ឈូ​ឈូ បង្ហាញខ្លួន​ក្នុង​ឈុត​កូនក្រមុំ ហាក់បីដូច​ស្ត្រី​ពេញវ័យ​ពិតៗ​

315
ចែករម្លែក

ដោយ​: បូ​រិ​ន​/​ភ្នំពេញ​៖ តារា​សម្តែង​វ័យក្មេង ឈូ​ឈូ​បានធ្វើឱ្យ​អ្នកគាំទ្រ​មានការ​ភ្ញាក់ផ្អើល នៅលើ​បណ្តាញ​សង្គម ដោយ​ក្មេងស្រី​រូបនេះ​បានបង្ហាញ​ខ្លួន​ក្នុង​ឈុត​កូនក្រមុំ​បែបនេះ ហាក់បីដូចជា​មនុស្ស​ធំ​ពេញវ័យ តែម្តង​។

​រូបថត​ក្នុង​ឈុត​ប្រពៃណី​ខ្មែរ​ជា​កូនក្រមុំ ក្នុង​ទឹកមុខ​ញញឹម​ស្រស់​របស់ ឈូ​ឈូ​ដែល​បាន​បង្ហោះ រយៈ​ប៉ុន្មាន​ថ្ងៃនេះ​បានធ្វើឱ្យ​អ្នកគាំទ្រ​ពេញចិត្ត ហើយ​នាំគ្នា​លាន់មាត់​ថា ពិតជា​ស្អាត​ហើយ​ឥឡូវ មើលទៅ​ក្លាយជា​មនុស្ស​ធំ ពេញក្រមុំ អាយុ​១៨​ឆ្នាំ ស្ទើរតែ​ប្លែក​ខុសពី​ធម្មតា​នៃ​ទម្រង់​របស់​នាង​។

​អ្នកនាង សឿង ផាន​ផា​ភួង បាន​ប្រាប់​រស្មី​កម្ពុជា​ថា​មួយរយៈ​នេះ​កូនស្រី​របស់​នាង​មមាញឹក​ច្រើន នឹង​ការងារ​ថត​រឿង​ភាគ រឿង​ខ្លី​ជាច្រើន​បន្តបន្ទាប់ ហើយ​ទើប​ទទួល​ការថត​ស្ប៉ត​ម៉ូត​សម្លៀក បំពាក់​ឈុត​ក្រមុំ​អោយ​សំអាងការ​មួយ​ថ្មីៗ​នេះ​។ នាង​ពិត​ថត​លើក​នេះ ប្លែក​បន្តិច​ហើយ មើលទៅ​ដូច​មនុស្ស​ធំ ពេញក្រមុំ​តែម្តង ខណៈ​មាន​មនុស្ស​ជាច្រើន​និយាយ​បែបនេះ និង​សរសើរ នាង​។ ជាមួយគ្នា​នោះ ក៏មាន​សំអាងការ​ជាច្រើន​ផ្សេងទៀត បាន​ទាក់ទង​សុំ​ពេលវេលា ចង់បាន ឈូ​ឈូ ថត​ផ្សព្វផ្សាយ​ឱ្យ​ពួកគេ ប៉ុន្តែ​មិនទាន់​ហ៊ាន​ទទួល​ការងារ​ពី​គេ​ឡើយ​។

​សូមបញ្ជាក់ថា ថ្មីៗ​នេះ​រឿង “​ម៉ា​ឡែ​ន​ម៉ា​លីន ជា​ស្នាដៃ​ផលិត​ដោយ​ផលិតកម្ម សាស្ត្រា​ភាពយន្ត ចាក់​បញ្ចាំង​លើ​កញ្ចក់​ទូរទស្សន៍​បាយ័ន បានបង្ហាញ​តារា​សម្តែង​ស្រី​វ័យ​១៥​ឆ្នាំ​ឈូ​ឈូ និង កញ្ញា នី មុន្នីនាថ ដែល​ពិតជា​ការភ្ញាក់ផ្អើល​សារជាថ្មី​សម្រាប់​អ្នក​និយម​ទស្សនា​ភាពយន្ត​រឿង​ភាគ​នេះ ក្រោយពី​ជំនួប​គ្នា​លើកដំបូង​។

​សូម​រំលឹក​ផងដែរ​ថា ចូល​ដើមឆ្នាំ​២០២០ តារា​សម្តែង​អ្នកនាង សឿន ផាន​ផា​ភួង និង កុមារី ឈូ​ឈូ បាន​បង្អួត​សម្រស់​ក្នុងសម័យ​អង្គរ ស្អាត​ប្លែក​ភ្នែក​ដល់​អ្នកគាំទ្រ ហើយ​ទទួល​ការ​ពេញ ចិត្ត​និង​គាំទ្រ​ចំពោះ​ម្តាយ​និង​កូនស្រី​ពីរ​នាក់​នេះ​។​

​កុមារី អាង សុជាតា ហៅ​ឈូ​ឈូ ជា​ក្មេងស្រី​ស្រលាញ់​អាណិតម្តាយ​ចេញ​ថត​ចេញ​សម្តែង​ជួយ ម្តាយ​តាំងពី​អាយុ​១២​ឆ្នាំ​មកម្ល៉េះ ហើយ​ជា​កូនសិស្ស​ម្នាក់​រៀន​ពូកែ​ក្នុង​សាលា​ប៊ែ​ល​ធី​ខណៈ​មិត្ត ភ័ក្ត្រ​ជាច្រើន​ស្រលាញ់​រាប់អាន​នាង ក្រោម​ហេតុផល​នាង​ជាម​នុស្ស​ចិត្តល្អ ចេះ​យក​ឧស្សាហ៍​គេ មិន​ប្រកាន់វណ្ណៈ មើលងាយ​គេ​៕

ទីតាំងផ្សាយពាណិជ្ជកម្ម