តាម​សារព័ត៌មាន New Indian Express​បានឱ្យដឹង​ថា​គ្រូ​ដេញ​ខ្មោច​នេះ​បាន​ប្រាប់​ឪពុក​ម្តាយ​របស់​នាង​ថា​គាត់​នឹង​ព្យាបាល​កូនស្រី​របស់​ពួកគេ​ដោយ​ប្រើ​វិធីសាស្ត្រ​អន្ទង​ព្រលឹង​ស្មារតី​ដោយ​​ធ្វើ​ចលនា​។​

​គ្រូ​ដេញ​ខ្មោច​នេះ​ក៏​ត្រូវបាន​ចោទប្រកាន់​ផងដែរ​ពី​បទ​គំរាម​សម្លាប់​ក្មេងស្រី​នេះ​ប្រសិនបើ​នាង​ប្រាប់​នរណា​ម្នាក់​អំពី​ការរំលោភ​នេះ​។​

​ការរំលោភ​នេះ​ត្រូវបាន​ដឹង​នៅ​ពេល​ចុង​ក្រោយ​បន្ទាប់ពី​ក្មេង​ស្រី​នេះ​ធ្លាក់ខ្លួន​ឈឺ​យ៉ាងខ្លាំង​ហើយ​បាន​ទៅ​ជួប​គ្រូពេទ្យ​ដោយ​ត្អូញត្អែរថា​ឈឺ​ក្រពះ​។​ប៉ុ​នុ្ត​ផ្ទុយ​ទៅ​វិញ​នោះ នាង​ត្រូវបាន​គ្រូពេទ្យ​ប្រាប់ថា​នាង​​មាន​ជំងឺឆ្លង​ប្រដាប់​បន្ត​ពូជ​(​ជំងឺ​កាមរោគ​)៕​ប្រែ​សម្រួល​៖​សុខា​/sn

ក្រុម​ស្ត្រី​និង​បុរស​ដែល​មាន​កំហឹង​បាន​សម្រុកចូល​កន្លែងរ​បស់​គ្រូ​ដេញ​ខ្មោច​នេះ​កាល​ថ្ងៃ​ពុធ​ហើយ​បាន​វាយ​គាត់​នឹង​ស្បែកជើង​និង​កណ្តាប់ដៃ​

ទីតាំងផ្សាយពាណិជ្ជកម្ម

- Advertisment -

Most Popular